गलाती 4:24 - Sunuwar Bible

²⁴ अब्राहाम आ ग्‍युंबे पशो मीश नु आ वाइलीम मीशेमी कबल पशा लां निक्‍शी कोंइनीसी। लां का सीनै ङा लां बाक्‍ब। मेकोपुकी वाइलीम वाइल बाक्‍तेक्‍म। मारदे हना हागार माइश्‍शो वाइलीम आ चच युइ बाक्‍तेक्‍म। गलाती ५:१; रोमी ८:१५

गलाती 4:24 ပူးပေါင်းရင်းမြစ်များ

उत्पत्ती 16:8

मिनु मेकोमी “हागार, साराइ आ वाइलीम, ते लशा पिनी?” दे हिल्‍लो पवा बाक्‍त। मिनु हागारमी “आं होव़पोक्म साराइ आ ङोंइती रे प्रोक्‍ती” दे लोव़ लेत्‍ता बाक्‍त।

उत्पत्ती 25:12

सारा आ वाइलीम इजीप्‍त ङा हागार रे जरमेशो अब्राहाम आ तौ इश्‍माएल बाक्‍माक्‍त। उत्‍पत्ती २१:१३

इजीकीएल 20:49

मिनु गो “परमप्रभु, परमप्रभु यावे, मेकोपुकीम आं पर्बम ‘मेकोमी कथा ला देंशो बाक्‍ब, ममाइ ङा?’ देंनीम” देंती।

होसे 11:10

मेकोपुकी परमप्रभु यावे आ नोले खोइक्‍नीम। मेको चहिं गुप्‍स खोदेंशो पा ग्रीब। मिनु मोपा ग्रीमेनु, आ आलपुकी पच्‍छिम रे पा ख्रिंख्रि पना पन जाक्‍नीम। येरमीया २५:३०; होसे २:१

मत्ती 13:35

मारदे हना साइ नेसी परमप्रभु यावे आ लोव़ पाइबमी देंशो लोव़ मुल थमा दुम्‍ल, दे कथा रे पा शेंताक्‍मी। मेको साइ ब्रेक्‍शो लोव़ चहिं मार बाक्‍ब देंशा हना “सरीङ नु रागी सेल्‍शो रे मुल सम्‍म ख्रुइश्‍शो लोव़ कथा सेल्‍शा नेंपाइक्‍नुङमी” दे ब्रेक्‍शो बाक्‍त। भजन संग्रह ७८:२

रोमी 8:15

मारदे हना गेपुकी परमप्रभु यावे कली हिंब थुं ताक्‍शा, वाइल मबाक्‍नीनी। गोपुकी आ तमी तौ दुम्‍‍तीके मेको कली “आब्‍बा, आं दाक्‍शो आफ” दे ब्रेत्‍नय। गलाती ४:५-६; २तिमोथी १:७

१ कोरिन्‍थी 10:11

मेको आन मोदेंशो दुम्‍शो तुइश्‍शा, गोपुकीमी रुब्‍यल, दे एको लोव़ नेल्‍ल ब्रेक्‍शो बाक्‍त। एको रागी नेल्‍ल जाम्‍शा लचा चिक्‍शो बाक्‍त। १पत्रुस ४:७

१ कोरिन्‍थी 10:4

नेल्‍लेमी परमप्रभु यावेम गेशो सोक्‍त ङा ब्‍वाक्‍कु तूङमे बाक्‍त। मिनु मेको आन नोले खोइक्‍बम सेरथे फुल्‍लु रे ब्‍वाक्‍कु तूङमे बाक्‍त। मिनु मेको सेरथे फुल्‍लु ख्रीस्‍त बाक्‍माक्‍त। प्रस्‍थान १७:६

गलाती 4:25

हागार देंशो मार रुम्‍सीब देंशा हना, अराब रागी ङा सीनै डांडा रुम्‍सीब। सिनाक्‍त मुलाक्‍त यरूसलेममी बाक्‍बपुकीमी हागार आ लां खोइश्‍शा, रिती थिती पा वाइलीम वाइल दुम्‍शो बाक्‍नीम।

गलाती 4:3

गोपुकी मेको खिं ङा आल खोदेंशो बाक्‍तय। कोल्‍शा इं हक मतशो सम्‍म गो एको रागी ङा सक्ति आन वाइल दुम्‍शो बाक्‍तय। गलाती ५:१; कलस्‍सी २:२०

गलाती 5:1

ख्रीस्‍तमी रिती थिती पतीके लां खोइक्‍चा प्रोंइपा, थमा सुइक्‍तीके लां कोंइशा, इं थुं हिरताक्‍व। मोपतीके जवा लाप्‍शो खोदेंशो पा लेंशा रिती थिती पा वाइलीम वाइल मदुमीने। गलाती ४:५; प्रेरित १५:१०

ब्‍यवस्‍था 33:2

“परमप्रभु यावे सीनै रे जाक्‍शो बाक्‍ब। मेको सेइर रे पा आंइ ङोंइती ग्रूत। मेको पारान डांडा रे पा टल्‍केसाक्‍व। मेको नु लाख लाख आ मुर बाक्‍तेक्‍म। आ ग्‍युरा गे आंम मुर ङा ठेयब हुल बाक्‍तेक्‍म। न्‍यायाधीस ५:४

हिब्रू 11:19

अब्राहाममी “आं तौ बेक्‍त हना यो, परमप्रभु यावेमी बेक्‍शो रे सेंने चाप्‍ब” दे मिम्‍ता बाक्‍त। परमप्रभुमी अब्राहाम आ मिम्‍शो तुइश्‍शा, आ तौ कली मसाइक्पाइक्‍‍थु लेत्‍ता बाक्‍त।

हिब्रू 12:24

नक कबल खाप्‍ब येसु बाक्‍ब। मिनु येसु आ जारशो हुश यो बाक्‍ब। मेको हुश हाबील आ हुश खोदेंशो ममाइ। हाबील आ हुशेमी “आं कली साइक्‍ब सजाइ गेचा पुंइसमल” देंब। येसु आ हुशेम चहिं “मेको आन पाप नेल्‍ल क्‍याम्‍शा, सजाइ जचा रे प्रोंइतामी” देंब। हिब्रू ९:१५; उत्‍पत्ती ४:१०

हिब्रू 13:20

नेल्‍ल क्‍येङा ठेयब भेडा गोठला, इं प्रभु येसुमी आ हुशेम गेना हना यो लीब कबल खाप्‍तु। दुशा बाक्‍चा गेब परमप्रभु यावेमी मेको कली बेक्‍शो रे सेंताक्‍व। यूहन्‍ना १०:११; १पत्रुस २:२५

हिब्रू 7:22

मो माइक्‍चा पुंइसीतीके येसु ङोंइती पशो कबल क्‍येङा, नोले पशो रिम्‍शो कबल ङा लोव़ खाप्‍ब दुम्‍शो बाक्‍त। हिब्रू ८:६; हिब्रू १२:२४