उत्पत्ती 11:4 - Sunuwar Bible

⁴ मिनु नोले मेकोपुकीमी “गोपुकी इं कली सहर का सेल्‍सीय, ठेयब लाइश्‍शो सरीङ थिचा ङा खिं का सेल्‍य। इं नें ठेयब सेल्‍सीशा, इं मुरपुकी रागी नेल्‍लेमी मब्राथु बाक्‍य” देंमुमा बाक्‍त।

उत्पत्ती 11:4 ပူးပေါင်းရင်းမြစ်များ

उत्पत्ती 6:4

मेना रागीमी नेफीलीम माइश्‍शो थम लाइश्‍शो मुरपुकी बाक्‍शो बाक्‍मा बाक्‍त। मिनु नोले परमप्रभु आ तौपुकीमी रागी ङा तमी आन कली चाक्‍शा, आल थीमे बाक्‍त। मेको बोल्‍यो नु ठेयब लडाइ पाइब मुर दुम्‍मा बाक्‍त। इजीकीएल ३२:२७

२ सामुएल 8:13

दाऊद लडाइ ग्राशा, आ नें चेम्‍शा लेम्‍मेनु, हिक्‍सी बाक्‍शो बेंसीम १८ हजार एदोम ङा मुर आन कली साइक्‍मी बाक्‍त। भजन संग्रह ६०:२

भजन संग्रह 107:26

मेकोपुकी सरीङ सम्‍म जाक्‍दीत्‍तेक्‍म। मिनु लेंशा ठेयब समुन्‍द्रमी दोक्‍तेक्‍म। मिनु मेकोपुकी शुश हिंशा वाम ग्‍याम दुम्‍तेक्‍म।

भजन संग्रह 92:9

परमप्रभु यावे, इन जोरी सत्रु क्‍याम्‍चा पुंइसीनीम। मरिम्‍शो पाइब नेल्‍ल एर ओंथ ब्राइनीम।

हितोपदेस 10:7

ठीक पाइब कली मिम्‍शा आसीक गेब। परमप्रभु यावे आ अरेशो मटीब आन नें चहिं जाम्‍शा लाइब। अय्‍युब १८:१७; भजन संग्रह ९:६

येरमीया 51:53

बेबीलोन इर सरीङ सम्‍म बोक्‍त हना यो, आ इर ङा सहर बोल्‍यो सेल्‍तु हना यो, गो मेको कली खतम सेल्‍बपुकी सोइक्‍नुङमी” दे परमप्रभु यावेमी देंत। उत्‍पत्ती ११:४; यसैया १४:१३

दानीएल 4:11

मिनु मेको रवा थम लाइश्‍शो बाक्‍त। मेको रवा ठेयब नु बोल्‍यो दुम्‍त। आ ङरीमी सरीङ थिप्‍तु। मिनु मेको रवा रागी रागी रे तांइसीबाक्‍त।

दानीएल 4:22

हजुर, पिप, गे मेको रवा बाक्‍नीनी। गे ठेयब नु सक्ति पाइश्‍शो दुम्‍तीनी। इन सक्ति बारशा, सरीङ सम्‍म जाक्‍दीश्‍शो बाक्‍त। मिनु इन अधिकार बारशा, रागी नेल्‍ल आन कली हुकुम पाइतीनी।

दानीएल 4:27

हजुर पिप, मोपतीके आं गेशो अर्ती इन कली दुम्‍ल। इन पाप कली ठीक पतीकेमी क्‍याम्‍दीन। मिनु इन मरिम्‍शो पशो, श्‍येत जाइब आन कली शिशी पतीकेमी क्‍याम्‍दीन। मो पाइतीनी हना, इन रिम्‍शो बाक्‍तीक शुश नाक्‍त सम्‍म लीब” देंत। हितोपदेस १९:१७; मत्ती ५:७

दानीएल 4:30

मेकोमी “मार, एको बेबीलोन थम रिम्‍शो मबाक्‍बा ङा? गो एको आं ठेयब सक्तिमी आं शुश शोंप वोइश्‍शा, बाक्‍चा कली सेल्‍ता” देंत। हितोपदेस १६:१८

लूका 1:51

मेकोमी सक्ति कोंइताक्‍व। मिनु ठेयब लेश्‍‍शो आन कली आन मिम्‍शा हिंतीके मेको आन कली गेब। उत्‍पत्ती ११:८

यूहन्‍ना 5:44

मोपा गे ठेयब सेल्‍मुइनीनी। तन्‍न का ला परमप्रभु यावेमी इन कली ‘रिम्‍शो ननी’ देंचा मपुंइसीनीनी। आं कली दोपा थमा सुइक्‍ने चाप्‍नीनी ङा? यूहन्‍ना १२:४२-४३; १थिस्‍सलोनिकी २:६

ब्‍यवस्‍था 1:28

मारदे मेकेर लचा? मेको क्‍यारी पाइबपुकीमी आंइ कली मेकेर ङा मुरपुकी आंइ क्‍येङा लाइश्‍शो नु बोल्‍यो बाक्‍नीम। मेको आन सहर आन गारो सरीङ थिचा ङा पा लाइश्‍शो बाक्‍नीम। मिनु मेकेर गोपुकीमी अनाकीम ङा मुर यो ताइतक, दे हिंच कोंइताक्‍म’ दे गन गन पाइतीनी। ब्‍यवस्‍था ९:१-२; गन्‍ती १३:३३

ब्‍यवस्‍था 4:27

मिनु परमप्रभु यावेमी इन कली जात जात ङा मुर आन दातेमी ब्रपाइक्‍ब। मिनु परमप्रभु यावेमी इन कली कोंइशो रागी रागी आन दातेमी इच्‍का ला लीनीनी।

ब्‍यवस्‍था 9:1

मिनु मोसामी “गे इस्राएलीपुकी, नोफा दाइश्‍शा, नेनीन! मुल गे मेको रागी ओव़चा कली यर्दन खोला शोक्‍नीनी। इन क्‍येङा ठेयब नु सक्ति पाइश्‍शो रागी रागी, सरीङ थिचा चिक्‍शो गारो हिरशो सहरपुकी इन के सेल्‍नीनी। ब्‍यवस्‍था १:२८