उत्पत्ती 11:31 - Sunuwar Bible

³¹ मिनु तेराहमी आ तौ अब्राम, आ चच लोत, हारान आ तौ, नु आ चाइमी, अब्राम आ मीश साराइ आन कली लाइश्‍शा, कल्‍दी रागी ङा ऊर रे कनान रागी लचा गोव़मे बाक्‍त। मिनु हारान माइश्‍शो सहर जाक्‍दीश्‍शा बाक्‍मा बाक्‍त। यहोसु २४:२; नेहेम्‍याह ९:७

उत्पत्ती 11:31 ပူးပေါင်းရင်းမြစ်များ

उत्पत्ती 10:19

कनान ङा मुर आन रागी सीदोन रे गेरार गे नु गाजा सम्‍म दुम्‍माक्‍त। सोदोम नु गोमोररा गे अदमाह, सेबोयीम नु लाशा सहर सम्‍म दुम्‍माक्‍त।

उत्पत्ती 11:32

तेराह सहे निक्‍शी ५ बर्स दुम्‍शा, हारान सहरम बेक्‍माक्‍त।

उत्पत्ती 12:4

मिनु अब्राम परमप्रभु यावे आ लोव़ नेंशा, हारान सहर रे गाक्‍माक्‍त। लोत यो अब्राम नु गाक्‍माक्‍त। हारान सहर रे गाक्‍मेनु, अब्राम ७५ बर्स, दुम्‍शो बाक्‍माक्‍त।

उत्पत्ती 12:5

अब्राममी आ मीश साराइ, आ लोक्‍ब आ तौ, लोत, आन मारेइ मारेइ, हारान सहरमी ग्‍याप्‍शो वाइलीम वाइल आन कली यो लदा बाक्‍त। मिनु मेको नेल्‍ल कनान रागी लचा गोव़मे बाक्‍त। मिनु लशा कनान रागी जाक्‍दीम्‍मा बाक्‍त।

उत्पत्ती 14:12

मिनु मेकोपुकीमी सोदोम सहरम बाक्‍शो अब्राम आ लोक्‍ब आ तौ लोत नु आ मारेइ मारेइ नेल्‍ल यो लाइश्‍शा लमा बाक्‍त। उत्‍पत्ती १३:१०-१२

उत्पत्ती 15:7

मिनु लेंशा अब्राम कली “गो परमप्रभु यावे नङ। गो एको रागी इ कली गेचा कली कल्‍दी ङा ऊर सहर रे ग्रुंइताक्‍न” देंमाक्‍त। उत्‍पत्ती ११:३१; प्रस्‍थान ३:१४; यसैया ४५:५; यूहन्‍ना ८:२४-२९

उत्पत्ती 24:10

मिनु नोले मेको वाइलम आ होव़प आ दलओंठ १० ओटा लाइश्‍शा, आ होव़प के मारेइ मारेइ रिम्‍शो कोसेली कुरशा लमाक्‍त। मेकेर रे लशा, मेसोपोटामीया रागीमी नाहोर आ बाक्‍तीक सहर, अराम-नहराइम मेर जाक्‍दीम्‍माक्‍त। उत्‍पत्ती ११:२२-३१

उत्पत्ती 24:15

मोपा लोव़ पन पना, रेबेका माइश्‍शो मीश आल का गाग्री कुरशा जाक्‍माक्‍त। मेको रेबेका बेथुएल आ तमी बाक्‍माक्‍त। बेथुएल चहिं अब्राहाम आ लोक्‍ब नाहोर नु आ मीश मिल्‍का आस तौ बाक्‍माक्‍त। उत्‍पत्ती २२:२३

उत्पत्ती 27:43

मोपतीके आं तौ, गे आं देंशो पावो। बोक्‍को, आं लोक्‍ब लाबान आ बाक्‍तीके, हारान सहर प्रोक्‍को। उत्‍पत्ती २४:२९

उत्पत्ती 28:10

मिनु याकूब बेयर-शेबा रे गाक्‍शा, हारान सहर गे लमाक्‍त।

२ राजा 19:12

मार, आं किकी पिपी आन क्‍याम्‍शो रागी रागी ङा देवी देवताम मेको आन कली प्रोंइने चाप्‍ने ङा? गोजान, हारान, रेचेफ नु तेलास्‍सार सहरम बाक्‍ब एदेन ङा मुर आन देवी देवता ते लाक्‍गमे?

नेहेम्‍याह 9:7

परमप्रभु यावे, गे परमप्रभुमी अब्राम कली योव़शा, कल्‍दी आन रागी ऊर सहर रे ग्रुंइशा, अब्राहाम नें वोइक्‍तीनी। उत्‍पत्ती ११:३१; उत्‍पत्ती १७:५

अय्‍युब 1:17

मिनु मेकोम लोव़ पन पना, अर्को लोव़ कुरब मुर का जाक्‍शा “हुल सां कल्‍दी रागी ङा मुर जाक्‍शा, गोठला आन कली तरवारम क्‍योरशा दल‍ओंठ नेल्‍ल योल्‍ताक्‍म। इन कली एको लोव़ शोव़चा कली गो का ला ब्रोंइती” देंमाक्‍त। येरमीया ५१:२४

यसैया 37:12

आं किकी पिपीम क्‍याम्‍शो रागी रागी गोजान, हारान, रेचेफ नु तेलास्‍सारम बाक्‍शो एदेन ङा मुर आन देवी देवतामी मेको रागी प्रोंइने चाप्‍मे ङा? यसैया ३६:१८

हिब्रू 11:8

अब्राहाममी यो परमप्रभु यावे आ लोव़ थमा सुइक्‍बाक्‍माक्‍त। यावेमी “इ कली नोले गेनुङ देंशो रागी कोंइनन। मोपतीके एकेर रे लावो” देंमेनु, अब्राहाममी परमप्रभु यावे आ देंशो टिशा, ते लचा मतुइक्‍थु, यो मलेत्‍चा ङा पा मेको रागी प्रोंइशा गाक्‍माक्‍त। उत्‍पत्ती १२:- २१:-