गलाती 5:17 - Sunuwar Bible

¹⁷ मुर आ थुंमी मिम्‍शो पचा नु परमप्रभु यावे आ सोक्‍तीम ब्रीशो थुं आ मिम्‍शो पचा मगारब। रिम्‍शो पय देंतीनी हना यो, रिम्‍शो पने मचाप्‍नीनी। रोमी ७:१५,२३

गलाती 5:17 ပူးပေါင်းရင်းမြစ်များ

उत्पत्ती 6:3

मिनु परमप्रभु यावेमी “आं सोक्‍त मुर आन कली शुश बर्स बाक्‍चा मगेनुङ। मुर बेक्‍चा माल्‍नीम। आन ब्रोंइतीक सहे का २० बर्स ला दुम्‍ब” देंमाक्‍त।

भजन संग्रह 119:133

आं कली इन थोक्‍शा पशो लोव़ ङा लां गाक्‍पाइय्‍यीनी। मरिम्‍शो पतीकेम आं कली हुकुम पचा मगेने।

भजन संग्रह 119:159

गो इन ब्रेक्‍शा अरेशो लोव़ दाक्‍नुङ, दे मिम्‍तीन। परमप्रभु यावे, इन गेना हना यो दाक्‍तीकेमी आं कली ब्रोंइचा गेयीनी।

भजन संग्रह 119:176

गो जाम्‍शो भेडा खोदेंशो पा लां जाम्‍शो बाक्‍नुङ। इन गेय पाइब, आं कली माल्‍यीनी। मारदे हना गो इन शेंशो लोव़ मप्रेंनुङ। यसैया ५३:६

भजन संग्रह 119:20

आं थुं गेना हना यो इन पतीक लोव़ तुइक्‍चा कली माल्‍स ङा माल्‍स बाक्‍ब।

भजन संग्रह 119:32

गो इन शेंशो पना पन बाक्‍ती। मिनु गे आं रुप्‍तीक थुं बारपाइक्‍नीनी।

भजन संग्रह 119:35

इन शेंतीके लांम गाक्‍पाइय्‍यीनी। मारदे हना गो मेको कली दाक्‍नुङ।

भजन संग्रह 119:40

इन ब्रेक्‍शा अरेशो लोव़ शुश दाक्‍नुङ। इन निसाफ पतीकेमी आं कली ब्रोंइचा गेयीनी।

भजन संग्रह 130:3

परमप्रभु यावे, गे आंइ मरिम्‍शो पशो मिम्‍ताक्‍नी हना, इन ङोंइती राप्‍ने चाप्‍नीमी ङा?

भजन संग्रह 65:3

गो आंइ पापमी ग्रुम्‍कानु, आंइ मरिम्‍शो पशो माफ गेतीनी।

उपदेसक 7:20

थमा पा रागीमी मारेइ मारेइ ठीक पाइब नु गेनायो पाप मपाइब सुइ मबाक्‍नीम। भजन संग्रह १४:३

यसैया 6:5

मिनु गो “आबी, मुल बेक्‍ब दुम्‍ती। मारदे हना गो मरिम्‍शो लोव़ पाइब बाक्‍ती। मिनु मरिम्‍शो लोव़ पाइब आन दातेमी बाक्‍शो बाक्‍नुङ। मो हना यो गो मुर नेल्‍ल आन परमप्रभु यावे, पिप कली ताता” देंती। प्रस्‍थान ३३:२०

मत्ती 12:30

गो नु मगारब आं जोरी सत्रु दुम्‍नीम। गो नु गारशा मखुप्‍बमी आं खुप्‍शो यो फ्रशा ताइक्‍ब। मर्कूस ९:४०

मत्ती 16:17

मिनु येसुमी पत्रुस कली “योना आ तौ सिमोन, ग्‍येरसो। मारदे हना इ देंशो लोव़ मुरुमी शेंशो ममाइ। स्‍वर्गम बाक्‍ब आं आफोमी इ कली रुप्‍पाइक्‍तु। मत्ती ११:२७; गलाती १:१५-१६

मत्ती 16:23

मिनु येसुमी नोले हिरशा पत्रुस कली कोव़शा “ए सैतान, इ कुल मकोंइदी। मारदे हना आं लां तेक्‍ब बाक्‍ङे बाक्‍त। गे परमप्रभु यावे आ मिम्‍शो मपथु, मुरुमी मिम्‍शो लोव़ कका पाप्‍तीवी” दे हुइक्‍ताक्‍व।

मत्ती 26:41

थुं थाम्‍चा पुंइसीनीनु, पाप मपय, दे प्रार्थना पने। थुंमी पाइनुङ चाप्‍नुङ देंब, तन्‍न रांमी फाल्‍ने मचाप्‍ब” देंमाक्‍त। एफिसी ६:१८; हिब्रू २:१८

मत्ती 5:6

ठीक पशो तचा दाक्‍बपुकी आसीक राइनीम। मारदे हना आन दाक्‍शो ताइनीम। लूका १८:९-१४; यूहन्‍ना ६:३५

लूका 22:33

मिनु पत्रुसमी “प्रभु, इन कली जेल्‍खानम चोक्‍तेक्‍म हना, गो यो चोक्‍सीनुङ। इन कली साइक्‍तेक्‍म हना, इन कली मप्रोंइथु, गो यो साइक्‍चा पुंइसीनुङ” देंमाक्‍त।

लूका 22:46

मिनु “मारदे इम्‍नी? बोक्‍कीन, थुं थाम्‍चा पुंइसीनीनु, पाप मपय, दे प्रार्थना पने” दे पोक्‍मी बाक्‍त।

यूहन्‍ना 3:6

मुर आ रां रे जरमेशो मुरपुकी रागी कली ला गारनीम। परमप्रभु यावे आ सोक्‍त रे जरमेशो मुरपुकी चहिं परमप्रभु यावे आ राज्‍य कली गारनीम। यूहन्‍ना १:१३; रोमी ८:५-९

रोमी 8:13

मो पाइतीनी हना, जाम्‍शा लाइनीनी। तन्‍न गे परमप्रभु यावे आ सोक्‍त रे पा इन रां ङा दला दाक्‍स पतीक कली साइक्‍तीनी हना, ब्रोंइनीनी। रोमी ७:२४; गलाती ६:८; एफिसी ४:२२-२४

गलाती 3:21

अरेशो लोव़ नु परमप्रभु यावेमी गेशो लोव़ मगारचा ङा लोव़ नसी ङा? ममाइ। ब्रोंइचा गेचा कली अरेशो लोव़ का गेशो हना, थमा पा ठीक पतीके अरेशो लोव़ रे पा दुम वा। रोमी ८:२-४

याकूब 3:2

गो नेल्‍लेमी शुश गल्‍ती पाइनय। सुमी लोव़ पवानु, काइ गल्‍ती मपाइबा, मेकोमी रांम मपचा ङा गेय यो मपाइब। मेको मुर थम रिम्‍शो बाक्‍ब।