15 परमप्रभु यावेमी चहिं काबु आं मोदेंशो पचा तेक्ती। मारदे हना आ दाक्शो पा आं जरमेचा ङोंइती रे योव़शा, आ लोव़ शेंब सेल्ने थुम्शो बाक्माक्त। येरमीया १:५; रोमी १:१
गे समुन्द्र आ नेक्था बाक्बपुकी, होस पने। गे ङोन रागी ङा मुरपुकी, होस पने। परमप्रभु यावेमी आं कली आ जरमेचा क्येङा ङोंइती रेन ब्रेश्शो बाक्त। गो आं ममा आ कोव़जीम बाक्ङानु, मेकोमी आं कली नें गेती।
मुल परमप्रभु यावेम आ गेय पाइब सेल्ती। मिनु गो याकूब कली आ गे लेप्पाइक्चा कली नु इस्राएल मेको आ नेक्था खुप्शा वोइक्चा कली मेकोमी आं कली आं ममा आ कोव़जीम सेल्ती। मारदे हना गो परमप्रभु यावे आ ङोंइती मान ताइब दुम्ती। आं परमप्रभु आं सक्ति दुम्त।
“गो इ कली कोव़जीम जोल्चा क्येङा ङोंइती तुइक्ताक्ङ। गो इ कली जरमेचा क्येङा ङोंइती योव़शा तिल्तन। मिनु इ कली रागी रागी ङा मुर आन कली आं लोव़ पाइब सेल्तन” देंत। यसैया ४९:१; गलाती १:१५
आं आफ, गे मोदेंशो पचा दाक्ताक्नी।
मिनु येसु परमप्रभु यावे आ सोक्तीम पतीके ग्येरशा “आं आफ, सरीङ नु रागी ङा परमप्रभु, गे नेल्ल क्येङा ठेयब ननी। गे शुश रिम्शो पाइतीनी। जोक्ब तुइक्ब नङ, दे मिम्ब आन कली इन लोव़ रुप्तीक थुं मगेनी। मजोक्ब मतुइक्ब आन कली रुप्तीक थुं गेतीनी। गे मोदेंशो पचा दाक्ताक्नी। १कोरिन्थी २:७
मिनु काबु थमा सुइक्बपुकी खुम्सीशा माइजा बाक्शा, प्रार्थना पना पन प्रभु कली ठेयब सेल्ना सेल्न बाक्मानु, परमप्रभु यावे आ सोक्तीमी “बारनाबास नु सावल आस कली आं गेय पथ योव़तासी। मोपतीके मेको आस कली आं गेय पचा कली सोइक्तीने” दे तुइक्पाइक्मी बाक्त। प्रेरित ९:१५
प्रभुमी “मोदेंशो तुइक्ताक्वी हना यो, मुल छुल बोक्शा लावो। मारदे हना अर्को रागी ङा मुर, पिपपुकी नु इस्राएली आन कली आं नें तुइक्पाइक्चा, दे गो मेको कली योव़ने थुम्ता। प्रेरित १३:४६; प्रेरित २६:२; प्रेरित २७:२४
गो ख्रीस्त येसु आ वाइल पावल नङ। आ सोइश्शो दुम्शा, परमप्रभु यावेमी आ ग्येरपाइक्ब लोव़ तुइक्पाइक्चा कली योव़चा पुंइसाक्यी। प्रेरित ९:१५; प्रेरित १३:२; गलाती १:१५
मिनु येसु ख्रीस्तमी नेल्ल अर्को रागी ङा मुर आन कली आ लोव़ तुइक्पाइक्चा कली शिशी पा योव़ती। मुरपुकीमी येसु ख्रीस्त आ लोव़ टीमेक्ल देंशा, शेंथ सोइक्ताक्यी। रोमी १५:१८; प्रेरित २६:१६-१८; गलाती २,७,९
गो परमप्रभु यावे आ योव़शो, मेको कली दाक्बपुकीमी दोदेंशो श्येत जाम्तेक्म हना यो, दोदेंशो ग्येरसाक्म हना यो, मार दुम्त हना यो, इं कली रिम्शो दुम्ब, दे तुइश्शो बाक्नय। एफिसी १:११
आ तौ खोदेंशो दुम्मल, दे योव़चा पुंइसीब आन कली ब्रेत्ताक्व। मिनु ब्रेश्शो आन कली ठीक सेल्तु। मिनु ठीक दुम्शो आन कली बेक्चा रे प्रोंइशा, आ नु काथा बाक्चा गेब। १थिस्सलोनिकी २:१३,१४; रोमी ३:२६
