गलाती 6:12 - Sunuwar Bible

¹² दूली शेंबपुकीमी ख्रोइक्‍तीक चिनु ख्रोइक्‍चा माल्‍ब देंशा, इन कली यहूदी रिती थिती पपाइक्‍चा माल्‍नीम। “ख्रीस्‍त शीम केप्‍शा कांटी थोक्‍शा साइक्‍चा पुंइसाक्‍व” दे शेंतीक लोव़ आ पर्बम खेदा पचा पुंइसीब, दे तुइक्‍नीम। मोपतीके खेदा पचा मपुंइसेक्‍ल, दे दूली लोव़ शेंनीम। गलाती ५:११

गलाती 6:12 ပူးပေါင်းရင်းမြစ်များ

मत्ती 23:27

सास्‍त्री नु फरिसीपुकी, गे कपटी, इन कली तशा थुं खाइक्‍ती। मारदे हना बुलु ब्रुइश्‍शा दारपाइश्‍शो तुरस खोदेंशो ननी। मेको आ तारी दारशो तांइसीब, तन्‍न आगाम रुश राक्‍शा, रिना पाइश्‍शा ग्रांग्रा दिचा ङा बाक्‍ब।

मत्ती 23:28

मोदेंशो पा गेपुकी यो मुर आन ङोंइती धर्मी तांइसीनीनी, तन्‍न इन थुं कपट नु पापम ब्रीशो बाक्‍नीनी।

मत्ती 23:5

मार मार पामेनु, मुर आन ङोंइती ला पाइनीम। ठेयब टालोमी परमप्रभु यावेमी अरेशो लोव़ ब्रेक्‍शा आन फेक्‍शो वामी केप्‍नीमी। मिनु आन वामी लाइश्‍शो झुम्‍का क्‍युक्‍सीनीम। मत्ती ६:१; गन्‍ती १५:३८-३९

मत्ती 5:10

ठीक पशा यो खेदा पचा पुंइसीबपुकी आसीक राइनीम। मारदे हना स्‍वर्ग ङा राज्‍य मेको आन केन बाक्‍ब। १पत्रुस ३:१४

मत्ती 6:16

बर्त बाक्‍नीनु, राव कीशो कुल मसेलीने। कपटीपुकीमी आंइ बर्त बाक्‍शो तांइसेक्‍ल, दे आन कुल राव कीपा कोंइनीम। नोफा दाइश्‍शा नेनीने, मेको आन तचा ङा इनाम मारेइ मबाक्‍ब। यसैया ५८:५-६

मत्ती 6:2

श्‍येत जाइब, मथीब आन कली मारेइ गेनीनु, इन ङोंइती तुराही मतापीने। कपटीपुकीमी ग्रुम्‍तीक खिंमी, लांमी मुर आन कली आन रिम्‍शो पतीके कोंइशा ठेयब सेल्‍पांइसीनीम। नोफा दाइश्‍शा नेनीने, मेको आन तचा ङा इनाम मारेइ मलीब। १कोरिन्‍थी १३:३

मत्ती 6:5

परमप्रभु यावे कली प्रार्थना पनीनु, कपटीपुकीमी पशो खोदेंशो पा मपने। मेकोपुकीमी ग्रुम्‍तीक खिंमी, लांमी मुर आन कुल राप्‍शा कोव़पांइसीशा, प्रार्थना पाइनीम। नोफा दाइश्‍शा नेनीने, मेको आन तचा ङा इनाम मारेइ मबाक्‍ब।

लूका 16:15

मिनु येसुमी “मुर आन कली ‘गो ठीक नकी’ देंखु पा कोंइनीनी। मिनु मुरपुकीमी इन कली ठेयब सेल्‍नीम। परमप्रभु यावेमी चहिं इन मिम्‍शो नेल्‍ल तुइक्‍ब। मुर आन दातेमी हिक्‍सीशो नेल्‍ले परमप्रभु यावे आ ङोंइती थम आइक्‍च दुम्‍नीम। लूका १८:९-१४

लूका 20:47

मेकोपुकीमी वोंइश बेक्‍शो मीश मुर आन खिं रोइक्‍नीमी, दुइश्‍शो प्रार्थना पा कोंइखु पाइनीम। मोदेंशो पाइबपुकी अरु आन क्‍येङा शुश सजाइ ताइनीम” देंमाक्‍त।

यूहन्‍ना 7:18

सुम चहिं आंम लोव़ शेंबा, मेकोमी आंम कली ठेयब सेल्‍चा दाक्‍ब। आं कली सोइक्‍ब परमप्रभु यावे कली ठेयब सेल्‍चा दाक्‍ब चहिं थमा पा काइ पाप मपाइब बाक्‍ब। यूहन्‍ना ५:४१,४५

प्रेरित 15:1

मिनु नोले यहूदीया रागी रे मुरपुकी यिशा, एन्‍टीओकमी जाक्‍मा बाक्‍त। मेकोपुकीमी “साइ मोसामी देंशो ख्रोइक्‍तीक चिनु ख्रोइक्‍चा माल्‍ब। मपाइतीनी हना, पाप रे ब्रोंइचा मताइनीनी” दे शेंबाक्‍मा बाक्‍त। गलाती ५:२

