उत्पत्ती 13:1 - Sunuwar Bible

¹ मिनु अब्राम, आ मीश, आ मारेइ मारेइ नेल्‍ल नु लोत यो लाइश्‍शा इजीप्‍त रे नेगेब रागी लमाक्‍त।

उत्पत्ती 13:1 ပူးပေါင်းရင်းမြစ်များ

उत्पत्ती 20:1

मेकेर रे अब्राहाम दक्‍खिनम बाक्‍ब नेगेब गे लमाक्‍त। मिनु कादेश नु शुर आस दाते गेरार सहरमी अर्को रागी ङा मुर दुम्‍शा बाक्‍माक्‍त। उत्‍पत्ती १२:९; उत्‍पत्ती २६:१

उत्पत्ती 21:33

अब्राहाममी चहिं बेयर-शेबाम रवा का ख्रुमा बाक्‍त। मिनु मेकेर परमप्रभु यावे, गेना हना यो बाक्‍ब परमप्रभु आ नें थिशा, मेको नु लोव़ पवा बाक्‍त। उत्‍पत्ती १२:८; रोमी १६:२६

२ सामुएल 24:7

मिनु नोले गारो हिरशो सहर टायर, हिव्‍वी नु कनानी आन सहर नेल्‍ल लमा बाक्‍त। नोले यहूदा ङा नेगेब ङा बेयर-शेबा सहर सम्‍म लमा बाक्‍त।

गन्‍ती 13:17

मोसामी मेको आन कली कनान रागी कली क्‍यारी पथ सोइक्‍ताक्‍मी। मिनु मोसामी मेको आन कली “गे एक रे लशा, नेगेब माइश्‍शो दक्‍खिन ङा रागी रे पहाड गे लने।

यहोसु 10:40

मोपा यहोसुमी पहाड नेल्‍ल, नेगेब रागी, पच्‍छिम नेल्‍ल ङा आइक्‍च पहाड नु आइक्‍च डांडा ङा देम्‍सीलो ग्रात। पिप नेल्‍ल आन कली साइक्‍तु। का कली यो मप्रोन। मेको ब्रोंइशो नेल्‍ल आन कली खतम सेल्‍तु। परमप्रभु यावे, इस्राएली आन परमप्रभुमी दोदेंशो अरेवा, मोदेंशो पाप्‍तु। ब्‍यवस्‍था २०:१६-१८

यहोसु 18:5

मिनु गे मेको रागी कली ७ भाग पा योक्‍चा माल्‍नीनी। यहूदा दक्‍खिन गे आंम रागीमी बाक्‍ब। योसेफ आ खिं ङा मुर चहिं उत्तर गे मेको आन रागीम बाक्‍नीम।

१ सामुएल 27:10

मिनु अकीशमी मेको कली “मुलाक्‍त गे ते रोइक्‍तीनी” दे हिल्‍लो पाइ‍क्‍बाक्‍माक्‍त। मिनु मेकोमी “यहूदा रागी ङा नेगेब, येराहमेल आ मुर आन नेगेब नु केनी आन नेगेबम रोइक्‍ताक्‍क” देंबाक्‍माक्‍त।