इं यहूदी कली ला ब्रेश्शो योव़शो ममाइ। अर्को रागी ङा मुर आन कली यो ब्रेश्शा, आ मुर सेल्शा, आ नु बाक्चा ताइब सेल्तीमी।
परमप्रभु यावे आ दाक्शो पा ख्रीस्त येसु आ सोइश्शो ब्रेत्चा पुंइसीशो, गो पावल नङ। इं लोक्ब सोस्थेनेस नु गोमी कोरिन्थ सहरम बाक्ब परमप्रभु यावे आ मुर दुम्शा देल्ब इन कली एको चिठी ब्रेक्शा सोइक्ताक्स्कु।
परमप्रभु यावेमी मुर आन जोक्तीक तुइक्तीक रे आंम कली मतुइक्पांइसे। परमप्रभु यावेम आ दाक्शो पा, आंइ मूर्ख लोव़ नेंपाइक्ब। मिनु मेको लोव़म थमा सुइक्ब आन कली पाप रे ब्रोंइचा गेब।
परमप्रभु यावेमी योव़शो यहूदी नु ग्रीकपुकीमी चहिं मार देंनीम देंशा हना “परमप्रभु यावे आ सक्ति नु जोक्तीक तुइक्तीक नेल्ल ख्रीस्त नु थिंसीब” देंनीम। कलस्सी २:३
परमप्रभु यावेमी इन कली आ तौ इं प्रभु येसु ख्रीस्त नु गेना हना यो काथा बाक्चा कली योव़तु। मिनु आ देंशो लोव़ नेल्ल खाप्ब। १थिस्सलोनिकी ५:२४
तन्न परमप्रभु यावेमी शिशी पा आ सोइश्शो नु आ लोव़ शेंब सेल्ती। आ शिशी पशो यो मो मबाक्ब। मिनु गो नेल्ल आन क्येङा शुश गेय पाता। मेको नेल्ल आं पशो ममाइ, तन्न परमप्रभु यावे आ पपाइश्शो बाक्ब। २कोरिन्थी ११:५,२३
गो सोइश्शो ब्रेत्चा पुंइसीशो पावल नङ। आं शेंतीके लोव़ मुर आन लोव़ ममाइ। मुरपुकीम सोइश्शो यो मनङ। येसु ख्रीस्त कली बेक्शो रे सेंब इं आफ परमप्रभु यावे नु येसु ख्रीस्त आस सोइश्शो नङ। गलाती १:११-१२
इन कली तशा, गो छक लाक्ती। मारदे हना इन कली येसु ख्रीस्त रे पा शिशी पा आ गे ब्रेप्ब कली प्रोंइशा, अर्को आन ग्येरपाइक्ब लोव़ नेंतीनी।
मिनु परमप्रभु यावेमी इं कली दाक्शा “येसु ख्रीस्त कली थमा सुइक्ब दुम्नीम” दे आंम आ तमी तौ सेल्तु। मेकोन परमप्रभु यावे आ दाक्शो बाक्त।
परमप्रभु यावेमी इं कली ङोंइती ख्रीस्त रे आ थुंमी ख्रुइश्शा वोइश्शो लोव़ तुइक्पाइक्चा दाक्ताक्व।
मेको परमप्रभु यावे आ गेना हना यो मिम्शो लोव़ बाक्त। मेको मुल इं प्रभु ख्रीस्त येसु रे खाप्शो बाक्त।
परमप्रभु यावेमी सैतान रे प्रोंइशा “आं मुर नम” दे ब्रेत्ताक्व। इं रिम्शो पतीके कोव़शा ममाइ, आ माल्शो नु शुश ङोंइती रे ख्रीस्त येसुमी इं कली गेशो दाक्तीके आ पर्बम ब्रेत्ताक्व। तीतस ३:५
मिनु का निक्शी नाक्त श्येत जनी नोले नेल्ल शिशी पाइब परमप्रभु यावेमी “गेना हना यो छेङछेङमी बाक्चा गेनुङमी” दे ख्रीस्त आ नेंमी इन कली ब्रेश्शो बाक्त। मेकोमी इन कली आ राज्यम गारचा ङा सक्ति पाइश्शो नु ठीक सेल्ब। १पत्रुस १:६
मारदे हना परमप्रभु यावेमी आ ठेयब नें आ पर्बम आ मुर आन कली कोव़शा मप्रोंइब। परमप्रभु यावेमी इन कली आंम आ मुर सेल्चा कली ग्येरसाक्व। प्रस्थान १९:६