उत्पत्ती 11:9 - Sunuwar Bible

⁹ मोपतीके मेको सहर आ नें बाबेल वोदमे बाक्‍त। मारदे हना मेकेर रे परमप्रभु यावेमी रागी नेल्‍ल ङा मुर आन लोव़ खाल्‍दा बाक्‍त। मिनु परमप्रभु यावेमी मोपा मुर नेल्‍ल आन कली फ्रादीमी बाक्‍त।

उत्पत्ती 11:9 ပူးပေါင်းရင်းမြစ်များ

उत्पत्ती 10:10

मिनु आ ङोंइती ङा राज्‍य बेबीलोन बाक्‍माक्‍त। अरु एरेक नु अक्‍कद सहर बाक्‍मा बाक्‍त। मेको नेल्‍ल शिनार रागीम बाक्‍बाक्‍मा बाक्‍त।

उत्पत्ती 10:20

मिनु हाम आ चच युइ आन खिं खिं ङा मुर आन लोव़, आन रू नु आन रागी बाक्‍मा बाक्‍त।

उत्पत्ती 10:25

एबेरमी तौ निक्‍शी थि‍माक्‍त। का आ नें पेलेग बाक्‍माक्‍त। मारदे हना मेना रागी योक्‍शो बाक्‍माक्‍त। पेलेग नें आ अर्थ भाग का बाक्‍माक्‍त। अर्को आ नें योकतन बाक्‍माक्‍त। उत्‍पत्ती ११:८-९; ब्‍यवस्‍था ३२:८

उत्पत्ती 10:5

मेको मुरपुकी रे समुन्‍द्र आ नेक्‍था बाक्‍ब जरमेशो बाक्‍मा बाक्‍त। मेकोपुकी यफेथ आ चच युइ बाक्‍मा बाक्‍त। मेकोपुकी आंम रागीम बाक्‍शो बाक्‍मा बाक्‍त। मिनु आंम रागी रागीमी, आंम खिं खिं ङा मुरुमी आंम लोव़ ब्‍वाक्‍मा बाक्‍त।

भजन संग्रह 55:9

परमप्रभु, मरिम्‍शो पाइब आन मिम्‍शो खतम पा गेने। मेको आन लोव़ खाल्‍शा गेने। मारदे हना गो सहरमी हुश ख्राक्‍श पोक्‍शो नु जिशो खेशो ला ताता।

प्रेरित 17:26

ङोंइती मुर का सेल्‍शा, मेको मुर रे पा नेल्‍ल रागी ङा मुर सेल्‍तीमी। दोशो ब्रोंइचा, ते बाक्‍चा, मेको नेल्‍ल परमप्रभुमी पने थुम्‍शो बाक्‍ब। ब्‍यवस्‍था ३२:८

१ कोरिन्‍थी 14:23

मिनु थमा सुइक्‍ब नेल्‍ल खुम्‍सीशा बाक्‍मानु, मुर नेल्‍लेमी परमप्रभु यावे आ सोक्‍तीमी पपाइश्‍शो मतुइश्‍शो लोव़ पना पन बाक्‍तेक्‍म हना, अरु मुर, थमा मसुइक्‍ब ओव़शा, इन मोदेंशो लोव़ प‍शो नेंशा “गशो बाक्‍तेक्‍म” दे मदेंनीमी ङा?