उत्पत्ती 13:16 - Sunuwar Bible

¹⁶ गो इ चच युइ खप ङा फुरक खोदेंशो पा शुश सेल्‍नुङ। मुरुम फुरक हिक्‍ने चाप्‍तेक्‍म हना ला, इ चच युइ आन कली यो हिक्‍ने चाप्‍नीम। तन्‍न मचाप्‍नीम। उत्‍पत्ती २८:१४; गन्‍ती २३:१०; १राजा ४:२०

उत्पत्ती 13:16 ပူးပေါင်းရင်းမြစ်များ

उत्पत्ती 15:5

मिनु मेकोमी अब्राम कली ताम्‍बु रे ग्रुंइशा “सरीङ गे कोव़ङो, सोरुल आन कली हिक्‍को। मेको हिक्‍ने चाप्‍नेवे? गिश बाक्‍मा, इ चच युइ यो मिश दुम्‍नीम” देंमाक्‍त। उत्‍पत्ती २२:१७; प्रस्‍थान ३२:१३; ब्‍यवस्‍था १:१०; हिब्रू ११:१२

उत्पत्ती 16:10

मिनु परमप्रभु यावे आ स्‍वर्ग ङा गेय पाइबमी लेंशा “इ चच युइ आन कली शुश दुम्‍पाइक्‍नुङ। इ मुरपुकी सुइमी हिक्‍ने मचाप्‍चा ङा पा शुश दुम्‍नीम” देंमाक्‍त। उत्‍पत्ती १७:२०

उत्पत्ती 17:16

गो मेको कली आसीक गेनुङ। गो इ कली मेको रे तौ का गेनुङ। मिनु सारा रागी रागी ङा मुर नु जात जात ङा मुर आन पिप आन ममा दुम्‍ब” दे परमप्रभुमी देंमाक्‍त। उत्‍पत्ती १२:२-३

उत्पत्ती 17:2

मिनु गो गे नु आं कबल पाइनुङ। गो इ मुर हिक्‍ने मचाप्‍चा ङा पा शुश सेल्‍नुङमी” देंमाक्‍त।

उत्पत्ती 17:20

इश्‍माएल आ पर्बम मार देंने, गो मेको नेल्‍ल नेंता। नेनो, गो मेको कली आसीक गेनुङ। मेको सोशा बोशा, शुश दुम्‍ब। गो मेको कली १२ जना पिप आन आफ सेल्‍नुङ। गो मेको कली ठेयब जात दुम्‍पाइक्‍नुङ। उत्‍पत्ती १६:१०; उत्‍पत्ती २१:१३,१८; उत्‍पत्ती २५:१६

उत्पत्ती 17:6

गो इ रे शुश मुर सेल्‍नुङमी, रागी रागी ङा मुर सेल्‍नुङ। इ रे पिपपुकी यो दुम्‍नीम।

उत्पत्ती 18:18

अब्राहाम ठेयब नु बोल्‍यो रागी ङा मुर आन आफ दुम्‍ब। मिनु रागी नेल्‍ल ङा मुरपुकीमी मेको आ पर्बम आसीक ताइनीम। उत्‍पत्ती १२:३

उत्पत्ती 21:13

मिनु इ वाइलीम आ तौ इश्‍माएल आ चच युइ रे यो ठेयब जात का सेल्‍नुङ। मारदे हना मेको यो इ तौ बाक्‍ब” देंमाक्‍त। उत्‍पत्ती १७:२०

उत्पत्ती 22:17

मार कसम जाता देंशा हना, गो इ कली आसीक गेनुङ। इ चच युइ आन कली सोरुल नु समुन्‍द्र आ नेक्‍था ङा बाल्‍वा खोदेंशो पा शुश सेल्‍नुङमी। मिनु मेकोपुकीमी आन जोरी सत्रु आन सहर आंम के सेल्‍नीम। उत्‍पत्ती १३:१६; हिब्रू ११:१२

उत्पत्ती 26:4

इ चच युइ आन कली सरीङ ङा सोरुल खोदेंशो पा शुश सेल्‍नुङ। मेको आन कली एको रागी नेल्‍ल गेनुङ। मिनु इ चच युइ आन पर्बम रागी रागी ङा मुर नेल्‍ल आसीक ताइनीम।

