गलाती 4:9 - Sunuwar Bible

⁹ मुल चहिं परमप्रभु यावे कली तुइक्‍ताक्‍नी। मिनु परमप्रभु यावेमी यो इन कली तुइक्‍ताक्‍व। मिनु मुल लेंशा ङोंइती पशो खोदेंशो पचा दाक्‍नीनी?

गलाती 4:9 ပူးပေါင်းရင်းမြစ်များ

१ राजा 8:43

गे मेको आन लोव़ इन बाक्‍तीक स्‍वर्ग रे नेंशा, मेको अर्को रागी ङा मुर आन पुंइशो नेल्‍ल गेने। मिनु इन मुर इस्राएली खोदेंशो पा रागी ङा मुर नेल्‍लेम इन नें तुइक्‍तमेक्‍ल। मिनु इन कली मान पा हिंमल। गे एको आं सेल्‍शो खिंम बाक्‍नीनी, दे तुइक्‍तमेक्‍ल।

१ इतिहास 28:9

आं तौ सोलोमन, इ आफ आ परमप्रभु कली तुइश्‍शा मालो। इ थुं नेल्‍लेमी ग्‍येरशा मेको आ नोले खोतो। मारदे हना परमप्रभु यावेमी इ थुं कोव़ना कोव़न, इन मिम्‍शो नु पशो नेल्‍ल तुइक्‍ब। गे मेको कली माल्‍तीवी हना, गे थित्‍नेवे। तन्‍न गे मेको कली प्रोंइतीवी हना, इ कली गेना हना यो कली प्रोंइब। येरमीया २९:१३-१४; १राजा ११:३१,३३

भजन संग्रह 1:6

परमप्रभु यावेमी ठीक पाइब आन कली लां कोंइब। आ अरेशो मटीब आन लां चहिं जाम्‍शा लाइब।

भजन संग्रह 9:10

परमप्रभु यावे, इन नें तुइक्‍बपुकीमी इन कली थमा सुइक्‍नीम। मारदे हना गे इन कली माल्‍ब आन कली मप्रोंइनीनी।

प्रस्‍थान 33:17

मिनु परमप्रभु यावेमी मोसा कली “गो इ देंशो पाइनुङ। मारदे हना गो इ कली दाक्‍नुङ। मिनु इ नें यो तुइक्‍नुङ” दें‍त। प्रस्‍थान ३३:१२; यसैया ४३:१; २तिमोथी २:१९

हितोपदेस 2:5

गे परमप्रभु यावे कली दोपा मान पा हिंचा माल्‍बा, मेको तुइक्‍ने चाप्‍नेवे। मिनु गे परमप्रभु कली तुइश्‍‍शा शेंसीने चाप्‍नेवे।

येरमीया 31:34

मेना रे परमप्रभु यावे कली तुइक्‍तीन, दे मुर कामी अर्को कली मशेंनीम। मारदे हना आइक्‍च रे ठेयब नेल्‍लेम आं कली तुइक्‍नीम। गो मेको आन मरिम्‍शो पशो माफ गेनुङमी। मिनु लेंशा गेनायो मेको आन पाप ममिम्‍नुङ” दे परमप्रभु यावेमी देंत। येरमीया ३३:८; यसैया ४३:२५; रोमी ११:२६-२७

हबकुक 2:14

तन्‍न रागी नेल्‍ल परमप्रभु यावे आ सक्ति ङा तुइक्‍तीकेम ब्रीशो बाक्‍ब। ब्‍वाक्‍कुमी समुन्‍द्र ब्रीशो खोदेंशो पा ब्रीशो बाक्‍ब” देंत। यसैया ११:९

मत्ती 11:27

आं आफोमी मारेइ मारेइ तुइक्‍पाइक्‍ती। सुइमी आं कली, आ तौ कली मतुइक्‍नीम। आं आफोमी ला तुइक्‍ब। सुइमी आं आफ कली मतुइक्‍नीम। आ तौमी ला तुइक्‍ब। मिनु तौमी सु सु आन कली योव़ङमी, मेको आन कली आ आफ आ पर्बम तुइक्‍पाइक्‍ब। मत्ती २८:१८; यूहन्‍ना ३:३५; यूहन्‍ना १७:२; फिलिप्‍पी २:९

लूका 5:38

नक शांबु नक थैलोमी कुर पचा माल्‍ब।

यूहन्‍ना 10:14

गो रिम्‍शो गोठला नङ। दोपा गो आं भेडा आन कली तुइक्‍नुङमी, मोपा मेकोपुकीमी आं कली तुइक्‍नीम। २तिमोथी २:१९

यूहन्‍ना 10:27

गो आं भेडा आन कली तुइक्‍नुङमी। मिनु मेकोपुकीमी आं सेंदा नेंशा आं नोले खोइक्‍नीमी। भजन संग्रह ९५:७

यूहन्‍ना 17:3

गेना हना यो गे नु ब्रोंइशा बाक्‍चा मार बाक्‍ब देंशा हना, सुमी इन कली गे ला थमा परमप्रभु यावे बाक्‍नीनी नु गो, इन सोइश्‍शो येसु ख्रीस्‍त नङ, दे तुइक्‍नीमी, मेको ला गेना हना यो गे नु ब्रोंइशा बाक्‍चा ताइनीम। १यूहन्‍ना ५:२०

रोमी 8:29

मारदे हना आ ङोंइती तुइश्‍शो मुर कली “आं तौ खोदेंशो दुम्‍मल” दे योव़तु। आ तौ मेको योव़शो लोक्‍ब आन क्‍येङा ङोंइती जरमेशो बाक्‍ब। कलस्‍सी १:१८; हिब्रू १:६

