गलाती 1:2 - Sunuwar Bible

² गो नु काथा बाक्‍ब थमा सुइक्‍ब लोक्‍बपुकीमी गलातीया रागीम बाक्‍ब येसु ख्रीस्‍त आ नेंमी देल्‍ब इन कली एको चिठी सोइक्‍ताक्‍क।

गलाती 1:2 ပူးပေါင်းရင်းမြစ်များ

प्रेरित 15:41

मिनु मेकेर रे लशा, सिरीया नु सिलीसीया रागीमी जाक्‍दीश्‍शा, थमा सुइक्‍ब आन थुं बारपदसे बाक्‍त।

प्रेरित 18:23

मिनु इच्‍का नाक्‍त एन्‍टीओकमी बाक्‍शा, मेकेर रे लशा, गलातीया नु फ्रिगीया रागीमी जाक्‍दीश्‍शा, तेइ तेइ हिरशा, थमा सुइक्‍ब आन कली ग्रुम्‍शा, आन थुं बारपाइक्‍तीक लोव़ पना पन गाक्‍माक्‍त।

प्रेरित 9:31

मिनु यहूदीया, गालील नु सामरीया रागीमी बाक्‍ब थमा सुइक्‍बपुकी खेदा पचा मपुंइसीथु, बाक्‍चा तामे बाक्‍त। थमा सुइक्‍बपुकीमी प्रभु कली मान पा हिंशा, परमप्रभु यावे आ सोक्‍त रे पा वारच पचा पुंइसीशा, आन थुं बारना बारन ल‍माक्‍त। मिनु थमा सुइक्‍ब यो तेम्‍सीन सीन लमा बाक्‍त।

१ कोरिन्‍थी 16:1

क्‍येट पोक्‍चा आ पर्बम गलातीया रागी ङा थमा सुइक्‍ब आन कली शेंशो इन कली यो शेंनन्‍नी। २कोरिन्‍थी ८:९; गलाती २:१०

गलाती 3:1

ए गलातीपुकी, गे मरुप्‍ब मुर दुम्‍नी बाक्‍त। सुमी मोपा इन थुं हिरदा? येसु ख्रीस्‍त कली शीम केप्‍शा कांटी थोक्‍शा क्‍याइश्‍शा साइक्‍तेक्‍म, दे इन मिक्‍चीमी तशो खोदेंब पा नेंपाइक्‍तान्‍नी। मुल मेको लोव़ प्रेंदीनी?

फिलिप्‍पी 2:22

गेपुकीमी तिमोथी कली तुइक्‍नीनी। दोपा तौमी आ आफ नु गेय पाइबा, मोपा मेको गो नु परमप्रभु यावे आ ग्‍येरपाइक्‍ब लोव़ शेंथ गाक्‍त।

फिलिप्‍पी 4:21

ख्रीस्‍त येसुमी बाक्‍शो थमा सुइक्‍ब नेल्‍ल आन कली “रिम्‍शो बाक्‍कीन” मतीन। गो नु बाक्‍ब लोक्‍बपुकीमी “रिम्‍शो बाक्‍कीन” देंतेक्‍म।