Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




उत्पत्ती 13:10 - Sunuwar Bible

10 मिनु लोतमी यर्दन खोला आ नेक्‍था ब्‍वाक्‍कु बाक्‍शो रिम्‍शो दिंम तवा बाक्‍त। मेको परमप्रभु यावे आ रू नु इजीप्‍त रागी खोदेंशो दारशो तांइसे बाक्‍त। सोआर सहर सम्‍म मोदेंशो दारशो तांइसे बाक्‍त। परमप्रभु यावेम सोदोम नु गोमोररा सहर मीम जेप्‍पाइक्‍चा क्‍येङा ङोंइती मेकेर थाम्‍पा दारशो बाक्‍माक्‍त। उत्‍पत्ती २:८-१०

အခန်းကိုကြည့်ပါ။ ကော်ပီ




उत्पत्ती 13:10
26 ပူးပေါင်းရင်းမြစ်များ  

तेराह आ चच युइ सु सु बाक्‍मा बाक्‍त देंशा हना, तेराह अब्राम, नाहोर नु हारान आन आफ दुम्‍माक्‍त। हारानमी लोत थि‍माक्‍त।


मिनु लोत यर्दन खोला ङा दिंम योव़शा, पूर्ब गे लमाक्‍त। मोपा लोत नु अब्राम ब्रासा बाक्‍त।


गे नु गो ब्राचा रिम्‍शो दुम्‍ब। एको रागी नेल्‍ल इ ङोंइती बाक्‍ब। गे पेरा गे लते हना, गो ग्‍युरा गे लाइनुङ। गे ग्‍युरा गे लते हना, गो पेरा गे लाइनुङ” देंमाक्‍त।


सोदोम ङा पिप बेरा, गोमोररा ङा पिप बिरशा, अदमाह ङा पिप शिनाब नु सेबोयीम ङा पिप शेमेबेर, बेला सहर ङा पिप नु लडाइ पामे बाक्‍त। बेला सहर कली सोआर यो देंनीम। उत्‍पत्ती १९:२४


मेना सोदोम ङा पिप, गोमोररा ङा पिप, अदमाह ङा पिप, सेबोयीम ङा पिप नु बेला ङा पिप सल्‍ला पशा, बेला सहर कली सोआर यो देंनीम


मिनु मीश मुरुम मेको रवा तशा ब्‍वशोनु, ब्रोव़चा ङा कोव़शोनु, दारशो, रुप्‍तीक थुं गेचा ङा तवा बाक्‍त। मोपतीके फल सेक्‍शा, ब्‍ववा बाक्‍त। मेको आ नेक्‍था बाक्‍ब आ वोंइश कली यो गेवा बाक्‍त। मेकोमी यो ब्‍ववा बाक्‍त। याकूब १:१४-१५; १तिमोथी २:१४


इजीप्‍त रागी इ रागी खोदेंशो मिम्‍तो। नेल्‍ल क्‍येङा रिम्‍शो जोतीके गोशेनमी मेको आन कली बाक्‍पतो। मिनु मेको इ मुर आन दातेमी रिम्‍शो गेय पाइब बाक्‍तेक्‍म हना, आं बस्‍तु भाव आन कली यो कोव़पतो” दे मदा बाक्‍त।


मिनु परमप्रभु आ तौपुकीमी मुर आन तमी आन कली तशा “दारशो बाक्‍नीम” दे मिम्‍तमे बाक्‍त। मिनु मेको आन दाते रे योव़शा चाक्‍ग्‍मे बाक्‍त। अय्‍युब १:६; २पत्रुस २:४; यहूदा ६


मेको नेल्‍ल पिपम यर्दन खोला ङा दिंम सुक्‍कोथ नु चारेथन आस दातेमी मार मार यपाइक्‍तीकेम यपाइश्‍शा, सेल्‍पाइश्‍शो बाक्‍माक्‍त।


मेको खोला बारशा कुत हना यो महिंब। बारशो खोला आ गे पित हना यो दिल थिश्‍शा इप्‍शा बाक्‍ब।


मेकोमी ग्रेल्‍ब रू कली हिक्‍सी रू सेल्‍ब। मारदे हना मेकेर बाक्‍ब मुर आ अरेशो मटीब बाक्‍नीम। उत्‍पत्ती १९:२४-२५


आं थुं मोआब आ पर्बम वाइ ब्रेश्‍शा ङाक्‍ब। मेकेर ङा मुरपुकी सोआर नु एग्‍लाथ-शेलीशीया प्रोक्‍‍नीम। मेकोपुकी ङाक्‍ना ङाक्‍न लुहीथ ङा डांडा ङोइक्‍नीम। मेकोपुकीमी होरोनाइम ङा लांमी खतम दुम्‍चा आ पर्बम रोंका पाइनीम।


