गलाती 2:20 - Sunuwar Bible20 तन्न गो मब्रोंइनुङ। ख्रीस्त आं आगामी ब्रोंइब। तन्न आं मुल ब्रोंइतीके गो परमप्रभु यावे आ तौ कली थमा सुइश्शा ब्रोंइनुङ। मेकोमी आं कली शुश दाक्शा, आं पशो पाप आ पर्बम साइक्चा पुंइसाक्व। यूहन्ना १७:२३; प्रेरित १:४ အခန်းကိုကြည့်ပါ။ |
गलाती 2:20
65 ပူးပေါင်းရင်းမြစ်များ
इं यहूदी रिती थिती पतीके ठीक मदुम्नय। ख्रीस्त येसु कली थमा सुइक्तीके ठीक दुम्नय, दे रुप्तय। मोपतीके इं यहूदी रिती थिती पचा प्रोंइशा, ख्रीस्त येसु कली थमा सुइक्तय। गो लेंशा देंनुङ, रिती थिती पतीके सुइ ठीक मदुम्नीम। परमप्रभु यावेमी मुर आन कली येसु ख्रीस्त कली थमा सुइश्शो तशा, ठीक दुम्पाइक्ब। रोमी ३:२०,२८; एफिसी २:८
नें बोरपाइक्चा दा गो यो आं नें बोरपाइश्शा गाक्ती। तन्न मुर आन पशो तशा ममाइ। इं प्रभु येसु ख्रीस्त इं पा ङा शीम केप्शा कांटी थोक्शा साइक्चा पुंइसीशा, इं पाप क्याम्ताक्व, दे ख्रीस्त आ पशो मिम्शा, आं नें बोरपाइश्शा गाक्ती। ख्रीस्त आ गेय ङा लाक्शा मारेइ ठेयब ममिम्नुङ। रागी ङा मिम्तीक पतीक नेल्ल बेक्शो खोदेंशो मिम्ताक्ङ। रागीमी यो आं कली बेक्शो खोदेंशो मिम्ताक्व। १कोरिन्थी १:३१; १कोरिन्थी २:२
येसु ख्रीस्तम आंम कली काइ ममिम्थु, साइक्चा पुंइसाक्व। मारदे साइक्चा पुंइसाक्व देंशा हना, इं कली मटितीके रे प्रोंइचा कली साइक्चा पुंइसाक्व। मिनु इं कली परमप्रभु यावे आ योव़शो मुर सेल्चा नु इं कली शुश रिम्शो गेय पपाइक्चा कली आंम कली साइक्चा, दे जिम्मा गेसाक्व। गलाती १:४; १तिमोथी २:६; प्रस्थान १९:५; एफिसी २:१०
ကြော်ငြာတွေ