गलाती 2:15 - Sunuwar Bible

¹⁵ गोपुकी यहूदी नय। अर्को रागी ङा मुरपुकीमी परमप्रभु यावे कली मतुइक्‍नीमी। आ अरेशो लोव़ मतुइक्‍थु, मटीनीम। गो मोदेंशो मनय।

गलाती 2:15 ပူးပေါင်းရင်းမြစ်များ

मत्ती 9:11

मिनु फरिसीपुकीमी मेको नेल्‍ल आन कली काथा बाक्‍शा जशो तशा, येसु आ शेंसीब आन कली “मारदे इन शेंबमी तिरो पोक्‍ब नु पापीपुकी नु काथा बाक्‍शा जाइबा?” देंतेक्‍म।

लूका 24:7

‘रागीम जरमेशो पापी आन गुइमी जिम्‍मा गेने पुंइसीशा, शीम क्‍याइश्‍‍शा कांटी थोक्‍शा साइक्‍चा पुंइसीब। मिनु बेक्‍शो आ नित्‍थ नाक्‍ती बेक्‍शो रे सेंसीब’ दे शेशो प्रेंदीनी ङा?” देंसा बाक्‍त। लूका ९:२२

प्रेरित 22:21

प्रभुमी ‘मेकेर रे लावो। मारदे हना ङोन ङोन बाक्‍ब अर्को रागी ङा मुर आन कली आं पर्बम शेंथ सोइक्‍नन’ देंत” दे पावलमी देंमाक्‍त। प्रेरित १३:२

रोमी 3:9

मिनु मार देंचा देंशा हना, अर्को जात क्‍येङा गो यहूदी रिम्‍शो मुर नया? मनय। मारदे हना गो यहूदीपुकी यो अर्को जात ङा मुर खोदेंशो पा पापी बाक्नय। रोमी १:१८; रोमी २:२४

रोमी 4:16

थमा सुइक्‍तेक्‍म हना, शिशी ताइनीम। अरेशो टीबपुकीम यो शिशी ताइनीम। सु सुमी अब्राहामम खोदेंशो पा, परमप्रभु यावे कली थमा सुदमे, मेको आ थोक्‍शो लोव़ ङा मुर नु अब्राहाम आ आल दुम्‍नीम।

गलाती 2:17

गो यहूदी बाक्‍तय हना यो, येसु ख्रीस्‍त कली थमा सुइक्‍तीके ठीक दुम्‍तय। मोपान अर्को रागी ङा मुर खोदेंशो दुम्‍तय। मिनु येसु ख्रीस्‍तमी मुर आन कली पापी सेल्‍शा, पाप बारपाइक्‍ब, दे मिम्‍चा ङा? मोदेंशो ममिम्‍चा।

एफिसी 2:3

मिनु ङोंइती गो नेल्‍ल मोदेंशो रागी ङा मुर बाक्‍तय। गोपुकी यो मार दाक्‍तय, मेकोन पाइतय। इं रां नु थुंमी मार दाक्‍ता, मेकोन पाइतय। मोपतीके गोपुकी यो अरु मुर खोदेंशो पा गाइक्‍ब आ आल दुम्‍‍तय। १पत्रुस ४:३; कलस्‍सी ३:६

फिलिप्‍पी 3:4

गो मुर आन पतीके कली थमा सुइक्‍ने चाप्‍नुङ। मुरपुकीमी आन पतीकेमी थमा सुइक्‍ने चाप्‍नीमी, दे मिम्‍नीमी। मोदेंब दुम्‍त हना, गो यो मेको आन क्‍येङा शुश चाप्‍नुङ। २कोरिन्‍थी ११:१८,२२

तीतस 3:3

ङोंइती गो मरुप्‍ब बाक्‍तय। परमप्रभु यावे कली मटीब बाक्‍तय, हेंथे गाक्‍ब, मार मार दाक्‍तय, मेको दला दाक्‍स पाइब बाक्‍तय। ग्रांग्रा दिचा ङा गेय पाइब बाक्‍तय। गो मरिम्‍शो पा गेहे पाइतय। मिनु गोपुकी काइ मदाक्‍मुय। १कोरिन्‍थी ६:११; एफिसी २:२; एफिसी ५:८; १पत्रुस ४:३

१ सामुएल 15:18

परमप्रभु यावेम इन कली मेको पाप पाइब अमालेकी आन कली खतम पोक्चा, दे थमा पा देंशा सोइश्‍शो बाक्‍त। मेको आन कली काइ मवोइक्‍थु मसाइक्‍नी सम्‍म गे लडाइ पस ङा पस बाक्‍चा माल्‍शो ननी।