परमप्रभु यावेमी सियोन आ थुं बारपाइक्‍ब। आ खतम सेल्‍शो बाक्‍तीके नेल्‍ल नक सेल्‍ब। आ मुर मबाक्‍तीके कली एदेन खोदेंशो सेल्‍ब। आ गोरशो रागी कली परमप्रभु यावे आ रू खोदेंशो सेल्‍ब। मेकेर शुश ग्‍येरनीम। “गे रिम्‍शो पाइब बाक्‍नीनी” दे कुम्‍सो पशो नेंसीब। उत्‍पत्ती २:८


हेश्‍बोन नु एलेआले वाइ ब्रेत्‍नीस। मेको याहास सम्‍म नेंसीब। सोआर रे होरोनाइम, एग्‍लाथ-शेलीशीया सम्‍म वाइ ब्रेश्‍शो नेंसीब। मारदे हना निम्रीम ङा ब्‍वाक्‍कु यो सोव़ने थुम्‍शो बाक्‍ब।


मिनु इ दिदी सामरीया बाक्‍ब। मेको इ उत्तर गे आ तमीपुकी नु बाक्‍शो बाक्‍त। इ लोक्‍ब नु आ तमी चहिं दक्‍खिन गे सोदोम सहरम बाक्‍नीम। मेको आ तमीपुकी नु बाक्‍शो बाक्‍ब।


इ लोक्‍ब सोदोम आ दोस मार बाक्‍त देंशा हना, मेको नु आ तमीपुकी ठेयब लेश्‍शा, शुश जशा ब्‍वशा, शोंप पाइश्‍शो दुम्‍शा बाक्‍तेक्‍म। मेकोपुकीम प्रुङग नु मारेइ मथीब आन कली वारच मपदेम।


गे परमप्रभु आ रू एदेनम खोदेंशो बाक्‍ते। गे हीराम ग्‍योम्‍सीशो बाक्‍ते। लल मानीक, हाव पुश्‍‍पराज, बुश नु नीलो पन्‍ना, पीतमनी, लल रङ ङा ओनीक्‍स, नीलो बि‍लौरा, बुश नीर, लल फिरोजा नु गिगी बेरूज माइश्‍शो हीराम ग्‍योम्‍सीशो बाक्‍ते। मिनु मेको हीरा ग्‍याइक्‍तीके नु आप्‍तीके सुन के बाक्‍तेक्‍म। गे दुमे नाक्‍तीन मेको नेल्‍ल ठीक पशो बाक्‍तेक्‍म। प्रस्‍थान २८:१७-२०; इजीकीएल ३१:८-९; उत्‍पत्ती २:८


परमप्रभु आ रू ङा लाइश्‍शो रवापुकीम यो मेको कली ग्राने मचबेम। तेकोइ तोव़शी रवापुकीम यो मेको आन राशी कली ग्राने मचबेम। परमप्रभु आ रू ङा तेकोइ रवा मेको खोइ दारशो मबाक्‍म।


गो मेको कली एर ओंथ लशो राशीपुकीम ग्‍योम्‍शा, दारशो सेल्‍ता। मिनु परमप्रभु आ रू एदेन ङा रवा नेल्‍लेम मेको कली गेहे पाम्‍तेक्‍म’ देनो” देंत।


पूर्ब गे ङा सांद हौरान नु दमस्‍कस आस दातेम, यर्दन खोला आ नेक्‍था गिलाद नु इस्राएल रागी आस दातेमी बाक्‍ब। मेको पूर्ब ङा समुन्‍द्र नु तामार सम्‍म बाक्‍ब। मेको पूर्ब ङा सांद बाक्‍ब।


मेको आन ङोंइङोंइती मीम मारेइ मारेइ नेक्‍ब। मिनु मेको आन नोनोले मी ब्राइब। मेको आन ङोंइती रूपुकी एदेन ङा फल फुल रू खोदेंशो बाक्‍नीम। मेको आन नोले गोरशो रागी खोदेंशो दुम्‍नीम। मेकोपुकी रे मारेइ मब्रोंइनीम। योएल १:१९


नेगेब नु दिंम, मेको यरीको ङा दिंम बाक्‍ब। खजूर रवा आ सहर यरीको रे सोआर सम्‍म कोंइताक्‍व। इतिहास २८:१५


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