उत्पत्ती 10:10 - Sunuwar Bible

¹⁰ मिनु आ ङोंइती ङा राज्‍य बेबीलोन बाक्‍माक्‍त। अरु एरेक नु अक्‍कद सहर बाक्‍मा बाक्‍त। मेको नेल्‍ल शिनार रागीम बाक्‍बाक्‍मा बाक्‍त।

उत्पत्ती 10:10 ပူးပေါင်းရင်းမြစ်များ

उत्पत्ती 10:9

मेको परमप्रभु यावे आ ङोंइती सक्ति पाइश्‍शो सिखारी बाक्‍माक्‍त। मोपतीके मुरुमी बोल्‍यो मुर का तशा “परमप्रभु यावे आ ङोंइती निम्रोद खोदेंशो सक्ति पाइश्‍शो सिखारी बाक्‍बाक्‍त” दे देंतीके देंमा बाक्‍त। मत्ती ५:५

उत्पत्ती 11:2

मुरपुकी पूर्ब गे लना लन बाक्‍मानु, शिनार नें पाइश्‍शो रागीम ठेयब दिंम का थित्‍मे बाक्‍त। मिनु मेकेर खिं सेल्‍शा बाक्‍मा बाक्‍त।

उत्पत्ती 11:9

मोपतीके मेको सहर आ नें बाबेल वोदमे बाक्‍त। मारदे हना मेकेर रे परमप्रभु यावेमी रागी नेल्‍ल ङा मुर आन लोव़ खाल्‍दा बाक्‍त। मिनु परमप्रभु यावेमी मोपा मुर नेल्‍ल आन कली फ्रादीमी बाक्‍त।

उत्पत्ती 14:1

मिनु शिनार ङा पिप अम्राफेल, एल्‍लासार ङा पिप अरयोक, एलाम ङा पिप केदोर-लाओमेर नु गोयीम रागी ङा पिप तिदालम सासन पामे ना, यहोसु १२:२३

यसैया 10:9

मार, काल्‍नो सहर कारकेमीश खोदेंशो ममाइ? हमाथ, अरपाद खोदेंशो ममाइ? मिनु सामरीया दमस्‍कस खोदेंशो ममाइ ङा?

यसैया 11:11

मेना परमप्रभुमी आ लीशो मुर आन कली लेंशा प्रोंइशा चाक्‍ब। मिनु ते रे प्रोंइशा चाक्‍ब देंशा हना, अस्‍सुर, इजीप्‍त, पथ्रोस, एथीयोपीया, एलाम, शिनार, हमाथ नु समुन्‍द्र आ नेक्‍था रे प्रोंइशा चाक्‍ब। इजीकीएल ३७:२१-२२

यसैया 39:1

मेना बेबीलोन ङा पिप बालादन आ तौ मेरोदाक-बालादानमी हिज्‍कीयाह कली चिठी नु कोसेली कुर पाइश्‍शा, मुर आन कली सोइक्‍ता बाक्‍त। मारदे हना मेकोमी “हिज्‍कीयाह रोइ पशा, छक लाक्‍चा ङा पा सात” देंशो लोव़ नेना बाक्‍त।

येरमीया 21:2

मेको निक्‍शीमी “हजुर, परमप्रभु यावे कली आंइ पर्बम हिल्‍लो पने। मारदे हना बेबीलोन ङा पिप नेबुकदरेसरमी आंइ कली लडाइ तोन तोन बाक्‍ब। साइ ङोंइती शुश खेयप पशो खोदेंशो पा परमप्रभु यावेमी आंइ पर्बम छक लाक्‍चा ङा गेय पाइबा कों? मिनु मोपा मेकोपुकी आंइ रे पा लेश्‍शा लाइनीमी कों?” देंताक्‍से।

येरमीया 50:1

परमप्रभु यावेम बेबीलोन नु कल्‍दी आन रागी आ पर्बम येरमीया कली लोव़ पाप्‍तु। यसैया ४६:१

येरमीया 50:21

मेराथाइम रागी कली लडाइ तोने। पेकोद आ मुर आन कली लडाइ तोने। मिनु नेल्‍ल खतम पोक्‍कीन। गो इन कली अरेशो खोदेंशो पा, नेल्‍ल पने” दे परमप्रभु यावेमी देंत।

इजीकीएल 27:23

हारान, कन्‍नेह, एदेन, शेबा, अश्‍शुर नु किल्‍मद ङा ग्‍याप्‍ब लेयबपुकीम गे नु ग्‍याप्‍तीक लेयतीक गेय पाम्‍तेक्‍म।

दानीएल 1:2

मिनु परमप्रभुमी यहूदा ङा पिप येहो-याकीम कली ब्रुपाइक्‍तु। मिनु परमप्रभुमी आ खिं ङा बोस का निक्‍शी यो मेको कली गेप्‍तु। मिनु नेबुकदनेसरमी मेको बोसपुकी शिनार रागीमी लाइश्‍शा, आ देवता आ खिं ङा मार मार शोंप वोइक्‍तीके कोठाम वोइक्‍तु। शिनार रागी बेबीलोन रागी बाक्‍ब। उत्‍पत्ती ११:२

आमोस 6:2

गे आइक्‍ची हांबु काल्‍नेह सहर लशा, कोव़ङीन। मिनु मेकेर रे ठेयब हमाथ रागी लन। मेको नोले पलिस्‍ती आन गाथ सहरमी लने। इन राज्‍य मेको आन राज्‍य क्‍येङा रिम्‍शो बाक्‍बा ङा? मार, मेको इन रागी मेको आन रागी क्‍येङा ठेयब बाक्‍बा ङा? उत्‍पत्ती १०:१०

मीका 4:10

सियोन आ तमी, आल थितीक रोइ पशो मीश मुर खोदेंशो पा वाइ ब्रेश्‍शा ग्रीङो। मारदे हना मुल गे एको सहर प्रोंइचा माल्‍नेवे। मिनु खिं मबाक्‍तीकेमी बाक्‍तीक सेल्‍चा माल्‍नेवे। गे बेबीलोनम लचा माल्‍नेवे। मिनु मेकेर रे प्रोंइचा पुंइसीनेवे। मेकेर परमप्रभु यावेमी इ कली इ जोरी सत्रु आन गुइ रे प्रोंइब।

मीका 5:6

मेकोपुकीमी अस्‍सुर रागी कली तरवारम हुकुम पाइनीम। निम्रोद रागी कली शोइश्‍शो तरवारमी हुकुम पाइनीम। मिनु मेकोपुकीमी इं कली “अस्‍सुरी इं रागी ओव़तेक्‍म हना यो, इं कली प्रोंइनीम। इ रागी ङा सांदम जाक्‍तेक्‍म हना यो, इं कली प्रोंइनीम” देंनीम। भजन संग्रह ११०:३

जकरिया 5:11

मिनु मेकोमी “बेबीलोन ङा शिनार माइक्‍तीकेमी मेको कली खिं का सेल्‍चा चिक्‍शो बाक्‍ब। मिनु सेल्‍ने थुम्‍मे नोले मेको डालो कली मेकेर आ बाक्‍तीकेम वोइक्‍नी‍म” दे माइक्‍ती।