गलाती 5:24 - Sunuwar Bible

²⁴ सु ख्रीस्‍त येसु आ मुर दुम्‍शो बाक्‍नीमी, मेकोपुकीमी आंम रां ङा दला दाक्‍स येसु ख्रीस्‍त खोदेंशो पा शीम क्‍याइक्‍ने थुम्‍शो बाक्‍नीमी। रोमी ६:६

गलाती 5:24 ပူးပေါင်းရင်းမြစ်များ

रोमी 13:14

नक वा फेक्‍शो खोदेंशो पा प्रभु येसु ख्रीस्‍त नु रां का दुम्‍शा, इन रां कली मरिम्‍शो पचा मगेने। गलाती ३:२७; १कोरिन्‍थी ९:२७; कलस्‍सी २:२३

रोमी 6:6

येसु ख्रीस्‍त कली शीम केप्‍शा कांटी थोक्‍शा साइक्‍तीके इं पापम ब्रीशो थुं आ सक्ति जाम्‍त। मोपतीके मुल गो पाप आ वाइल मबाक्‍नय। गो मेको लोव़ तुइक्‍चा माल्‍नय। गलाती ५:२४

रोमी 8:13

मो पाइतीनी हना, जाम्‍शा लाइनीनी। तन्‍न गे परमप्रभु यावे आ सोक्‍त रे पा इन रां ङा दला दाक्‍स पतीक कली साइक्‍तीनी हना, ब्रोंइनीनी। रोमी ७:२४; गलाती ६:८; एफिसी ४:२२-२४

रोमी 8:9

इन थुंमी परमप्रभु यावे आ सोक्‍त थमा पा बाक्‍त हना, मुर आ थुंमी मिम्‍शो प्रोंइशा, परमप्रभु यावे आ सोक्‍त रे पा मिम्‍ब दुम्‍नीनी। ख्रीस्‍त आ सोक्‍त मुर आन थुंमी मबाक्‍त हना, मेको मुर येसु ख्रीस्‍त आ मुर मनम।

१ कोरिन्‍थी 15:23

मिनु नेल्‍ल का का पा सेंसीनीम। ङोंइती ख्रीस्‍त सेंसाक्‍व। मिनु नोले आ जाक्‍ची ना मेको कली थमा सुइक्‍बपुकी सेंसीनीम। १थिस्‍सलोनिकी ४:१६-१७

१ कोरिन्‍थी 3:23

तन्‍न गे ख्रीस्‍त आ मुर बाक्‍नीनी। मिनु ख्रीस्‍त परमप्रभु यावे आ तौ बाक्‍ब। १कोरिन्‍थी ११:३

१ कोरिन्‍थी 6:13

जचा थोव़क कोव़ज कली बाक्‍ब, कोव़ज जचा थोव़क कली बाक्‍ब। मिनु परमप्रभु यावेमी निम्‍फा आस कली जाम्‍शा लाइब सेल्‍शो बाक्‍ब। मुर आ रां ग्रांग्रा दिशो तेल्‍लेम पचा कली मसेल्‍शो बाक्‍ब। तन्‍न रां प्रभु कली सेल्‍शो बाक्‍ब। मिनु प्रभु यो रां कली सेल्‍शो बाक्‍ब। १थिस्‍सलोनिकी ४:३-५

२ कोरिन्‍थी 10:7

मिनु इन ङोंइती दोपा बाक्‍नीकी, मेको कोव़ङीन। सु सुमी “गो ख्रीस्‍त आ मुर दुम्‍ती” दे आन नें बोरपदमे, मेकोपुकीमी आंइ कली यो ख्रीस्‍त आ मुर बाक्‍नीम, दे रुप्‍मेक्‍ल।

गलाती 2:20

तन्‍न गो मब्रोंइनुङ। ख्रीस्‍त आं आगामी ब्रोंइब। तन्‍न आं मुल ब्रोंइतीके गो परमप्रभु यावे आ तौ कली थमा सुइश्‍शा ब्रोंइनुङ। मेकोमी आं कली शुश दाक्‍शा, आं पशो पाप आ पर्बम साइक्‍चा पुंइसाक्‍व। यूहन्‍ना १७:२३; प्रेरित १:४

गलाती 3:26

ख्रीस्‍त येसु कली थमा सुइश्‍शा, गे नेल्‍ल परमप्रभु यावे आ तमी तौ दुम्‍तीनी। यूहन्‍ना १:१२; रोमी ८:१७