रोमी 8:3

परमप्रभु यावेमी अरेशो लोव़ टिने मचाप्‍नीम, दे तुइश्‍शा, आ तौ कली पापी बुद पा रागीम सोइक्‍ताक्‍व। मोपा मेको कली मुर आन पाप आ पर्बम सजाइ गेप्‍तु। प्रेरित १८:३८; प्रेरित १५:१०; हिब्रू २:१७

१ कोरिन्‍थी 13:12

मुल गोपुकीमी ब्राब्रा पा ताइतय। मेना रिम्‍शो पा ताइनय। मुल गो इच्‍का ला रुप्‍नुङ। मेना नेल्‍ल रिम्‍शो पा रुप्‍नुङ। परमप्रभु यावेमी आं कली तुइश्‍शो बुद पा, गो मेना नेल्‍ल तुइक्‍नुङ। गन्‍ती १२:८; २कोरिन्‍थी ५:७; १कोरिन्‍थी ८:३

१ कोरिन्‍थी 15:34

दूली मिम्‍चा प्रोनीन। लेंशा पाप मपने। इन दाते ङा का निक्‍शीमी परमप्रभु यावे आ पर्बम मारेइ मतुइक्‍ब बाक्‍नीम। मेको इन कली मुने दोक्‍चा ङा बाक्‍ब। १थिस्‍सलोनिकी ५:८

१ कोरिन्‍थी 8:3

तन्‍न सु सुमी परमप्रभु यावे कली दाक्‍नीमी, मेको आन कली परमप्रभु यावेमी तुइश्‍शो बाक्‍ब। १कोरिन्‍थी १३:१२

२ कोरिन्‍थी 11:20

सुइ मुरुमी इन कली वाइलीम वाइल सेल्‍तेक्‍म हना, रोइक्‍ताक्‍म हना, जोल पाम्‍तेक्‍म हना, बोरशा कोंइताक्‍म हना नु इन चोचो राप्‍तेक्‍म हना यो फाल्‍शा बाक्‍बाक्‍तीनी।

२ कोरिन्‍थी 4:6

परमप्रभु यावेमी “छिङछिङ जाम्‍शा, छेङछेङ दुम्‍ल” देंमाक्‍त। मेकोमी आंइ थुंमी छेङछेङ ब्रपाइश्‍शो बाक्‍त। गो परमप्रभु यावे आ छेङछेङ ख्रीस्‍त रे पा रुप्‍नीकी। उत्‍पत्ती १:३; २कोरिन्‍थी ३:१८

गलाती 3:3

मारेइ मरुप्‍ब मुर दुम्‍नी? परमप्रभु यावे आ सोक्‍तीम प्रिंशो थुं गेचा पुंइसीशा, प्रभु आ लां खोइक्‍चा गोइतीनी। मिनु मुल मुर आ थुंमी मिम्‍शो पशा, जाक्‍दीय्‍य, दे मिम्‍तीनी?

गलाती 4:3

गोपुकी मेको खिं ङा आल खोदेंशो बाक्‍तय। कोल्‍शा इं हक मतशो सम्‍म गो एको रागी ङा सक्ति आन वाइल दुम्‍शो बाक्‍तय। गलाती ५:१; कलस्‍सी २:२०

एफिसी 1:17

मार लोव़ पना पन बाक्‍नुङ देंशा हना “परमप्रभु यावे, आंइ प्रभु येसु ख्रीस्‍त आ आफ ननी। गे नेल्‍ल छेङछेङ ङा आफ बाक्‍नीनी। गे एफिसस ङा थमा सुइक्‍ब आन कली येसु ख्रीस्‍त कली तुइक्‍तीकेमी रिम्‍शो गेय पस जोक्‍तीके नु नोले मार दुम्‍बा तुइक्‍तीक सोक्‍त गेने।

२ तिमोथी 2:19

तन्‍न परमप्रभु यावे आ थमा शेंतीके मब्रेत्‍चा ङा जग खोदेंशो बाक्‍ब। प्रभुमी आ मुर आन कली तुइक्‍ब। मिनु प्रभु कली तुइक्‍ब मुरपुकी मरिम्‍शो पचा रे ङोन बाक्‍चा माल्‍नीम। मेको थोव़शो छाप खोदेंशो बाक्‍ब। गन्‍ती १६:५; मत्ती ७:२२-२३; यूहन्‍ना १०:१४,२७

हिब्रू 7:18

ङोंइती अरेशो लोव़मी पाप क्‍याम्‍ने मचाप्‍ब। मिनु सुइ आन कली पाको सेल्‍ने मचाप्‍ब। मोपतीके ताइक्‍चा माल्‍ताक्‍व।

२ पत्रुस 2:20

मुरपुकी इं प्रभु येसु ख्रीस्‍त कली तुइक्‍तीकेमी रागी रागी ङा मुर आन पाप रे ब्रोंइशो बाक्‍तेक्‍म हना, मेको लेंशा पापमी मुर कली ग्रात हना, मेको पाप आ वाइल दुम्‍नीम। मेको आन कली ङोंइती ङा दुम्‍तीके क्‍येङा नोले शुश मरिम्‍शो दुम वा। मत्ती १२:४५

१ यूहन्‍ना 5:20

मिनु परमप्रभु यावे आ तौमी इं कली रुप्‍तीक थुं गेप्‍तु, दे तुइक्‍नय। मेको रुप्‍तीक थुंमी थमा पतीके कली तुइक्‍नय। गोपुकी मेको थमा पाइब नु थुं का ङा बाक्‍नय। मोपा आ तौ येसु ख्रीस्‍त नु यो थुं का ङा बाक्‍नय। मेको थमा परमप्रभु यावे नु गेना हना यो ब्रोंइशा बाक्‍तीक बाक्‍ब। यूहन्‍ना १७:३