गलाती 4:26 - Sunuwar Bible

²⁶ इर ङा यरूसलेम चहिं प्रोंइसीशो बाक्‍ब। मेको यरूसलेम कली इं ममा मिम्‍नय। हिब्रू १२:२२; प्रकाश २१:२

गलाती 4:26 ပူးပေါင်းရင်းမြစ်များ

यसैया 50:1

मिनु परमप्रभु यावेमी “गोम इन ममा कली प्रोंइशा गेशो छोड पत्र ते बाक्‍म? गो तेको आं कली जेर गेब कली इन कली ले‍यन्‍नी? ममाइ, गे इन पापम पतीके लेयसीशो ननी। इन हेंथे पतीकेमी इन ममा प्रोंइचा पुंइसीशो बाक्‍ब। यसैया ५४:६; ब्‍यवस्‍था २४:१; यसैया ५२:३

यसैया 52:9

यरूसलेम ङा ब्रेश्‍शो खिं ग्‍येरशा कुम्‍सो पने। मारदे हना परमप्रभु यावेमी आ मुर आन थुं बारपाइक्‍तु। मिनु मेकोमी यरूसलेम कली श्‍येत रे प्रोंइतु।

यसैया 65:18

गेपुकी आं सेल्‍शोमी शुश ग्‍येरसीने। मारदे हना गो यरूसलेम कली कुम्‍सो पपाइश्‍शा, आ मुर नेल्‍ल आन कली ग्‍येरपाइक्‍नुङमी। यसैया ६६:२२; यसैया ३५:१०; यसैया २५:८; प्रकाश २१:४

यसैया 66:10

मिनु गे यरूसलेम कली दाक्‍ब नेल्‍लेमी मेको नु ग्‍येरसीन। गे मेको आ पर्बम रोंका पाइब नेल्‍ल ग्‍येरसीन।

होसे 2:2

इन ममा कली हुइक्‍तीन। मेको कली शुश हुइक्‍तीन। मारदे हना मेको आं मीश मबाक्‍ब। मिनु गो मेको आ वोंइश मनङ। मेकोमी आ मिक्‍च वोंइश मुर गे हिरचा प्रोनल। मिनु आ दूध आस दाते ङा नाता ख्रोइश्‍शा, ग्रांग्रा दिशो गेय प्रोनल। इजीकीएल १६:२३;

होसे 2:5

मेको आन ममा जोल पा अर्को मुर नु गाक्‍त। मेको आन कली मुने पा थिशो बाक्‍त। मेकोमी ‘गो आं कली दाक्‍ब वोंइश खोइक्‍नुङ। मिनु मेकोमी आं कली जचा तूचा, ऊन नु सुती वा, तेल नु अङगुर शांबु गेब’ देंत। येरमीया ४४:१७

होसे 4:5

गेपुकी काबु नाक्‍ती खतम दुम्‍नीनी। मिनु आं लोव़ पाइबपुकी यो गेपुकी नु काथा खतम दुम्‍नीम। मोपतीके गो इन खिं ङा मुर नेल्‍ल गे नु खतम सेल्‍नुङमी।

योएल 3:17

“गो, परमप्रभु यावे, इन परमप्रभु आं डांडा सियोनम बाक्‍नुङ, दे गे तुइक्‍नीनी। मिनु यरूसलेम आं के दुम्‍ब। मिनु रागी रागी ङा मुर मेको सहर ङा लां रे पा मलाक्‍नीम। इजीकीएल ३४:३०

यूहन्‍ना 8:36

मिनु तौमी इन कली प्रोंइतु हना, गेपुकी थमा पा प्रोंइसीशो मुर दुम्‍नीनी” देंत। रोमी ६:१६,१८,२२

रोमी 6:14

पापमी इन कली मारेइ पपाइक्‍ने मचाप्‍ब, मारदे हना परमप्रभु यावे आ अरेशो लोव़मी इन कली दोसी मसेल्‍थु, परमप्रभु यावेमी शिशी पाइक्‍चा पुंइसाक्‍नी। रोमी ७:४-६; १यूहन्‍ना ३:६; रोमी ५:१७,२१

रोमी 6:18

गेपुकी पाप रे ब्रोंइशा, ठीक पतीके आ वाइल दुम्‍तीनी। यूहन्‍ना ८३२

गलाती 4:22

मार ब्रेक्‍शो बाक्‍ब देंशा हना, अब्राहाम आ तौ निक्‍शी बाक्‍ताक्‍स। का वाइलीम आ तौ बाक्‍त, का ग्‍युंबे पशो मीश आ तौ बाक्‍त, दे ब्रेक्‍शो बाक्‍ब। उत्‍पत्ती १६:१५; उत्‍पत्ती २१:२

