गलाती 5:21 - Sunuwar Bible

²¹ गेहे पाइनीमी, तूशा दुक्‍शा हेंथे पाइनीमी, शुश जाइनीमी। मारेइ मारेइ मरिम्‍शो पशा गाक्‍नीम। साइ गोमी मोदेंशो गेय पाइबपुकी परमप्रभु यावे आ राज्‍य ओव़चा मताइनीम, दे शेंताक्‍न्‍नी। मुल लेंशा मिम्‍पाइक्‍तन्‍नी। एफिसी ५:५; प्रकाश २२:१५

गलाती 5:21 ပူးပေါင်းရင်းမြစ်များ

यसैया 3:11

आबी, दोस ताइब कली हिंचा ङा दुम्‍ब। मारदे हना दोपा मरिम्‍शो पवा, मोपा आ मरिम्‍शो पशो ताइब।

मत्ती 25:34

मिनु पिपमी आ ग्‍युरा गे राप्‍शो आन कली ‘आं आफ आ आसीक तशोपुकी, आं नेक्‍थान जाक्‍कीने। रागी सेल्‍चा ङोंइती एको राज्‍य इन कली सेल्‍शा वोइश्‍शो बाक्‍त। मुल बाक्‍कीने।

लूका 21:34

आं देंशो मप्रेंथु होस पा बाक्‍कीन। शांबु राकसी दुक्‍शा मबाक्‍कीन। मार जचा मार फेक्‍चा, दो पचा, दे शुश ममिम्‍तीने। मारदे हना आं देंशो लोव़ इन मतुइक्‍थु दुम्‍ब। मर्कूस ४:१९; १थिस्‍सलोनिकी ५:३

रोमी 13:13

नाक्‍ती छेङछेङ दुम्‍शो खोदेंशो पा रिम्‍शो गेय पय। छिङछिङ ङा गेय मार बाक्‍नीम देंशा हना, शुश जचा ब्‍वचा, दुक्‍शा हेंथे गाक्‍चा, तेल्‍लेम पा, ग्रांग्रा दिचा ङा गेय पचा, जिचा खेचा नु रुश पचा बाक्‍नीम। लूका २१:३४; एफिसी ५:१८

रोमी 8:13

मो पाइतीनी हना, जाम्‍शा लाइनीनी। तन्‍न गे परमप्रभु यावे आ सोक्‍त रे पा इन रां ङा दला दाक्‍स पतीक कली साइक्‍तीनी हना, ब्रोंइनीनी। रोमी ७:२४; गलाती ६:८; एफिसी ४:२२-२४

१ कोरिन्‍थी 15:50

आं लोक्‍बपुकी, मुल हुश नु रुश पाइश्‍शो मुर परमप्रभु यावे आ राज्‍य ओव़ने मचाप्‍नीम। बेक्‍शा जाम्‍शा लाइब रां, गेना हना यो लीब रां दुम्‍ने मचाप्‍ब।

१ कोरिन्‍थी 5:11

तन्‍न थमा सुइश्‍शा प्रभु आ मुर दुम्‍ती देंब लोक्‍बम पात्‍के पा तेल्‍लेम पा, शिंम दुम्‍शा, मूर्ति पूजा पा, शुक्‍शी पा गाक्‍ब नु शांबु राकसीमी दुक्‍शा, खुइ पा गाक्‍ब दुम्‍तेक्‍म हना, मेकोपुकी नु काथा बाक्‍शा जचा यो मदुम्‍ब। २थिस्‍सलोनिकी ३:६

एफिसी 5:18

राकसी शांबुमी मदुक्‍कीन। मारदे हना दुक्‍ब मुरपुकी ग्‍येत्‍थ मलाइनीम। तन्‍न गेपुकी परमप्रभु यावे आ सोक्‍तीम ब्रीशो दुमीन। लूका २१:२४

ब्‍यवस्‍था 21:20

मिनु नोले मेको निक्‍शीमी सहर ङा खाल्‍पा आन कली “एको आंस तौ हेंथे गाक्‍ब नु मटीब बाक्‍ब। एकोमी आंस अरेशो मटीब। एको शुश जाइब नु रकसी शांबु तूब बाक्ब” देंसल।

कलस्‍सी 3:6

परमप्रभु यावे मोदेंशो पाइब मटीब मुर आन पर्बम शुश गाइक्‍ब। एफिसी ५:६

१ थिस्‍सलोनिकी 5:7

इप्‍बपुकी नाक्‍दो इप्‍नीम, दुक्‍बपुकी नाक्‍दो दुक्‍शा बाक्‍नीम।

२ थिस्‍सलोनिकी 2:5

गेपुकी नु बाक्‍ङानु, इन कली मोदेंशो लोव़ पाता। गेपुकी आं शेंशो ममिम्‍नीनी?

हिब्रू 13:4

गे नेल्‍लेमी “ग्युंबे पशो रिम्‍शो बाक्‍ब” दे मिम्‍तीने। मुर आ मीश नु मुरु आ वोंइश मइम्‍मल। मीश वोंइश आस नाता ख्रोइक्‍ब नु तेल्‍लेम आन कली परमप्रभु यावेमी निसाफ पाइब।

१ पत्रुस 4:3

ङोंइती परमप्रभु यावे कली मतुइक्‍थु मारेइ मारेइ पाइतीनी, मुल मेको गाप्‍त। थमा मसुइक्‍बपुकीमी मार पाइनीम देंशा हना, महिंब दुम्‍शा आन दला दाक्‍स पाइनीम। दुक्‍शा बाक्‍नीम, शुश जशा तूशा बाक्‍नीम नु ग्रांग्रा दिचा ङा मूर्ति पूजा पाइनीम। एफिसी २:२-३; तीतस ३:३

प्रकाश 21:27

मिनु जाम्‍शा लाइबपुकी, ग्रांग्रा दिचा ङा गेय पाइबपुकी नु जोल पाइबपुकी चहिं मेको सहरमी ओव़चा मताइनीम। पाठा आ ब्रोंइतीक किताबमी नें ब्रेक्‍शोपुकी ला ओव़चा ताइनीम।

प्रकाश 22:15

सु सुमी चहिं टुना मुना पाइनीमी, तेल्‍लेम पाइनीमी, मुर साइक्‍नीमी, मूर्ति नु फुल्‍लु कली सेउ पाइनीमी। जोल पना पन बाक्‍नीमी। मेको कुचुम खोदेंशो पा सहर रे लाङगा बाक्‍नीमी” देंत। प्रकाश २१:८,२७; १कोरिन्‍थी ६:९-१०