उत्पत्ती 12:6 - Sunuwar Bible

⁶ मिनु अब्राम कनान रागी जाक्‍दीश्‍शा, शेकेम सहर आ नेक्‍था मोरेह माइश्‍शो मुर आ रवा आ नेक्‍था जाक्‍दीम्‍माक्‍त। मेना कनान ङा मुरपुकी रागीम बाक्‍शो बाक्‍मा बाक्‍त। उत्‍पत्ती ३५:४; यहोसु २४:२५-२६

उत्पत्ती 12:6 ပူးပေါင်းရင်းမြစ်များ

उत्पत्ती 10:15

मिनु कनानमी आ ङोंइती ङा तौ सीदोन नु नोले हेथ थि‍माक्‍त।

उत्पत्ती 13:7

मिनु अब्राम आ गोठलापुकी लोत आ गोठलापुकी नु जीमे बाक्‍त। मेना मेको रागीम कनानी नु परिज्‍‍जीपुकी बाक्‍मा बाक्‍त।

उत्पत्ती 33:18

मोपा याकूब पदान-अराम रागी रे मारेइ मदुम्‍थु रिम्‍शो पा लेश्‍शा, कनान रागी ङा शेकेम सहर जाक्‍दीम्‍माक्‍त। सहर आ नेक्‍था आ बाक्‍तीक सेला बाक्‍त।

उत्पत्ती 34:2

हिव्‍वी ङा हमोर आ तौ शेकेम, मेको रागी ङा पिप आ तौमी दीना कली तशा, ग्‍याइश्‍शा मेको नु इप्‍‍शा, बिथोलो पवा बाक्‍त। न्‍यायाधीस ९:२८

उत्पत्ती 34:30

मिनु याकूबमी सिमियोन नु लेवी आस कली “गे आं कली श्‍येत गेतीसी। मुल एको रागी ङा मुरुमी आं कली मदाक्‍नीम। कनानी नु परि‍ज्‍जी आन दातेम आं कली मरिम्‍शो रिना पाइश्‍शो खोदेंशो सेल्‍तीसी। गोपुकी नु शुश मुर मबाक्‍नीम। इं कली लडाइ तोशा, इं खिं ङा मुर नेल्‍ल साइक्‍नीम” दे मेको आस कली हुइक्‍तीम्‍सी बाक्‍त।

उत्पत्ती 35:4

मिनु मेकोपुकीमी याकूब कली आन मूर्ति नु आन पांइशो मारवाडी नेल्‍ल गेमे बाक्‍त। याकूबमी मेको नेल्‍ल शेकेम आ नेक्‍था बाक्‍शो रवा आगाम थिमा बाक्‍त। यहोसु २४:२६; न्‍यायाधीस ९:६

१ राजा 12:1

रेहोबाम शेकेम सहर लमाक्‍त। मारदे हना इस्राएली नेल्‍ले मेको कली पिप सेल्‍चा कली मेकेर लशो बाक्‍मा बाक्‍त।

१ राजा 12:25

मेको नोले येरोबाममी एफ्राइम ङा पहाडम बाक्‍शो शेकेम सहर सेला बाक्‍त। मिनु आ रागी बोल्‍यो सेल्‍शा, मेकेर बाक्‍माक्‍त। मेकेर रे लशा मेकोम पेनुएल सहर सेला बाक्‍त।

भजन संग्रह 60:6

परमप्रभुमी आ बाक्‍तीक रे “ग्‍येरपाइक्‍तीकेमी, गो शेकेम कली योक्‍नुङ। सुक्‍कोथ ङा दिंम पुक्‍नुङ।

होसे 6:9

दोपा रोइक्‍बपुकी बाप्‍शा बाक्‍नीमी, मोपा चढ़ेबपुकी यो बुक्‍शा बाक्‍शो बाक्‍नीम। मेकोपुकीमी शेकेम लतीक लांमी मुर साइक्‍नीम। मेकोपुकीमी ठेयब मुने ङा गेय पाइनीम।

