उत्पत्ती 1:11 - Sunuwar Bible

¹¹ मिनु परमप्रभुमी रागी ङा खप कली “घांस, फू नु रवापुकी दुम्‍मल। घांस नु फूपुकीम वांचेर बाक्‍मल। फल फुल सिप्‍ब रवापुकी वाशा, आंम आंम फल सिम्‍मल। मेको आन वांचेर चहिं आन फलपुकीम बाक्‍मल” देंमाक्‍त। मिनु मोदेंशो दुम्‍माक्‍त।

उत्पत्ती 1:11 ပူးပေါင်းရင်းမြစ်များ

उत्पत्ती 1:12

रागीम घांस नु फूपुकी वाशा, आन वांचेर यो वामा बाक्‍त। फल फुल रवापुकी वाशा, आन वांचेर यो वामा बाक्‍त। मिनु परमप्रभुमी आ सेल्‍शो तशा “रिम्‍शो दुम्‍त” देंमाक्‍त।

उत्पत्ती 1:29

मिनु परमप्रभुमी “नेनीस, गो इस कली वांचेर सिप्‍ब, गिग खाइ, फल सिप्‍ब नु वांचेर सेल्‍ब रवा गेतन्‍सी। मेको इस कली जचा ब्‍वचा दुम्‍ब। मत्ती ६:२५-३४

उत्पत्ती 2:16

मिनु परमप्रभु यावेमी मेको मुर कली “नेल्‍ल रवा ङा फल जने ब्‍वने चाप्‍नेवे।

उत्पत्ती 2:5

मारेइ मारेइ घांस खपीम मवाशो बाक्‍मा बाक्‍त। कोव़केली यो मदाप्‍शो बाक्‍मा बाक्‍त। मारदे हना परमप्रभु यावेमी रागीम रेउ मयिपाइश्‍शो बाक्‍माक्‍त। मिनु रूम गेय पाइब मुर यो मबाक्‍मा बाक्‍त।

उत्पत्ती 2:9

मिनु परमप्रभु यावेमी मेकेर मार मार दारशो तांइसीब रवा नु जचा ब्‍वचा फल सिप्‍ब रवा वापदा बाक्‍त। ब्रोंइपाइक्‍ब का नु रिम्‍शो नु मरिम्‍शो तुइक्‍पाइक्‍ब रवा का यो रू आ दातेमी वापदा बाक्‍त। उत्‍पत्ती ३:२२; प्रकाश २:७; प्रकाश २२:२

अय्‍युब 28:5

मिनु अन्‍न रू आन आगाम खानी दोना दोन बाक्‍नीम। मिनु नेल्‍ल खल्‍बल सेल्‍नीम। खप कली मी सेल्‍नीम।

भजन संग्रह 1:3

मिनु मेको मुर खोला आ नेक्‍था ख्रुम्‍शो रवा खोदेंशो बाक्‍ब। दोपा मेको आ फल सित्‍ची ना सिप्‍बा नु आ सफा यो महेम्‍थु बाक्‍बा, मोपा मेको मुर आ पतीक नेल्‍ल रिम्‍शो बाक्‍ब। भजन संग्रह ९२:१३-१५; येरमीया १७:८

भजन संग्रह 147:8

मेकोमी सरीङ कली गोस्‍सुम सुम्‍पाइक्‍ब। रागी कली रेउ यिपाइक्‍ब। मिनु डांडाम घांस वापाइक्‍ब।

यसैया 61:11

दोपा रूमी बाली नाली वापाइक्‍बा नु मेकेर वांचेर वापाइक्‍बा, मोपा परमप्रभु, परमप्रभु यावेमी ठीक पतीके नु ठेयब सेल्‍तीके रागी रागी ङा मुर आन ङोंइती दुम्‍पाइक्‍ब” देंत।

येरमीया 17:8

मेको ब्‍वाक्‍कु आ नेक्‍था ख्रुम्‍शो रवा खोदेंशो बाक्‍‍नीम। मेकोमी आन शाक्‍श खोला आ सुर सम्‍म चाक्‍दीत्‍नीम। मेको हुप्‍तानु, महिंनीम। मेको आन सफापुकी गेना हना यो गिगी बाक्‍नीम। नां पवानु मेको मारेइ सुर्ता मपाइनीम। मेको गेना हना यो फल सिप्‍ब बाक्‍नीम” देंत। भजन संग्रह १:३

मत्ती 3:10

तिम्‍चा, दे रवा आ पुंमी खा वोइश्‍शो बाक्‍ब। फल मसिप्‍ब रवा का का पा तिम्‍शा मीमी चोचा पुंइसीनीम, दे तुइक्‍तीन। लूका १३:६-९

मत्ती 6:30

परमप्रभु यावेमी चीबेर बोइश्‍शा, हेम्‍शा चोचा पुंइसीब फू, घांस आन कली लायो मिश रिम्‍शो ग्‍योम्‍ताक्‍व हना, गे थमा पा थमा सुइक्‍ने मचाप्‍बपुकी इन कली मफेक्‍पाइक्‍बा ङा?

मर्कूस 4:28

रू आंमा मेको वापाइक्‍ब। वाशा, बाला ग्रूशा, आख सिप्‍ब।

१ कोरिन्‍थी 15:38

तन्‍न परमप्रभु यावेमी नेल्‍ल आन कली आ योव़शो रां गेब। मिनु वांचेरमी आंम आंम कोच्‍वा दाप्‍शो खोदेंशो बाक्‍ब।

हिब्रू 6:7

माल्‍शो रेउ यिमेनु, ख्रुम्‍ब आ माल्‍शो बाली नाली ताप्‍तु हना, परमप्रभु यावेमी मेको रू कली आसीक गेब।

याकूब 3:12

आं लोक्‍बपुकी, फोव़शी रवामी तेल रवा आ फल मसिप्‍ब। अङगुर रवामी फोव़शी मसिप्‍ब। मेको खोदेंशो पा हिक्‍सी ङाम्‍शो ब्‍वाक्‍कु रे ब्रोव़शो ब्‍वाक्‍कु ग्रूने मचाप्‍ब।