गलाती 3:22 - Sunuwar Bible

²² तन्‍न परमप्रभु यावेमी ब्रेक्‍पाइश्‍शो लोव़मी “मुर नेल्‍ल पाप आ वाइलीम वाइल दुम्‍शो बाक्‍नीम” दे ब्रेक्‍शो बाक्‍ब। सु सुमी येसु ख्रीस्‍त कली थमा सुदमे, मेको आन थमा सुइश्‍शोमीन “पाप रे ब्रोंइचा ताइनीम” दे गेशो लोव़ खाप्‍शो ताम्‍तेक्‍म। रोमी ३:९-२०; रोमी ११:३२

गलाती 3:22 ပူးပေါင်းရင်းမြစ်များ

भजन संग्रह 143:2

मिनु इन गेय पाइब कली निसाफ पा दोस मगेने। मारदे हना ब्रोंइशोपुकी इन ङोंइती ठीक पाइब सुइ मबाक्‍नीम। भजन संग्रह १३०:३; अय्‍युब ९:२; रोमी ३:२०

मर्कूस 16:16

सुमी थमा सुइश्‍शा, ब्‍वाक्‍कुमी ख्रुम्‍शा ग्रुंइचा पुंइसीबा, मेको ब्रोंइचा ताइब। सुमी चहिं थमा मसुइक्‍बा, मेको सजाइ गेचा पुंइसीब। प्रेरित २:३८; प्रेरित १६:३१-३३

यूहन्‍ना 12:46

रागी ङा मुर आन कली परमप्रभु यावे आ पर्बम तुइक्‍पाइक्‍चा कली गो रागी कली छेङछेङ दुम्‍शा जाक्‍ती। मोपतीके सुम आं कली थमा सुइक्‍बा, मेको छिङछिङमी मबाक्‍ब।

यूहन्‍ना 20:31

मिनु मेको ब्रेक्‍शो छक लाक्‍चा ङा गेयपुकी मारदे ब्रेक्‍शो बाक्‍नीम देंशा हना, गेपुकीमी “येसु ख्रीस्‍त, परमप्रभु यावे आ तौ बाक्‍ब” दे थमा सुइक्‍ने चापीन। मिनु थमा सुइश्‍शा, आ नेंमी गेना हना यो ब्रोंइशा बाक्‍चा ताइनीनी, दे ब्रेक्‍शो बाक्‍ब। १यूहन्‍ना ५:१३

यूहन्‍ना 3:36

सुमी आ तौ आ देंशो थमा सुइक्‍बा, मेको गेना हना यो ब्रोंइशा बाक्‍चा ताइब। सुम चहिं आ देंशो मटीबा, मेको गेना हना यो ब्रोंइशा बाक्‍चा मतथु, परमप्रभु यावे आ गाइश्‍शो ताइब” दे यूहन्‍नामी शेंताक्‍व।

यूहन्‍ना 5:24

नोफा दाइश्‍शा नेनीन, सुमी आं लोव़ नेंबा नु आं कली सोइक्‍ब आं आफ परमप्रभु यावे कली थमा सुइक्‍बा, मेको गेना हना यो ब्रोंइशा बाक्‍चा ताइब। सजाइ मताइब। मारदे हना बेक्‍शो रे गेना हना यो ब्रोंइशा बाक्‍चा ताइब। यूहन्‍ना ३:१६-१८

यूहन्‍ना 6:40

मिनु सु सुमी परमप्रभु यावे आ तौ, दे आं कली तुइक्‍नीमी नु थमा सुइक्‍नीम। मेको आन कली नोले ङा नाक्‍तीमी सेंपाइश्‍शा, गेना हना यो ब्रोंइशा बाक्‍चा गेनुङमी। आं आफ आ दाक्‍शो गेय मेकोन बाक्‍त” दे यहूदी आन कली शेंताक्‍व। यूहन्‍ना ५:२९; यूहन्‍ना ११:२४

प्रेरित 16:31

मिनु पावल नु सिलासमी “प्रभु येसु कली थमा सुतो। मिनु गे नु इ खिं ङा मुर नेल्‍लेमी पाप क्‍याम्‍चा पुंइसीशा गेना हना यो ब्रोंइशा बाक्‍चा ताइनीनी” देंसा बाक्‍त।

रोमी 10:9

मिनु गेपुकीमी “येसु प्रभु बाक्‍ब” देंशा इन थुंमी “परमप्रभु यावेमी मेको कली बेक्‍शो रे सेंताक्‍व” दे थमा सुइक्‍तीनी हना, गे ब्रोंइचा ताइनीनी। मत्ती १०:३२; २कोरिन्‍थी ४:५

रोमी 11:32

मारदे हना परमप्रभु यावेमी इस्राएली नु अर्को रागी ङा मुर नेल्‍ल आन कली आ लोव़ मटिशो तशा, खाल का ङा पा वोइक्‍तीमी। मिनु नोले नेल्‍ल आन कली शिशी पाइब। गलाती ३:२२; १तिमोथी २:४