प्रेरित 15:5

थमा सुइक्‍ब का निक्‍शी फरिसी बाक्‍मा बाक्‍त। मेकोपुकीमी बोक्‍शा “अर्को रागी ङा मुरपुकीमी ख्रीस्‍त कली थमा सुइक्‍ब दुम्‍मानु, इं यहूदी धर्म ङा ख्रोइक्‍तीक चिनु ख्रोइक्‍चा माल्‍नीम, मोसामी अरेशो नेल्‍ल पचा माल्‍नीम” देंमा बाक्‍त।

२ कोरिन्‍थी 10:12

आंमान ठेयब सेल्‍सीबपुकी नु मगारनीकी। आन पशो खोदेंशो यो मपाइनीकी। मेकोपुकीमी ठेयब सेल्‍सीशा, आंम आन जोक्‍तीक तुइक्‍तीक कोंइमुइनीम। मोदेंशो पशोमी “मारेइ मरुप्‍ब बाक्‍नीम” दे तुंइसीब। २कोरिन्‍थी ३:१; २कोरिन्‍थी ५:१२

२ कोरिन्‍थी 11:13

मेकोपुकी परमप्रभु यावे आ सोइश्‍शो मनम। ख्रुइश्‍शा जोल पा गेय पाइनीम। ख्रीस्‍त आ सोइश्‍शो दुम्‍खु पा शेंथ गाक्‍नीम। २कोरिन्‍थी २:१७

गलाती 2:14

मिनु मेको आन मोदेंशो पशो चहिं ख्रीस्‍त आ लोव़ नु मगारब देंती। मोपतीके मेको आन कली खुप्‍शा, केफास कली “गे यहूदी नवे। तन्‍न इं यहूदी बुद पा आन पतीके पचा प्रोंइशा, अर्को रागी ङा मुर खोदेंशो दुम्‍ते। मोपतीके अर्को रागी ङा मुर आन कली इं यहूदी रिती थिती पपाइक्‍चा दुम्‍बा?

गलाती 2:3

मारदे हना गो नु लशो ग्रीक ङा तीतस कली ख्रोइक्‍तीक चिनु ख्रोइक्‍पांइसो मदेंथु, ब्राम्‍तेक्‍म। प्रेरित १६:३; १कोरिन्‍थी ९:२१

गलाती 5:11

आं लोक्‍बपुकी, नेनीन, गो ख्रोइक्‍तीक चिनु ख्रोइक्‍चा माल्‍ब, दे शेंथ गाक्‍शो नङ हना, खेदा पा श्‍येत गेचा मपुंइसीङ वा। गोमी येसु ख्रीस्‍त इं पा ङा बेक्‍त, दे थमा सुतीन, दे शेंना शेंन गाक्‍शो नङ। मेको शेंतीक आ पर्बम आन थुं मनुथु श्‍येत गेतीमी। १कोरिन्‍थी १५:३०; गलाती ६:१२; १कोरिन्‍थी १:२३

गलाती 6:13

आंइ यहूदी रिती थिती नेल्‍ल मपाइनीमी, ख्रोइक्‍तीक चिनु ला ख्रोइक्‍नीम। मिनु इन कली ख्रोइक्‍तीक चिनु ख्रोइश्‍शो तचा दाक्‍नीम। मोदेंशो पशो तशा “आंइ शेंशो पामे बाक्‍त” दे आन नें बोरपाइश्‍शा गाक्‍चा ताइनीम।

फिलिप्‍पी 1:15

का निक्‍शीमी गेहे पशा, नेल्‍ल क्‍येङा ठेयब नङ, दे ख्रीस्‍त आ पर्बम शेंनीम। का निक्‍शीमी चहिं रिम्‍शो थुं पा शेंनीम।

फिलिप्‍पी 2:4

गेपुकी का का पा नेल्‍लेमी आंम दाक्‍शो ला ममिम्‍थु, अरु मुर आन दाक्‍शो “मार बाक्‍मे” मेको यो मिम्‍तीन। १कोरिन्‍थी १०:२४; १कोरिन्‍थी १३:५

फिलिप्‍पी 3:18

गो इन कली का निक्‍शी मुर आन पर्बम लोव़ पाता। मुल आं थुं खाइश्‍शा, ङाक्‍शा लोव़ पाइनुङ। मारदे हना मेकोपुकी ख्रीस्‍त आ जोरी सत्रु दुम्‍शा, आ बेक्‍शो आ पर्बम मारेइ ममिम्‍नीम। १कोरिन्‍थी १:२३; गलाती ६:१२

कलस्‍सी 2:23

मिनु मेको रिती थिती पचा, शुश धर्म पचा नु मुर आन माल्‍शो मपथु, थमा पा जोक्‍ब तुइक्‍ब नु ब्रेम्‍शो दुम्‍खु पाइ‍नीम। तन्‍न मोदेंशो पतीकेमी मुर आ मरिम्‍शो पतीके तेक्‍ने मचाप्‍ब। १तिमोथी ४:३; रोमी १३:१४