गलाती 4:27 - Sunuwar Bible

²⁷ मारदे हना “ए गेनायो आल मथीब मीश मुर, कुम्‍सो पा ग्‍येरसो। गे आल मथिशो मुर बाक्‍ते हना यो, इ कली ममा देंब शुश दुम्‍नीम। ग्‍युंबे पा आल थिशो नेल्‍ल आन क्‍येङा गे मान पाइक्‍चा पुंइसीनेवे” दे ब्रेक्‍शो बाक्‍ब। यसैया ५४:१

गलाती 4:27 ပူးပေါင်းရင်းမြစ်များ

२ सामुएल 13:20

मेको आ लोक्‍ब अब्‍सालोमम “मार, इ लोक्‍ब अम्‍नोन गे नु इम्‍मे? मुल आं समी सिक्‍सी पा बाक्‍को। मेको इ लोक्‍ब बाक्‍ब। सुर्ता मपावो” देंमाक्‍त। मोपतीके तामार आ लोक्‍ब अब्‍सालोम आ खिंमी प्रोंइचा पुंइसीशो मीश मुर खोदेंशो पा बाक्‍माक्‍त।

भजन संग्रह 113:9

मिनु मेकोम आल मथीब मीश मुर आन कली ग्‍येरसीशो ममा सेल्‍ब। परमप्रभु यावे कली ठेयब सेलीन। उत्‍पत्ती २१:२ १सामुएल १:२०; लूका १:५७-५८

यसैया 49:21

मिनु गे इ थुंमी ‘एको आलपुकी आं कली सुम थिशा गेयी? गो आल मथीब दुम्‍शो बाक्‍ती। आं रागी रे ग्‍याइश्‍शा लाइक्‍चा पुंइसाक्‍यी। सुम मेको आन कली थुल्‍शा कोल्‍पदा? गो दा आं का ला लीशो बाक्‍ती। एको ते रे जाक्‍मा?’ दे मिम्‍नेवे” देंत।

गलाती 4:19

आं दाक्‍शो आलपुकी, मीश मुरुमी आल थिचामेनु, श्‍येत जाइनीमी। शुश खाइक्‍ब। आल थिचशो मीश मुरुमी श्‍येत जशा खाइश्‍शो खोदेंशो पा, गो इन कली मिम्‍शा, श्‍येत जाइनुङ। इन थुंमी ख्रीस्‍त बारल, दे मिम्‍शा, मोदेंशो पा आं थुं खाइक्‍ती। १कोरिन्‍थी ४:१५

१ तिमोथी 5:5

आ वोंइश बेक्‍शो मीश मुर रिम्‍शो बाक्‍त हना, परमप्रभु यावे कली ला मिम्‍ब। मेकोमी नाक्‍दो नाक्‍त प्रार्थना पा पुंइना पुंइन बाक्‍ब। लूका २:३७

१ सामुएल 2:5

ङोंइती मारेइ मारेइम गाप्‍शो मुर यो मुल जचा आ पर्बम गेय पाइनीम। तन्‍न शोव़लु बेक्‍शोपुकी रूशो बाक्‍नीम। आल मथीब मीश मुरुमी ७ जना आल थिप्‍तु। तन्‍न शुश आल थीब ममा आ थुं बेक्‍ब।