रोमी 3:22

परमप्रभु यावे आ ठीक पतीके येसु ख्रीस्‍त कली थमा सुइक्‍ब नेल्‍ल आन कली बाक्‍ब। यहूदी बाक्‍तेक्‍म हना यो, अर्को रागी ङा मुर बाक्‍तेक्‍म हना यो, नेल्‍ल कान बाक्‍नीम। फिलिप्‍पी ३:९

रोमी 3:23

मारदे हना नेल्‍लेमी पाप पाम्‍तेक्‍म। मोपतीके परमप्रभु यावे आ छेङछेङम जाक्‍दीन्‍ने मचाप्‍नीम। उत्‍पत्ती ८:२१

रोमी 5:12

मिनु ङोंइती मुर कामी परमप्रभु यावे आ देंशो लोव़ मटितीके मुर बेक्‍ब दुम्‍मा बाक्‍त। मिनु मेको आ तमी तौ चच युइ नेल्‍ले यो बेक्‍ब दुम्‍मा बाक्‍त। मारदे हना मेकोपुकीमी यो पाप पामे बाक्‍त। उत्‍पत्ती ३:१९; रोमी ६:२३; उत्‍पत्ती २:१७

गलाती 3:14

ख्रीस्‍त येसु सराप रमेनु, अर्को रागी ङा मुरपुकी यो अब्राहाम आ तशो आसीक ताइनीम। मिनु यहूदी आन पशो पतीक रे ममाइ। ख्रीस्‍त येसु कली थमा सुइश्‍शो रे पा गोपुकीमी परमप्रभु यावेमी गेनुङ देंशो आ सोक्‍त ताइतय, दे रुब्‍य।

गलाती 3:17

आं देंशो रुपीन। परमप्रभु यावेमी अब्राहाम कली गेशो लोव़ कागज ब्रेक्‍शा, ब्रेप्‍चो दिप्‍शो खोदेंशो बाक्‍ब। मेको लोव़ गेशा, ४ सहे ३० बर्स नोले आ अरेशो लोव़ तुइक्‍पाइश्‍शो बाक्‍त। मेको अरेशो लोव़मी ङोंइती गेशो लोव़ ख्रोइक्‍ने मचाप्‍ब। प्रस्‍थान १२:४०

गलाती 3:23

थमा सुइक्‍तीक जाक्‍चा क्‍येङा ङोंइती अरेशो लोव़ पना पन बाक्‍त‍क। मोपा थमा सुइक्‍तीक मजाक्‍म सम्‍म चोक्‍सीशो खोदेंशो बाक्‍तक। गलाती ४:३

गलाती 3:29

ख्रीस्‍त नु रां का दुम्‍शा, अब्राहाम आ चच युइ दुम्‍तीनी। परमप्रभु यावेमी अब्राहाम कली गेशो लोव़ गाप्‍शा, हक ताइब दुम्‍तीनी।

२ तिमोथी 1:1

गो परमप्रभु यावे आ दाक्‍शो ख्रीस्‍त येसु आ सोइश्‍शो पावल नङ। ङोंइती परमप्रभु यावेमी “ख्रीस्‍त येसुमी गेना हना यो ब्रोंइशा बाक्‍तीक बाक्‍ब” दे आ लोव़ खाप्‍शो बाक्‍त।

हिब्रू 9:15

मोपतीके मेको नक कबल ङा गारपाइक्‍ब बाक्‍ब। मोपा ब्रेश्‍शोपुकी आन गेना हना यो लीब शोंप तामेक्‍ल। मारदे हना ख्रीस्‍त बेक्‍त। मिनु मेको आन ङोंइती ङा कबलम पशो पाप यो क्‍याम्‍साक्‍व। हिब्रू १२:२४; १तिमोथी २:५

२ पत्रुस 1:4

मोपा आ नेल्‍ल क्‍येङा ठेयब थोक्‍शा पशो लोव़ गेप्‍तु। मेको तुइश्‍शा, गेपुकी रागी ङा मुर आन दला दाक्‍स पतीके रे ब्रोंइशा, प्रोक्‍ने चाप्‍नीनी। मोपा गेपुकी परमप्रभु यावे आ पशो खोदेंशो पाइब दुम्‍नीनी।

२ पत्रुस 3:13

तन्‍न आ ङोंइती देंशो “नक सरीङ नु नक रागी सेल्‍नुङ। मेकेर नेल्‍ल रिम्‍शो नु ठीक ला पाइनीम” देंशो लोव़ रिम्‍नय। यसैया ६५:१७; प्रकाश २१:१; प्रकाश २१:२७

१ यूहन्‍ना 2:25

परमप्रभु यावेमी “गो इन कली गेना हना यो ब्रोंइशा बाक्‍चा गेनुङ” देंशो बाक्‍ब।