उत्पत्ती 12:12 - Sunuwar Bible

¹² मिनु इजीप्‍त ङा मुरुम इ कली तशा ‘मेको आ मीश बाक्‍ब’ दे आं कली साइक्‍नीम। इ कली चहिं ब्रोंइचा गेनीम।

उत्पत्ती 12:12 ပူးပေါင်းရင်းမြစ်များ

उत्पत्ती 20:11

मिनु अब्राहाममी “थमा पा, एको रागी ङा मुरपुकी परमप्रभु कली मान पा महिंनीमी। मिनु आं मीश आ पर्बम आं कली साइक्‍नीम, दे मिम्‍ताक्‍ङ।

उत्पत्ती 26:7

मिनु अबीमेलेक आ मुरपुकीमी इसहाक कली आ मीश आ पर्बम लोव़ पामे बाक्‍त। मेकोमी चहिं “आं समी बाक्‍ब” दे लोव़ लेत्‍ता बाक्‍त। मारदे हना रेबेका शुश दारशो मीश मुर दुम्‍तीके “आं मीश बाक्‍ब” देंचा हिंमाक्‍त। मारदे हना “मेको कली तशा, लाइक्‍चा कली आ कली साइक्‍नीम” दे हिंशो बाक्‍माक्‍त।

हितोपदेस 29:25

मुर क्‍येङा हिंचा ब्‍वारद खोदेंशो बाक्‍ब। तन्‍न परमप्रभु यावे कली थमा सुइक्‍चा ब्रोंइतीक बाक्‍ब। मत्ती १०:२८

मत्ती 10:28

इन रां कली साइक्‍ने चाप्‍ब। तन्‍न इन सोक्‍ती कली साइक्‍ने मचाप्‍बपुकी आन कली तशा महिनीन। रां नु सोक्‍त निम्‍फा नरकमी खतम पने चाप्‍ब कली तशा चहिं हिनीन। हिब्रू १०:३१; याकूब ४:१२

१ सामुएल 27:1

दाऊदमी “काबु सावलम आं कली साइक्‍ब। मोपतीके पलिस्‍ती आन रागीम आं कली प्रोक्‍शा लचा रिम्‍शो दुम्‍ब। मिनु सावलमी इस्राएल आगामी आं कली माल्‍चा प्रोंइब। मिनु गो मेको आ गुइ रे ब्रोंइ‍नुङ” दे मिम्‍ता बाक्‍त। १सामुएल २३:२३