उत्पत्ती 12:10 - Sunuwar Bible

¹⁰ मिनु मेको रागीम अन्‍काल बाक्‍माक्‍त। मोपतीके मेकेर रे लशा, इजीप्‍त रागीम बाक्‍थ, लमाक्‍त। मारदे हना ठेयब अन्‍काल बाक्‍माक्‍त।

उत्पत्ती 12:10 ပူးပေါင်းရင်းမြစ်များ

उत्पत्ती 41:56

मिनु मेको अन्‍काल रागी रागी नेल्‍लेमी दुम्‍माक्‍त। मेना योसेफमी अन्‍न वोइक्‍तीक नेल्‍ल रोक्‍चा गेवा बाक्‍त। इजीप्‍त ङा मुर आन कली अन्‍न लेयपदा बाक्‍त। रागी नेल्‍लेमी ठेयब अन्‍काल दुम्माक्‍त।

उत्पत्ती 41:57

मिनु अर्को रागी ङा मुरपुकी यो इजीप्‍त रागीमी अन्‍न ग्‍याप्‍थ, योसेफ आ ङोंइती जाक्‍मा बाक्‍त। मारदे हना मेको अन्‍कालम रागी नेल्‍ल ग्रोइक्‍माक्‍त।

उत्पत्ती 42:5

मोपा याकूब आ तौपुकी अर्को मुर नु इजीप्‍त अन्‍न ग्‍याप्‍थ जाक्‍दीम्‍मा बाक्‍त। मारदे हना कनान रागीमी यो अन्‍काल दुम्‍माक्‍त।

उत्पत्ती 43:1

मिनु मेको रागीमी अन्‍काल बारना बारन ल‍माक्‍त।

उत्पत्ती 47:13

रागी नेल्‍लेमी जचा थोव़क मथिदमे बाक्‍त। मारदे हना मेको अन्‍काल बारना बारन ल‍माक्‍त। मिनु इजीप्‍त नु कनान रागी ङा मुर शुश श्‍येत जामे बाक्‍त।

२ सामुएल 21:1

पिप दाऊद आ पालाम बर्स सां सम्‍म अन्‍काल दुम्‍स ङा दुम्‍स पवा बाक्‍त। मिनु दाऊदमी परमप्रभु यावे कली हिल्‍लो पवा बाक्‍त। मिनु परमप्रभु यावेमी “सावल नु आ खिं ङा मुर आन तार हुश आ दोस बाक्‍शो बाक्‍ब। मारदे हना मेकोम गिबोनी आन कली साइक्‍तु” देंमाक्‍त।

२ राजा 4:38

मिनु एलीशा लेश्‍शा गिल्‍गाल लमाक्‍त। मेना मेको रागीम ठेयब अन्‍काल दुम्‍शो बाक्‍माक्‍त। परमप्रभु यावे आ लोव़ पाइब आन हुल का मेको आ ङोंइती बाक्‍मा बाक्‍त। मिनु मेकोम आ गेय पाइब कली “चुप्‍लुम ठेयब बोस का काशा एको परमप्रभु यावे आ लोव़ पाइब आन हुल आन कली खोले क्‍येवो” दे मदा बाक्‍त।

२ राजा 6:25

मिनु मोपा पुम्‍दमे नोले मेको सहरम थम ठेयब अन्‍काल दुम्‍माक्‍त। मेकेर गधा आ पिया का कली ८० शेकेल चांदी नु काब का ङा ४ भाग, ङा भाग का ढुकुर आन ख्री कली ५ शेकेल चांदी थाप्‍चा माल्‍दा बाक्‍त। शेकेल का ११.५ ग्राम बाक्‍ब। काब का १.२ लिटर खोदेंशो पुक्‍तीके बाक्‍ब। काब ङा ४ भाग ङा भाग का, १/४ लिटर खोदेंशो बाक्‍ब।

भजन संग्रह 105:13

मेकोपुकी रागी का रे अर्को रागी नु राज्‍य का रे अर्को राज्‍य पा हिरना हिरन बाक्‍बाक्‍मा बाक्‍त।

भजन संग्रह 107:34

मेकोमी ग्रेल्‍ब रू कली हिक्‍सी रू सेल्‍ब। मारदे हना मेकेर बाक्‍ब मुर आ अरेशो मटीब बाक्‍नीम। उत्‍पत्ती १९:२४-२५

भजन संग्रह 34:19

ठीक पाइबपुकी शुश श्‍येत जाइनीम। तन्‍न परमप्रभु यावेमी मेको आन कली श्‍येत नेल्‍ल रे प्रोंइब। २कोरिन्‍थी १:५

येरमीया 14:1

परमप्रभु यावेमी रेउ मयिचा आ पर्बम येरमीया कली मार, लोव़ पाप्‍तु देंशा हना,

यूहन्‍ना 16:33

आं कली मिम्‍शा इन थुं नाइश्‍शा बाक्‍कीन, दे एको लोव़ शेंताक्‍न्‍नी। गेपुकी रागीम बाक्‍शा, श्‍येत जाइनीनी। तन्‍न थुं बारपाइश्‍शा ग्‍येरसीने। गो रागी कली ग्राती” देंत। यूहन्‍ना १४:२७; रोमी ५:१; १यूहन्‍ना ५:४

प्रेरित 14:22

मेको सांफा सहर ङा थमा सुइक्‍ब आन कली “मार दुम्‍त हना यो, थमा सुइक्‍चा मप्रोनीन। इन खोइल थेक्‍शा बाक्‍कीने। ख्रीस्‍त आ नेंमी शुश श्‍येत जचा पुंइसीशा ला परमप्रभु यावे आ राज्‍य ओव़चा ताइनय, दे रुपीने” दे आन थुं बारपदसे बाक्‍त। रोमी ५:३-५; १थिस्‍सलोनिकी ३:३

प्रेरित 7:11

मिनु इजीप्‍त नु कनान रागीमी ठेयब अन्‍काल दुम्‍तीके, मुरपुकीमी जचा मतामे बाक्‍त। इं किकी पिपीमी यो जचा मतामे बाक्‍त।

रूथ 1:1

निसाफ पाइबपुकीमी इस्राएली आन कली हुकुम पची ना, अन्‍काल दुम्‍माक्‍त। मोपतीके यहूदा रागी ङा बेथलेहेम रे मुर का, आ मीश नु आ तौ निक्‍शी लाइश्‍शा, मोआबी आन रागीम बाक्‍थ लमाक्‍त। गन्‍ती २५:१-५; १सामुएल २२:३-४