गलाती 5:25 - Sunuwar Bible

²⁵ गो परमप्रभु यावे आ सोक्‍तीमी ब्रोंइतय हना, इं गेय यो परमप्रभु यावे आ सोक्‍तीमीन पय। रोमी ८:४

गलाती 5:25 ပူးပေါင်းရင်းမြစ်များ

यूहन्‍ना 6:63

परमप्रभु यावे आ सोक्‍त ब्रोंइचा गेब बाक्‍ब। मुरुम चहिं मारेइ पने मचाप्‍नीम। आं देंशो लोव़ परमप्रभु यावे आ सोक्‍ती ङा ब्रोंइचा गेब लोव़ बाक्‍ब।

रोमी 8:10

गे चहिं येसु ख्रीस्‍त आ मुर दुम्‍तीनी। बेक्‍चा दा बेक्‍नीनी। पाप पशोमी मुर बेक्‍ब दुम्‍तेक्‍म। तन्‍न ख्रीस्‍त आ ठीक पतीकेमी ब्रोंइनीनी। गलाती २:२०

रोमी 8:2

मारदे हना येसु ख्रीस्‍त आ ब्रोंइचा गेब सोक्‍त आ अरेशो लोव़मी इन कली पाप पचा नु बेक्‍चा आ अरेशो लोव़ रे प्रोंइतु।

१ कोरिन्‍थी 15:45

मार ब्रेक्‍शो बाक्‍ब देंशा हना “नेल्‍ल क्‍येङा ङोंइती ङा मुर, आदम, ब्रोंइब दुम्‍माक्‍त” दे ब्रेक्‍शो बाक्‍ब। नेल्‍ल क्‍येङा नोले ङा आदम चहिं ब्रोंइतीक सोक्‍त गेब दुम्‍त। उत्‍पत्ती २:७; २कोरिन्‍थी ३:१७

२ कोरिन्‍थी 3:6

मेकोमी आंइ कली जोक्‍ब तुइक्‍ब सेल्‍शा, आ नक कबल ङा लोव़ शेंथ सोइक्‍ताक्‍की। ब्रेक्‍शा ममाइ, तन्‍न आ सोक्‍तीमी गेप्‍तु। ब्रेक्‍शोमी साइक्‍ब, तन्‍न आ सोक्‍तीमी ब्रोंइचा गेब। येरमीया ३१:३१; १कोरिन्‍थी ११:२५; रोमी ७:६; यूहन्‍ना ६:६३

गलाती 5:16

लोव़ थोक्‍शा, का निक्‍शी नु तेम्‍शा शेंनन्‍नी, परमप्रभु यावे आ सोक्‍त रे पा ब्रोंइशा गेय पने। मो पाइतीनी हना ला, इन दला दाक्‍स मपाइनीनी, इन थुंमी मिम्‍शा मरिम्‍शो मपाइनीनी।

फिलिप्‍पी 3:3

मारदे हना गोपुकी थमा ख्रोइक्‍तीक चिनु ङा मुर बाक्‍नय। गोपुकीमी परमप्रभु यावे आ सोक्‍त आ पतीकेमी खुम्‍की पा बाप्‍शा, परमप्रभु यावे कली गेय पशा, ख्रीस्‍त येसु आ पतीकेमी ग्‍येरस‍य। मुर आ पतीकेमी थमा मसुइय्‍य। रोमी २:२९

१ पत्रुस 4:6

मोपतीके बेक्‍शो मुर आन कली यो परमप्रभु यावे आ ग्‍येरपाइक्‍ब लोव़ शेंशो बाक्‍त। परमप्रभु यावे खोदेंशो पा सोक्‍तीम ब्रोंइचा तामेक्‍ल, दे रागीमी बाक्‍मानु, निसाफ पचा पुंइसाक्‍म। १पत्रुस ३:१९

प्रकाश 11:11

मिनु नाक्‍त सां नु आधा नोले परमप्रभु यावे आ ब्रोंइचा गेब सोक्‍त मेको आस बेक्‍शो रांमी ओव़त। मिनु मेको निक्‍शी छुल छाल बोक्‍शा राप्‍ताक्‍स। मिनु रागी रागी ङा मुरपुकीमी मेको आस कली तशा थाम्‍पा हिंतेक्‍म।