गलाती 3:28

मोपा रां का दुम्‍शो आन कली यहूदी नु ग्रीक, वाइल नु होव़प, मीश मुर नु वोंइश मुर मतिल्‍सीब। मेको ख्रीस्‍त येसुम नेल्‍ल खाल का ङा बाक्‍नीम। रोमी १०:१२; १कोरिन्‍थी १२:१३

गलाती 3:29

ख्रीस्‍त नु रां का दुम्‍शा, अब्राहाम आ चच युइ दुम्‍तीनी। परमप्रभु यावेमी अब्राहाम कली गेशो लोव़ गाप्‍शा, हक ताइब दुम्‍तीनी।

गलाती 5:20

मूर्ति पूजा पाइनीमी, मन्‍तर तन्‍तर पाइ‍नीमी, जिचा पोक्‍नीमी, थुं खाइक्‍पाइक्‍नीमी, रुश पाइनीमी, शुश चुरनीमी, आंम कली ला मिम्‍नीमी, गाइश्‍शा बाक्‍नीमी, दुशा गारशा बाक्‍ब आन कली फ्रानीमी,

गलाती 6:14

नें बोरपाइक्‍चा दा गो यो आं नें बोरपाइश्‍शा गाक्‍ती। तन्‍न मुर आन पशो तशा ममाइ। इं प्रभु येसु ख्रीस्‍त इं पा ङा शीम केप्‍शा कांटी थोक्‍शा साइक्‍चा पुंइसीशा, इं पाप क्‍याम्‍ताक्‍व, दे ख्रीस्‍त आ पशो मिम्‍शा, आं नें बोरपाइश्‍शा गाक्‍ती। ख्रीस्‍त आ गेय ङा लाक्‍शा मारेइ ठेयब ममिम्‍नुङ। रागी ङा मिम्‍तीक पतीक नेल्‍ल बेक्‍शो खोदेंशो मिम्‍ताक्‍ङ। रागीमी यो आं कली बेक्‍शो खोदेंशो मिम्‍ताक्‍व। १कोरिन्‍थी १:३१; १कोरिन्‍थी २:२

एफिसी 3:1

मिनु गो पावल अर्को रागी ङा मुर इन कली ख्रीस्‍त येसु आ लोव़ शेंतीके साङलोम पाइक्‍‍साक्‍यी। फिलिप्‍पी १:७,१३

एफिसी 3:11

मेको परमप्रभु यावे आ गेना हना यो मिम्‍शो लोव़ बाक्‍त। मेको मुल इं प्रभु ख्रीस्‍त येसु रे खाप्‍शो बाक्‍त।

एफिसी 3:6

मिनु मेको ख्रुइश्‍शो लोव़ मार बाक्‍ब देंशा हना, अर्को रागी ङा मुरपुकी यो इस्राएली नु खाल का ङा दुम्‍शा, अङस ताइब बाक्‍नीम। मेको नेल्‍ल रां का नम। ग्‍येरपाइक्‍ब लोव़मी मार देंब देंशा हना, ख्रीस्‍त येसु कली थमा सुइश्‍शा, मेकोपुकी यो परमप्रभु यावे आ कबल ताइब बाक्‍नीम। एफिसी ३:१३,१८-१९; प्रेरित १५:७-९

कलस्‍सी 2:11

मेको आ पशोमी ख्रोइक्‍तीक चिनु पाइश्‍शो खोदेंशो दुम्‍तीनी। मेको ख्रोइक्‍तीक चिनु मुरुमी ख्रोइश्‍शो ममाइ, गेपुकी ख्रीस्‍त कली थमा सुइश्‍शा, इन मरिम्‍शो पशो ताइश्‍शो इन ख्रोइक्‍तीक चिनु दुम्‍त। रोमी २:२९; रोमी ६:५; १पत्रुस ३:२१

१ पत्रुस 2:11

आं दाक्‍शो लोक्‍बपुकी, गो इन कली इन थुं बारपाइक्‍तीक लोव़ पाइनुङ। गो रागीम बाक्‍यानु, रागी ङा पौना खोदेंशो बाक्‍नय। मोपतीके इन दला दाक्‍स पा रागी ङा मुर खोदेंशो मपने। ग्रांग्रा दिचा ङा गेय रे ङोन बाक्‍कीन। मारदे हना मोदेंशो गेय इन थमा सुइक्‍तीक थुं नु जीब। भजन संग्रह ३९:१३