यूहन्‍ना 4:5

सामरीया रागीमी गाक्‍शा, सीकार सहर जाक्‍दीत्‍तेक्‍म। सीकार सहर आ नेक्‍था याकूब आ रू बाक्‍‍त। मेको रू आ तौ योसेफ आ थेरशो रू बाक्‍त। उत्‍पत्ती ४८:२२; यहोसु २४:३३

प्रेरित 7:16

इजीप्‍तमी बेक्‍तेक्‍म हना यो, आन बेक्‍शो रां शेकेम सहर लाइश्‍शा थिम्‍मे बाक्‍त। अब्राहाममी शेकेम सहरम मेको थिम्‍तीके रू हमोर आ तौपुकी रे चांदी गेशा, ग्‍याप्‍शो बाक्‍माक्‍त।

ब्‍यवस्‍था 11:30

मेको डांडापुकी यर्दन आइक्‍ची हांबु, नां रिक्‍तीक गे यर्दन बेंसी ङा लां आ नोले, अराबाहमी बाक्‍शो कनानी आन रागीम बाक्‍नीस। मेको गिल्‍गाल आ ङोंइती मोरेह माइश्‍शो ब्‍वाकी आ नेक्‍था बाक्‍नीस। उत्‍पत्ती १२:६

हिब्रू 11:9

मिनु थमा सुइश्‍शा कोंइशो रागीम जाक्‍दीश्‍शा, परमप्रभु यावे आ गेशो लोव़ ताइब आ तौ इसहाक, आ चच याकूब नु काथा बाक्‍शा, अर्को रागी ङा मुर खोदेंशो पा खिं मसेल्‍थु ताम्‍बु कीशा बाक्‍माक्‍त।

यहोसु 20:7

मिनु मेकोपुकीमी नाप्‍ताली आ पहाड रागी गालील ङा केदेश सहर वोइक्‍तेक्‍म। एफ्राइम पहाड रागी ङा शेकेम नु यहूदा आ पहाड रागी ङा किरयथ-अरबा सहर वोइक्‍तेक्‍म। मेको कली हेब्रोन यो देंनीम। ग्रीक लोव़म गिल्‍गाल कली गालील देंब। यहोसु १९:३७; यहोसु १५:१३

यहोसु 24:32

इस्राएलीपुकीमी योसेफ आ रुश कली इजीप्‍त रागी रे लाइश्‍शा, शेकेम सहरम थिम्‍तेक्‍म। याकूबमी मेको रू कली हमोर आ तौपुकी रे सहे का चांदी के शेकेलमी ग्‍याप्‍शो बाक्‍त। हमोर चहिं शेकेम सेल्‍ब बाक्‍त। शेकेम योसेफ आ चच युइ आन थेरशो रू दुम्‍त। शेकेल का ११.५ ग्राम खोदेंशो बाक्‍ब। उत्‍पत्ती ५०:२५; उत्‍पत्ती ३३:१९

न्‍यायाधीस 7:1

गिदोन कली येरूब-बाल यो देंबाक्‍तेक्‍म। मिनु गिदोन नु आ मुर नेल्‍ले सुनी कना बोक्‍शा ङा मिन हारोद सहर ङा ब्‍वाक्‍कु बुक्‍तीके आ नेक्‍था ताम्‍बु कीङमे बाक्‍त। मिदयान ङा मुरपुकीमी चहिं मेको आन उत्तर गे ङा मोरेह डांडा आ नेक्‍था ङा दिंममी ताम्‍बु कीङमे बाक्‍त। न्‍यायाधीस ६:३२

न्‍यायाधीस 9:1

येरूब-बाल आ तौ अबीमेलेक आ ममा आ खिं ङा मुर आन बाक्‍तीक शेकेम सहरमी लमाक्‍त। मेकोमी आ मामा आन खिं ङा मुर मौली नेल्‍ल आन कली न्‍यायाधीस ८:३१