गलाती 4:3 - Sunuwar Bible

³ गोपुकी मेको खिं ङा आल खोदेंशो बाक्‍तय। कोल्‍शा इं हक मतशो सम्‍म गो एको रागी ङा सक्ति आन वाइल दुम्‍शो बाक्‍तय। गलाती ५:१; कलस्‍सी २:२०

गलाती 4:3 ပူးပေါင်းရင်းမြစ်များ

मत्ती 11:28

गे श्‍येत जशो नु भारीम चिप्‍चा पुंइसीशोपुकी, आं गे जाक्‍कीन। मिनु नाइक्‍चा गेनन्‍नी। मत्ती १२:२०; मत्ती २३:४; येरमीया ३१:२५

यूहन्‍ना 8:31

मिनु येसुमी आ कली थमा सुइक्‍ब यहूदी आन कली “गेपुकी आं देंशो पना पन बाक्‍तीनी हना, थमा पा आं शेंसीब ननी। यूहन्‍ना १५:७

प्रेरित 15:10

परमप्रभु यावेमी मेको आन कली रिम्‍शो सेल्‍तु, दे तुइश्‍शा, इं किकी पिपीमी लाइ यो कुरने मचाप्‍चा ङा भारी मेको आन कली कुरपाइक्‍चा दुम्‍बा ङा? परमप्रभु क्‍येङा लाक्‍शा जोक्‍ब तुइक्‍ब दुम्‍चा शिरबा ङा? मत्ती २३:४; गलाती ५:१

रोमी 7:14

गोपुकीमी परमप्रभु यावे आ अरेशो लोव़ सोक्‍त पाइश्‍शो बाक्‍ब, दे तुइक्‍नय। गो चहिं रांम बाक्‍शा पाप आ वाइल बाक्‍ती। यूहन्‍ना ३:६

रोमी 8:15

मारदे हना गेपुकी परमप्रभु यावे कली हिंब थुं ताक्‍शा, वाइल मबाक्‍नीनी। गोपुकी आ तमी तौ दुम्‍‍तीके मेको कली “आब्‍बा, आं दाक्‍शो आफ” दे ब्रेत्‍नय। गलाती ४:५-६; २तिमोथी १:७

२ कोरिन्‍थी 11:20

सुइ मुरुमी इन कली वाइलीम वाइल सेल्‍तेक्‍म हना, रोइक्‍ताक्‍म हना, जोल पाम्‍तेक्‍म हना, बोरशा कोंइताक्‍म हना नु इन चोचो राप्‍तेक्‍म हना यो फाल्‍शा बाक्‍बाक्‍तीनी।

गलाती 2:4

तन्‍न मेकेर खुम्‍सीशा बाक्‍ब आन मतुइक्‍थु थमा सुइक्‍ब दुम्‍खु पा, दूली शेंब ब्‍वांइ‍साक्‍म। मोपा गोपुकी नु ब्‍वांइ‍सीशा, आंइ थुं कोव़शा बाक्‍तेक्‍म। गोपुकी ख्रीस्‍त येसुमी यहूदी आन रिती थिती पचा प्रोंइशा बाक्‍तक। तन्‍न मेकोपुकीमी यहूदी आन रिती थितीम लेप्‍पाइक्‍चा बोल पाम्‍तेक्‍म।

गलाती 3:19

अरेशो लोव़ शोर गाक्‍शो मदुम्‍बा ङा? नेनीन, परमप्रभु यावेमी अब्राहाम कली गेशो लोव़ खाप्‍ब, दे तुइक्‍नय। मेको युइ मजरमेथु, परमप्रभु यावे आ अरेशो लोव़ रे पा पाप माइश्‍शो मार में, दे तुंइ‍सीशो बाक्‍त। मेको लोव़ परमप्रभु यावे आ स्‍वर्ग ङा गेय पाइबमी गारपाइक्‍ब का आ गुइमी गेशा, मुर आन कली तुइक्‍पदा बाक्‍त। रोमी ५:२०; प्रेरित ७:३८,५३; हिब्रू २:२; ब्‍यवस्‍था ५:५

गलाती 4:2

मेको मकोल्‍म सम्‍म ठेयब मुर आन गुइमी बाक्‍ब। आ आफोमी “मुल आ हक गेचा” मदेंम सम्‍म आ तचा ङा हक मताइब।

गलाती 4:24

अब्राहाम आ ग्‍युंबे पशो मीश नु आ वाइलीम मीशेमी कबल पशा लां निक्‍शी कोंइनीसी। लां का सीनै ङा लां बाक्‍ब। मेकोपुकी वाइलीम वाइल बाक्‍तेक्‍म। मारदे हना हागार माइश्‍शो वाइलीम आ चच युइ बाक्‍तेक्‍म। गलाती ५:१; रोमी ८:१५

गलाती 4:25

हागार देंशो मार रुम्‍सीब देंशा हना, अराब रागी ङा सीनै डांडा रुम्‍सीब। सिनाक्‍त मुलाक्‍त यरूसलेममी बाक्‍बपुकीमी हागार आ लां खोइश्‍शा, रिती थिती पा वाइलीम वाइल दुम्‍शो बाक्‍नीम।

गलाती 4:31

आं लोक्‍बपुकी, वाइलीम आ चच युइ मनय। ग्‍युंबे पशो मीश आ चच युइ नय, दे रुब्‍य।

गलाती 4:8

ङोंइती गे परमप्रभु यावे कली मतुइक्‍थु, देवी देवता आन कली सेउ पा, मेको आन वाइलीम वाइल दुम्‍‍तीनी।

गलाती 4:9

मुल चहिं परमप्रभु यावे कली तुइक्‍ताक्‍नी। मिनु परमप्रभु यावेमी यो इन कली तुइक्‍ताक्‍व। मिनु मुल लेंशा ङोंइती पशो खोदेंशो पचा दाक्‍नीनी?

कलस्‍सी 2:20

गेपुकी ख्रीस्‍त नु बेक्‍तीनी हना, रागी ङा थोव़क नेल्‍ल इन कली आइक्‍च बाक्‍ब। मिनु मारदे गेपुकी रागी ङा मुर खोदेंशो पा पाइनीनी? मारदे गेपुकी रिती थिती पचा टीनीनी? गलाती ४:९-१०

कलस्‍सी 2:8

मिनु गेपुकी दूली लोव़ शेंब आन नोले मखोतीन। मेकोपुकीमी इन कली मुर आन मिम्‍तीके नु फश लोव़ पशा, मुर आन रिती थिती ला शेंनीमी। मेको रागी रागी ङा मुर आन थुं ङा बाक्‍ब, ख्रीस्‍त के ममाइ।

हिब्रू 5:12

मुल गेपुकी अरु आन कली शेंब दुम्‍चा माल्‍शो ननी। तन्‍न इन कली कका परमप्रभु यावे आ ङोंइती ङा लोव़ लेंशा शेंचा माल्‍ताक्‍नी। मुल खमे जाइब खोदेंशो दुम्‍चा माल्‍शो ननी। तन्‍न दूध तूब आल खोदेंशो बाक्‍नीनी। १कोरिन्‍थी ३:१-३; १पत्रुस २:२

हिब्रू 7:16

मेको आ किकी पिपी आन थर रे चढे़ब मदुम्‍शो बाक्‍ब। तन्‍न गेनायो जाम्‍शा मलाइब सक्ति रे पा चढ़ेब दुम्‍शो बाक्‍ब।