उत्पत्ती 28:14

इ चच युइ खप ङा फुरक खोदेंशो पा शुश दुम्‍नीम। सोशा बोशा, शुश दुम्‍शा, पूर्ब, पच्‍छिम, उत्तर, दक्‍खिनम ब्रशा बाक्‍नीमी। गे नु इ चच युइ आन पर्बम रागी नेल्‍ल ङा मुर आसीक ताइनीम। उत्‍पत्ती १३:१४-१५

उत्पत्ती 28:3

मिनु नेल्‍ल क्‍येङा सक्ति पाइश्‍शो परमप्रभुमी इ कली आसीक गेवल। मिनु इ कली सोशा बोशा, शुश सेलल। हिक्‍ने मचाप्‍चा ङा पा शुश दुम्‍पदल।

उत्पत्ती 32:12

गे आं कली ‘गो इ कली थमा पा रिम्‍शो पाइनुङ। इ चच युइ आन कली समुन्‍द्र ङा बाल्‍वा खोदेंशो पा, हिक्‍ने मचाप्‍चा ङा सेल्‍नुङ’ देंतीनी” दे याकूबमी परमप्रभु कली लोव़ पवा बाक्‍त। उत्‍पत्ती २८:१३-१४

उत्पत्ती 32:13

मिनु मेको नाक्‍दो मेकेर बाक्‍शा, आ मारेइ मारेइ रे एसाव कली कोसेली योव़ङा बाक्‍त।

उत्पत्ती 35:11

मिनु परमप्रभुमी मेको कली “गो नेल्‍ल क्‍येङा सक्ति पाइश्‍शो परमप्रभु नङ। गे सोशा बोशा, शुश दुमीने। गे रे रागी का ङा शुश मुर नु रागी रागी ङा मुर यो दुम्‍नीम। गे रे पिपपुकी दुम्‍नीमी। उत्‍पत्ती १७:१; उत्‍पत्ती २८:३-४; उत्‍पत्ती १७:६

उत्पत्ती 46:3

मिनु परमप्रभुमी “गो परमप्रभु, इ आफ आ परमप्रभु नङ। इजीप्‍त लचा महिनो। मारदे हना गे उइ बाक्‍ङेनु, इ रे पा ठेयब जात सेल्‍नुङ। उत्‍पत्ती ४७:२७; प्रस्‍थान १:७

१ राजा 3:8

मुल गो इन गेय पाइब इन योव़शो मुर इस्राएली आन दातेम बाक्‍शो बाक्‍नुङ। मेको शुश नु हिक्‍ने मचाप्‍चा ङा बाक्‍नीम। १राजा ४:२०

१ राजा 4:20

यहूदा नु इस्राएल ङा मुरपुकी समुन्‍द्र ङा बाल्‍वा खोदेंशो पा शुश बाक्‍मा बाक्‍त। मेकोपुकी जशा तूशा ग्‍येरशा बाक्‍बाक्‍मा बाक्‍त। १राजा ३:८; उत्‍पत्ती १३:१६

२ राजा 13:23

तन्‍न परमप्रभु यावेमी अब्राहाम, इसहाक नु याकूब नु पशो कबलम पतीके, मेको आन कली शिशी पाइक्‍मी बाक्‍त। मेकोम मेको आन कली मिम्‍तीमी बाक्‍त। मिनु परमप्रभु यावेमी मेको आन कली साइक्‍चा नु आ ङोंइती रे तिल्‍चा थुं मपवा बाक्‍त। लेवी २६:४२

१ इतिहास 21:5

मिनु योआब यरूसलेम जाक्‍शा, दाऊद कली आ हिक्‍शो मुरपुकी ओशो बाक्‍तेक्‍म, दे शेंदा बाक्‍त। मेकोमी “इस्राएलम या चलेने चाप्‍ब, लडाइ पाइब ११ लाख नु यहूदाम ४ लाख ७० हजार बाक्‍नीम” देंमाक्‍त।

१ इतिहास 27:23

मिनु दाऊदमी २० बर्स मगाप्‍शो आन कली महिक्‍मी बाक्‍त। मारदे हना परमप्रभु यावेमी “इस्राएली आन कली सरीङ ङा सोरुल खोदेंशो पा शुश सेल्‍नुङमी” दे कबल पशो बाक्‍माक्‍त। उत्‍पत्ती २२:१७

२ इतिहास 1:9

मुल आं परमप्रभु यावे, गे आं आफ दाऊद कली गेशो इन लोव़ खाप्‍पीन। मारदे हना गे आं कली एको रागी ङा फुरक खोदेंशो पा हिक्‍ने मचाप्‍चा ङा शुश मुर आन पिप सेल्‍तीनी।

