उत्पत्ती 13:18 - Sunuwar Bible

¹⁸ मिनु अब्राममी आ ताम्‍बु याक्‍शा, हेब्रोन रागी ङा माम्रे माइश्‍शो ब्‍वाकीम कीङा बाक्‍त। मिनु मेकेर परमप्रभु यावे कली चढ़ेतीक का सेला बाक्‍त। उत्‍पत्ती १४:१३-२४

उत्पत्ती 13:18 ပူးပေါင်းရင်းမြစ်များ

उत्पत्ती 13:4

मिनु इजीप्‍त लचा क्‍येङा ङोंइती मेकेर सेल्‍शो चढ़ेतीकेमी लेश्‍शा जाक्‍दीश्‍शा, परमप्रभु यावे कली लोव़ पा, ठेयब सेला बाक्‍त। उत्‍पत्ती १२:८

उत्पत्ती 14:13

मिनु पहाडम प्रोक्‍शो मुर कामी हिब्रू अब्राम कली मेको लोव़ शेंदा बाक्‍त। अब्राम चहिं एमोरी माम्रे आ ब्‍वाकीम बाक्‍शो बाक्‍माक्‍त। माम्रे एश्‍कोल नु आनेर वोबु बाक्‍सा बाक्‍त। मेको अब्राम कली वारच पाइब बाक्‍मा बाक्‍त।

उत्पत्ती 18:1

मिनु काबु नाक्‍ती अब्राहाम माम्रे आ ब्‍वाकीमी बाक्‍माक्‍त। आ ताम्‍बु आ लाप्‍चोमी निस्‍से बाक्‍त। मारदे हना शुश हुप्‍ता बाक्‍त। मेना परमप्रभु यावे मेको कली ग्रुम्‍थ जाक्‍माक्‍त।

उत्पत्ती 22:9

मिनु परमप्रभुमी देंशो रागी जाक्‍दीस्‍सानु, अब्राहाममी फुल्‍लु चाक्‍शा, चढ़ेतीक सेला बाक्‍त। मिनु चढ़ेतीक तारी शी प्रोव़ङा बाक्‍त। मिनु आ तौ इसहाक कली गुइ खोइल फ्रेंशा, शी तारी वोदा बाक्‍त।

उत्पत्ती 23:2

सारा कनान रागी ङा किरयथ-अरबाम बेक्‍माक्‍त। मेको कली हेब्रोन यो देंनीम। मिनु अब्राहाम सारा आ पर्बम हिंशेक पा ङाक्‍थ लमाक्‍त।

उत्पत्ती 26:25

मिनु इसहाकम मेकेर चढ़ेतीक सेल्‍शा, परमप्रभु यावे आ नें थिशा ब्रेश्‍शा, मेको नु लोव़ पवा बाक्‍त। मिनु आ ताम्‍बु मेक उइ कीङा बाक्‍त। आ गेय पाइबपुकीमी मेकेर इनार का दोव़मे बाक्‍त। उत्‍पत्ती १२:८

उत्पत्ती 35:27

मिनु याकूब, आ आफ इसहाक आ खिं माम्रे जाक्‍दीम्‍माक्‍त। मेको कली किरयथ-अरबा सहर नु हेब्रोन यो देंनीम। मेको अब्राहाम नु इसहाक आस बाक्‍तीक रागी बाक्‍माक्‍त।

उत्पत्ती 37:14

मिनु “लावो, इ लोक्‍ब नु क्‍यारश भेडा नेल्‍ल रिम्‍शो बाक्‍मा कों, दोदेंशो पा बाक्‍मा, कोव़थ लावो। मिनु कोव़शा, शेंदी” देंमाक्‍त। मिनु योसेफ कली हेब्रोन बेंसी रे सोइक्‍तानु, शेकेम गे लमाक्‍त। उत्‍पत्ती ३५:२७

उत्पत्ती 8:20

मिनु नोले नोआहम परमप्रभु यावे कली चढ़ेतीक का सेला बाक्‍त। मिनु चढ़ेचा दुम्‍ब बस्‍तु नु चढ़ेचा दुम्‍ब चिक्‍ब नेल्‍ल लाइश्‍शा चोशा चढ़ेतीक चढ़ेवा बाक्‍त। उत्‍पत्ती ७:२

२ सामुएल 2:1

मेको नोले दाऊदमी परमप्रभु यावे कली “मार गो यहूदा ङा सहर काम लङा?” दे हिल्‍लो पवा बाक्‍त। मिनु परमप्रभु यावेमी “लावो” देंमाक्‍त। मिनु दाऊदमी “तेको सहरम लङ” दे हिल्‍लो पवा बाक्‍त। मिनु “हेब्रोन सहरम लावो” देंमाक्‍त। १सामुएल २३:६,९; १सामुएल ३०:७-८

भजन संग्रह 16:8

गो परमप्रभु यावे कली गेना हना यो आं ङोंइती वोइक्‍ता। मोपा मेको आं ग्‍युरा गे बाक्‍मेनु, गो महिम्‍सीनुङ। प्रेरित २:२५-२८

गन्‍ती 13:22

मिनु मेकोपुकी नेगेब गे ग्‍येत्‍थ लशा, हेब्रोन सहर जाक्‍दीम्‍मा बाक्‍त। मेकेर अनाक आ मुर अहीमान, शेशै नु तल्‍मै बाक्‍बाक्‍तेक्‍म। हेब्रोन चहिं इजीप्‍त ङा सोआन सहर क्‍येङा ७ बर्स ङोंइती सेल्‍शो बाक्‍त।

१ तिमोथी 2:8

तेइ तेइ ङा वोंइश मुरपुकीमी प्रार्थना पचा माल्‍नीम। परमप्रभु यावे कली थुं नेल्‍लेम थमा सुइक्‍ब गे गुइ पोक्‍शा, मगाइक्‍ब नु मजीब दुम्‍शा, परमप्रभु यावे नु लोव़ पशो तचा दाक्‍नुङ।

हिब्रू 11:9

मिनु थमा सुइश्‍शा कोंइशो रागीम जाक्‍दीश्‍शा, परमप्रभु यावे आ गेशो लोव़ ताइब आ तौ इसहाक, आ चच याकूब नु काथा बाक्‍शा, अर्को रागी ङा मुर खोदेंशो पा खिं मसेल्‍थु ताम्‍बु कीशा बाक्‍माक्‍त।

यहोसु 14:13

मिनु यहोसुमी मेको कली आसीक गेशा, यपुन्‍ने आ तौ कालेब कली हेब्रोन सहर गेप्‍तु। यहोसु १५:१३-१९; यहोसु २१:११-१२

यहोसु 15:13

मिनु परमप्रभु यावेमी यहोसु कली अरेशो खोदेंशो पा यहूदा आ थर ङा रागी आ दातेमी यपुन्‍ने आ तौ कालेब कली किरयथ-अरबा गेप्‍तु। मेको कली हेब्रोन यो देंनीम। मेको अरबा अनाक आ आफ बाक्‍त।