गलाती 3:29 - Sunuwar Bible

²⁹ ख्रीस्‍त नु रां का दुम्‍शा, अब्राहाम आ चच युइ दुम्‍तीनी। परमप्रभु यावेमी अब्राहाम कली गेशो लोव़ गाप्‍शा, हक ताइब दुम्‍तीनी।

गलाती 3:29 ပူးပေါင်းရင်းမြစ်များ

मत्ती 3:9

अब्राहाम इं आफ बाक्‍ब, दे शोर गाक्‍शा मबाक्‍कीन। मारदे हना परमप्रभु यावेमी एको फुल्‍लु रे अब्राहाम कली आल सेल्‍ने चाप्‍ब, दे तुइक्‍तीन। यूहन्‍ना ८:३३,३९; रोमी २:२८:२९; रोमी ४:१२

रोमी 8:17

परमप्रभु यावे आ तमी तौ दुम्‍शा, येसु ख्रीस्‍त नु काथा बाक्‍शा, अङस ताइब दुम्‍तय। मेको अङस तचा ङोंइती येसु ख्रीस्‍त आ नेंमी श्‍येत जाइनय। नोले आ राज्‍य तांइसेनु, येसु ख्रीस्‍त नु काथा बाक्‍शा अङस ताइनय। गलाती ४:१७; प्रकाश २१:७

१ कोरिन्‍थी 15:23

मिनु नेल्‍ल का का पा सेंसीनीम। ङोंइती ख्रीस्‍त सेंसाक्‍व। मिनु नोले आ जाक्‍ची ना मेको कली थमा सुइक्‍बपुकी सेंसीनीम। १थिस्‍सलोनिकी ४:१६-१७

२ कोरिन्‍थी 10:7

मिनु इन ङोंइती दोपा बाक्‍नीकी, मेको कोव़ङीन। सु सुमी “गो ख्रीस्‍त आ मुर दुम्‍ती” दे आन नें बोरपदमे, मेकोपुकीमी आंइ कली यो ख्रीस्‍त आ मुर बाक्‍नीम, दे रुप्‍मेक्‍ल।

गलाती 3:16

परमप्रभु यावेमी अब्राहाम नु अब्राहाम आ युइ का कली “इ लां रे पा रागी नेल्‍ल ङा मुरपुकी आसीक राइनीम” दे आ लोव़ गेशो बाक्‍त। शुश आन कली ममाइ “इ युइ का कली” दे ब्रेक्‍शो बाक्‍ब। मेको लोव़ खाप्‍ब चहिं ख्रीस्‍त बाक्‍ब। उत्‍पत्ती २२:१८

गलाती 3:18

अरेशो लोव़ पतीके हक ताइब दुम हना, परमप्रभु यावे आ गेशो लोव़ ख्रोत वा। परमप्रभु यावेमी “हक ताइनेवे” दे अब्राहाम कली आ लोव़ गेशो बाक्‍त।

गलाती 3:28

मोपा रां का दुम्‍शो आन कली यहूदी नु ग्रीक, वाइल नु होव़प, मीश मुर नु वोंइश मुर मतिल्‍सीब। मेको ख्रीस्‍त येसुम नेल्‍ल खाल का ङा बाक्‍नीम। रोमी १०:१२; १कोरिन्‍थी १२:१३

गलाती 3:7

थमा सुइक्‍तीके ठीक दुम्‍शो मुरपुकी अब्राहाम आ आल नम, दे रुपीने।

गलाती 4:1

मारेइ मतुइक्‍ब आल हक ताइब दुम्‍त हना यो, मेको खिं ङा तौ बाक्‍त हना यो, गेय पाइब वाइल खोदेंशो मिम्‍सीब।

गलाती 4:7

मोपतीके गो वाइलीम वाइल दुम्‍चा प्रोंइशा, परमप्रभु यावे आ तमी तौ दुम्‍शा, हक ताइब दुम्‍तय। रोमी ८:१६-१७

गलाती 5:24

सु ख्रीस्‍त येसु आ मुर दुम्‍शो बाक्‍नीमी, मेकोपुकीमी आंम रां ङा दला दाक्‍स येसु ख्रीस्‍त खोदेंशो पा शीम क्‍याइक्‍ने थुम्‍शो बाक्‍नीमी। रोमी ६:६

