गलाती 3:2 - Sunuwar Bible

² मुल लोव़ का निक्‍शी हिल्‍लो पाइक्‍नन्‍नी। परमप्रभु यावे आ सोक्‍त दोपा तनी? यहूदी आन पतीक पशोमी तनी देय ख्रीस्‍त आ लोव़ थमा सुइश्‍शोमी तनी? लो देनीन।

गलाती 3:2 ပူးပေါင်းရင်းမြစ်များ

प्रेरित 15:8

मुर नेल्‍ल आन थुं तुइक्‍ब परमप्रभु यावेमी यहूदी इं कली गेशो खोदेंशो पा अर्को रागी ङा मुर आन कली यो आन थुंमी आ सोक्‍त गेप्‍तु।

प्रेरित 2:38

पत्रुसमी “इन थुं परमप्रभु यावे गे लेश्‍शा, येसु कली थमा सुइश्‍शा, आ नेंमी ब्‍वाक्‍कुम ख्रुम्‍शा ग्रुंइपांइसीने। मिनु इन पाप क्‍याम्‍चा पुंइसीनीनी। परमप्रभु यावे आ सोक्‍तीम प्रिंचा यो पुंइसीनीनी। प्रेरित ३:१७-१९; लूका २४:४७

प्रेरित 8:15

मिनु मेको निक्‍शीमी “परमप्रभु यावे आ सोक्‍त थमा सुइक्‍बपुकी नु लील” दे प्रार्थना पथ जाक्‍दीस्‍सा बाक्‍त।

रोमी 1:17

परमप्रभु यावेमी मुर आन कली दोपा ठीक दुम्‍पाइक्‍बा, मेको आ लोव़ रे पा तुंइ‍सीब। मिनु “ठीक पाइब आं कली थमा सुइश्‍शा ब्रोंइब” दे ब्रेक्‍शो बाक्‍ब। हबकुक २:४; रोमी ३:२१-२२; गलाती ३:११

१ कोरिन्‍थी 9:21

गो परमप्रभु यावे आ अरेशो लोव़ मतुइक्‍ब आन कली शें‍दुनु, ख्रीस्‍त आ लोव़ रुप्‍पाइश्‍शा, आ मुर दुम्‍मल, दे गो परमप्रभु यावे आ अरेशो मपाइब खोदेंशो दुम्‍ती। गो परमप्रभु यावे आ अरेशो मपाइब दुम्‍शा यो, मेको आ ङोंइती ख्रीस्‍त आ अरेशो पाइब दुम्‍ती। गलाती २:३

२ कोरिन्‍थी 11:4

मारदे हना मुर का जाक्‍शा, मेकोमी इन कली अर्को येसु आ पर्बम शेंब आंइ शेंशो खोदेंशो ममाइ, इन ङोंइती ताक्‍शो ममाइ, अर्को सोक्‍त ताक्‍पाइक्‍ब। अर्को ग्‍येरपाइक्‍तीक लोव़ नें‍पाइक्‍ब। मिनु गे रीब पा बित्‍नीनी। गलाती १:८-९

गलाती 3:14

ख्रीस्‍त येसु सराप रमेनु, अर्को रागी ङा मुरपुकी यो अब्राहाम आ तशो आसीक ताइनीम। मिनु यहूदी आन पशो पतीक रे ममाइ। ख्रीस्‍त येसु कली थमा सुइश्‍शो रे पा गोपुकीमी परमप्रभु यावेमी गेनुङ देंशो आ सोक्‍त ताइतय, दे रुब्‍य।

गलाती 3:3

मारेइ मरुप्‍ब मुर दुम्‍नी? परमप्रभु यावे आ सोक्‍तीम प्रिंशो थुं गेचा पुंइसीशा, प्रभु आ लां खोइक्‍चा गोइतीनी। मिनु मुल मुर आ थुंमी मिम्‍शो पशा, जाक्‍दीय्‍य, दे मिम्‍तीनी?

गलाती 3:5

परमप्रभु यावेमी इन कली आ सोक्‍त गेशा, छक लाक्‍चा ङा गेय कोंइताक्‍व। यहूदी आन पतीक पशो तशा, मोदेंशो छक लाक्‍चा ङा गेय कोंइदा ङा? ख्रीस्‍त कली थमा सुइश्‍शो तशा, कका छक लाक्‍चा ङा गेय कोंइताक्‍व।

हिब्रू 2:4

परमप्रभु यावेमी पपाइश्‍शो चिन्‍ड नु छक लाक्‍चा ङा गेय, सक्ति पाइश्‍शो शुश गेय नु परमप्रबु यावेमी आ दाक्‍शो पा योव़शा आ सोक्‍तीमी मुर आन कली पपाइश्‍शो गेय, मेको सांफा सांकछी बाक्‍नीम। मर्कूस १६:२०; २कोरिन्‍थी १२:१२; १कोरिन्‍थी १२:४-११; प्रेरित २:१-१३; प्रेरित १०:४४-४५

हिब्रू 4:2

थमा पा, इं कली यो मेको आन कली खोदेंशो पा परमप्रभु यावे आ लोव़ नेंपाइश्‍शो बाक्‍त। तन्‍न इं किकी पिपी आन कली नेंपाइश्‍शो लोव़ शोर गाक्‍शो दुम्‍त। मारदे हना नेंबपुकीमी थमा मसुइक्‍थु मटिशो बाक्‍तेक्‍म।

हिब्रू 6:4

मारदे हना ङोंइती शेंतीक लोव़ रुप्‍शा, परमप्रभु यावे आ छेङछेङ तशा, आ सक्ति तशा, परमप्रभु यावे आ सोक्‍तीम ब्रीशा,

१ पत्रुस 1:12

मेकोपुकीमी आन पाला ङा मुर आन कली ला लोव़ मपामे। नोले ङा मुर, इन कली यो लोव़ पा शेंदमे बाक्‍त। इन कली दोपा शेंदमे बाक्‍त देंशा हना, परमप्रभु यावेमी आ सोक्‍त स्‍वर्ग रे सोइश्‍शो बाक्‍त। मेको आ पतीकेमी शेंबपुकीमी इन कली ग्‍येरपाइक्‍ब लोव़ शेंताक्‍म। परमप्रभु यावे आ स्‍वर्ग ङा गेय पाइबपुकीम यो मेको तचा तुइक्‍चा दाक्‍नीम। एफिसी ३:१०