गलाती 4:25

हागार देंशो मार रुम्‍सीब देंशा हना, अराब रागी ङा सीनै डांडा रुम्‍सीब। सिनाक्‍त मुलाक्‍त यरूसलेममी बाक्‍बपुकीमी हागार आ लां खोइश्‍शा, रिती थिती पा वाइलीम वाइल दुम्‍शो बाक्‍नीम।

गलाती 5:1

ख्रीस्‍तमी रिती थिती पतीके लां खोइक्‍चा प्रोंइपा, थमा सुइक्‍तीके लां कोंइशा, इं थुं हिरताक्‍व। मोपतीके जवा लाप्‍शो खोदेंशो पा लेंशा रिती थिती पा वाइलीम वाइल मदुमीने। गलाती ४:५; प्रेरित १५:१०

फिलिप्‍पी 3:20

तन्‍न इं बाक्‍तीक स्‍वर्गम बाक्‍ब। मारदे हना गो स्‍वर्ग ङा मुर नय। मेकेर रे इं पाप रे प्रोंइब प्रभु येसु ख्रीस्‍त जाक्‍ब, दे रिम्‍नय। एफिसी २:६; कलस्‍सी ३:१; हिब्रू १२:२२; तीतस २:१३

हिब्रू 12:22

तन्‍न गे सियोन डांडाम ब्रोंइशा बाक्‍ब परमप्रभु यावेमी स्‍वर्गम सेल्‍शो यरूसलेम सहर जाक्‍दीश्‍शा बाक्‍चा ताइनीनी। मेकेर परमप्रभु यावे आ स्‍वर्ग ङा गेय पाइब बाक्‍नीम। गलाती ४:२६; एफिसी २:६; फिलिप्‍पी ३:२०; प्रकाश २१:२; प्रकाश ५:११

१ पत्रुस 2:16

पाप रे प्रोंइचा पुंइसीशो मुर दुम्‍शा बाक्‍कीन। “पाप रे ब्रोंइचा ताइनुङ” दे मिम्‍शा मरिम्‍शो मपने। परमप्रभु यावे आ वाइलीम वाइल दुम्‍शा बाक्‍कीन। गलाती ५:१३; २पत्रुस २:१९

प्रकाश 12:1

मिनु गो सरीङमी ठेयब चिन्‍ड का ताता। मेको चिन्‍ड दोदेंब बाक्‍त देंशा हना, मीश मुर का नां फेक्‍सीशा, तास्‍ला तारी राप्‍शो बाक्‍त। मेको आ पियामी १२ ओटा सोरुल के सिरपेच गुप्‍शो बाक्‍त।

प्रकाश 17:5

मिनु मेको आ कुप्‍फीमी ख्रुइश्‍शो लोव़मी आ नें ब्रेक्‍शो बाक्‍त। मार ब्रेक्‍शो बाक्‍त देंशा हना “बेबीलोन ठेयब सहर, तेल्‍लेमपुकी नु नेल्‍ल रागी रागी ङा ग्रांग्रा दिचा ङा आन ममा” दे ब्रेक्‍शो बाक्‍त।

प्रकाश 21:2

परमप्रभु यावे आ सहर नक यरूसलेम माइश्‍शो परमप्रभु यावे आ बाक्‍तीके रे यिना यिन पाइश्‍शो ताता। मेको सहर ग्‍युम्‍ले कली ग्रुम्‍चशो ग्‍युम्‍ली खोदेंशो दुम्‍शा, ग्‍योम्‍सीशा यिशो बाक्‍त। गलाती ४:२६; हिब्रू १२:२२; प्रकाश १९:७-८

प्रकाश 3:12

सु सुमी सैतान कली ग्रानीमी, गोमी मेको आन कली आं परमप्रभु यावे आ खिं ङा थाम खोदेंशो बोल्‍यो सेल्‍नुङ। मिनु मेको गेना हना यो परमप्रभु यावे आ खिंमी बाक्‍नीम। मिनु मेको मुर आन तारी आं परमप्रभु यावे आ नें, आं परमप्रभु यावे आ सहर आ नें नु आं नक नें ब्रेक्‍नुङ। आं परमप्रभु यावे आ सहर चहिं नक यरूसलेम माइश्‍शो बाक्‍ब। मेको नक यरूसलेम आं परमप्रभु यावे आ बाक्‍तीक स्‍वर्ग रे यीब। प्रकाश १४:१; प्रकाश २१:२