गलाती 6:16

गे सु सु आं देंशो लोव़ टिशा पाइनीनी, मेको थुं नाइश्‍शा नु शिशी तशा बाक्‍चा ताइनीम। मेको ला ममाइ, परमप्रभु यावे कली थमा सुइक्‍ब, इस्राएली, दे नें वोइक्‍चा पुंइसीनीम। भजन संग्रह १२५:५

एफिसी 3:6

मिनु मेको ख्रुइश्‍शो लोव़ मार बाक्‍ब देंशा हना, अर्को रागी ङा मुरपुकी यो इस्राएली नु खाल का ङा दुम्‍शा, अङस ताइब बाक्‍नीम। मेको नेल्‍ल रां का नम। ग्‍येरपाइक्‍ब लोव़मी मार देंब देंशा हना, ख्रीस्‍त येसु कली थमा सुइश्‍शा, मेकोपुकी यो परमप्रभु यावे आ कबल ताइब बाक्‍नीम। एफिसी ३:१३,१८-१९; प्रेरित १५:७-९

तीतस 3:7

मोदेंशो पा, परमप्रभु यावे आ शिशी आ पतीकेम इं कली ठीक सेल्‍तु। मिनु परमप्रभु यावे नु बाक्‍चा शिरशो दुम्‍तय। परमप्रभु यावे नु गेना हना यो बाक्चा कली आस पा बाक्‍तय। रोमी ३:२६

हिब्रू 1:14

मेको गेय पाइब सोक्‍त मनमी ङा? मिनु आन पाप क्‍याम्‍चा पुंइसीब आन कली वारच पथ सोइश्‍शो मनमी ङा?” देंत। भजन संग्रह ३४:८; भजन संग्रह ९१:११-१२

हिब्रू 11:18

मारदे हना परमप्रभु यावेमी अब्राहाम कली “इसहाक रे पा इ चच युइ रागीम लीनीम” दे लोव़ गेशो बाक्‍माक्‍त। उत्‍पत्ती २१:१२

हिब्रू 11:7

नोआह यो थमा सुइक्‍ब बाक्‍माक्‍त। यावेमी मेको कली “नोले ओदेंशो दुम्‍ब” मदानु, मेको लोव़ थमा सुइश्‍शा टिशा, ठेयब डोंगा सेल्‍शा, आ खिं ङा मुर आन कली ओंइशा, बेक्‍चा मगेथु प्रोंइमी बाक्‍त। नोआहमी मो पशो तशा यो अरुमी थमा मसुदमे बाक्‍त। मिनु आन थमा मसुइक्‍तीके दोसी दुम्‍शा, नेल्‍ल बेक्‍चा माल्‍मा बाक्‍त। नोआह चहिं थमा सुइश्‍शोमी ब्रोंइचा तांइसीब, दे कोंइब दुम्‍माक्‍त। उत्‍पत्ती ६:८-९,१३-२२

हिब्रू 6:17

मोपतीके परमप्रभु यावेमी “आं गेशो लोव़ गेनायो मफाइक्‍नुङ” दे आ गेशो लोव़ ताइब आन कली रुप्‍पाइक्‍चा, दे कसम जशा, आ लोव़ थोक्‍ता बाक्‍त।

याकूब 2:5

आं लोक्‍बपुकी, नेनीन, परमप्रभु यावेमी रागी ङा प्रुङग आन कली शुश थमा सुदमेक्‍ल, दे मयोव़ङा ङा? मिनु परमप्रभु यावे कली दाक्‍ब नेल्‍ल आ राज्‍य ओव़चा ताइनीम मदेंम ङा? १कोरिन्‍थी १:२६; १कोरिन्‍थी ११:२२; लूका १२:२१

प्रकाश 21:7

सु सुमी सैतान कली ग्रानीमी, मेकोम आं देंशो नेल्‍ल ताइनीम। मिनु गो मेको ग्राब आन परमप्रभु यावे दुम्‍नुङ। मेकोपुकी चहिं आं तमी तौ दुम्‍नीम।