गलाती 5:14 - Sunuwar Bible

¹⁴ “आंम इ कली दाक्‍शो खोदेंशो पा, इ नेक्‍था बाक्‍ब आन कली यो दाक्‍तो” देंशो लोव़मी परमप्रभु यावे आ अरेशो लोव़ नेल्‍ल बाक्‍ब। लेवी १९:१८

गलाती 5:14 ပူးပေါင်းရင်းမြစ်များ

लेवी 19:18

गे इन मुर आन कली क्‍येक्‍क मलेत्‍तीन। ईख मकुरीन। तन्‍न इन नेक्‍था ङा मुर कली आंम कली खोदेंशो पा दाक्‍तीन। गो परमप्रभु यावे नङ। २राजा ६:२२; २इतिहास २९:९-१५; मत्ती ५:४३-४८; मत्ती २२:३९; लूका १०:२५-३७; यूहन्‍ना १३:३४; रोमी १३:९; गलाती ५:१४; याकूब २:८

लेवी 19:34

गे मेको आन कली इन रागीम जरमेशो मुर खोदेंशो मिम्‍तीन। मेको आन कली आंम कली खोदेंशो पा दाक्‍तीन। मारदे हना गेपुकी यो इजीप्‍तमी अर्को रागी ङा मुर दुम्‍शा बाक्‍शो बाक्‍तीनी। गो परमप्रभु यावे, इन परमप्रभु नङ।

मत्ती 7:12

गेमी दोदेंशो पपांइसीचा दाक्‍नीनी, गे यो मुर आन कली मोदेंशो पने। मारदे हना परमप्रभु यावे आ अरेशो लोव़ नु परमप्रभु यावे आ लोव़ पाइब आन शेंतीक लोव़ मेकोन बाक्‍ब। मत्ती २२:३६-४०; रोमी १३:८-१०; गलाती ५:१४

मर्कूस 12:31

मिनु आ नोले ङा ठेयब लोव़ ‘आंम इ कली दाक्‍शो खोदेंशो पा इ नेक्‍था बाक्‍ब आन कली यो दाक्‍तो’ देंशो बाक्‍ब। एको लोव़ निक्‍शी क्‍येङा ठेयब लोव़ मबाक्‍ब” देंमाक्‍त। लेवी १९:१८

मर्कूस 12:33

मिनु थुं का पा, रुप्‍तीक नु सक्ति नेल्‍लेमी परमप्रभु यावे कली दाक्‍चा, आंम कली दाक्‍शो खोदेंशो पा इ नेक्‍था बाक्‍ब आन कली दाक्‍चा, देंशो लोव़ नेल्‍ल क्‍येङा ठेयब बाक्‍त। मारेइ मारेइ क्‍योरशा चढ़ेशो क्‍येङा मेको लोव़ टिशा पचा रिम्‍शो बाक्‍ब” देंमाक्‍त। १सामुएल १५:२२; होसे ६:६; मत्ती ९:१३

यूहन्‍ना 13:34

मिनु इन कली नक अरेशो लोव़ का पाइनुङ। मार लोव़ पाइनुङ देंशा हना, गेपुकी दाक्‍मुने। गोम इन कली दाक्‍शो खोदेंशो पा गेपुकी यो दाक्‍मुने। यूहन्‍ना १५:१२,१३,१७

गलाती 1:6

इन कली तशा, गो छक लाक्‍ती। मारदे हना इन कली येसु ख्रीस्‍त रे पा शिशी पा आ गे ब्रेप्‍ब कली प्रोंइशा, अर्को आन ग्‍येरपाइक्‍ब लोव़ नेंतीनी।

गलाती 6:2

कामी अर्को कली वारच पने। मोपा गे ख्रीस्‍त आ अरेशो लोव़ खाप्‍नीनी। २कोरिन्‍थी ११:२९

१ तिमोथी 1:5

इं शेंतीके चहिं रिम्‍शो थुं, रिम्‍शो थुं ङा मिम्‍तीके नु रिम्‍शो थमा सुइक्‍तीके रे जाक्‍शो शुश दाक्‍मुचा आ पर्बम बाक्‍ब। मत्ती २२:३७-४०; रोमी १३:१०; गलाती ५:६