अय्‍युब 5:25

इन चच युइ शुश दुम्‍शो बाक्‍नीम। इन आल घांस खोदेंशो पा शुश दुम्‍शो बाक्‍नीम।

प्रस्‍थान 1:7

मिनु इस्राएल आ चच युइ सोशा बोशा शुश दुम्‍मा बाक्‍त। शुश दुम्‍शा ङा मिन, बोल्‍यो दुम्‍मा बाक्‍त। मिनु इस्राएल आ मुरपुकीमी रागी नेल्‍ल ब्रीमा बाक्‍त। प्रेरित ७:१७-१९

प्रस्‍थान 32:13

इन गेय पाइब अब्राहाम, इसहाक नु याकूब मिम्‍तीने। मेको आन पर्बम इन नेंमी ‘गो इन कली सरीङ ङा सोरुल खोदेंशो पा शुश सेल्‍नुङ। आं देंशो रागी इन चच युइ आन कली गेनुङमी। मिनु एको रागी गेना हना यो मेको आन के दुम्‍ब’ दे कसम जाइतीनी” दें‍त। उत्‍पत्ती १५:५; उत्‍पत्ती २२:१६-१७; उत्‍पत्ती २६:४

येरमीया 33:22

दोपा सरीङ ङा सोरुल हिक्ने मचाप्‍चा ङा बाक्‍नीमी नु समुन्‍द्र ङा बाल्‍वा पुक्‍ने मचाप्‍चा ङा बाक्‍बा, मोपा गो आं गेय पाइब दाऊद आ चच युइ नु आं कली गेय पाइब लेवी आ थर ङा मुर आन कली सोपाइश्‍शा बोपाइश्‍शा शुश सेल्‍नुङमी” देंत। उत्‍पत्ती १५:५

गन्‍ती 23:10

याकूब आ मुर फुरक खोदेंशो पा शुश दुम्‍शो बाक्‍नीम। इस्राएल ङा मुर आन ४ भाग ङा भाग का यो, सुम हिक्‍ने चाप्‍नीमी ङा? उत्‍पत्ती १३:१६ गे आं कली ठीक पाइब मुर आन कली खोदेंशो पा बेक्‍चा गेयीनी। मिनु आं बेक्‍तीके मेको आन केन खोदेंशो दुम्‍ल” देंत।

ब्‍यवस्‍था 1:10

मिनु परमप्रभु यावे, इन परमप्रभुमी इन कली शुश सेल्‍शा, गे मुल सरीङ ङा सोरुल खोदेंशो पा शुश दुम्‍शो बाक्‍नीनी। ब्‍यवस्‍था १०:२२; उत्‍पत्ती १५:५

हिब्रू 11:12

मेना अब्राहाम आल मथीब खाल्‍पा बाक्‍माक्‍त हना यो, नोले आ खिं ङा मुर सोरुल खोदेंशो पा शुश दुम्‍शा, हिक्‍ने मचाप्‍चा ङा दुम्‍मा बाक्‍त।

प्रकाश 7:9

मिनु नोले हिक्‍ने मचाप्‍चा ङा पा रागी रागी नेल्‍ल ङा, जात नेल्‍ल ङा, थर नेल्‍ल ङा मुर नेल्‍ल नु लोव़ नेल्‍ल ङा मुर ठेयब नित्‍तीकेमी निप्‍ब नु पाठा आस ङोंइती राप्‍शो तातामी। मेकोपुकीम बुश वा फेक्‍शो बाक्‍तेक्‍म। मिनु आन गुइमी खजूर रवा आ राशी शेशो तातामी।

न्‍यायाधीस 6:3

इस्राएलीपुकीमी वांचेर शोक्‍गमे चोटीन मिदयान ङा मुरपुकी, अमालेक ङा मुरपुकी नु पूर्ब ङा मुरपुकी जाक्‍शा, इस्राएलीपुकी नु लडाइ पाइबाक्‍मा बाक्‍त। ब्‍यवस्‍था २८:३३

न्‍यायाधीस 6:5

मेकोपुकी आंम के बी ब्‍यफ नु ताम्‍बुपुकी चाक्‍शा, सल्‍हा माले खोदेंशो पा जाक्‍मा बाक्‍त। मुर नु मेको आन दलओंठ हिक्‍ने मचाप्‍चा ङा पा शुश बाक्‍तीके, मोपा मेको रागी कली खतम पोक्‍गमे बाक्‍त।