गलाती 1:10 - Sunuwar Bible

¹⁰ मार, गो मुर आन थुं नुपाइक्‍चा माल्‍नुङा ङा? गो परमप्रभु यावे आ थुं कका नुपाइक्‍चा माल्‍नुङ। गो मुर आन थुं नुपाइक्‍तीके लोव़ पाता हना, ख्रीस्‍त आ गेय पाइब माइक्‍चा मपुंइसीनुङ। १थिस्‍सलोनिकी २:४-६

गलाती 1:10 ပူးပေါင်းရင်းမြစ်များ

मत्ती 22:16

मिनु आन शेंसीब नु हेरोद आ वारच आन कली येसु आ बाक्‍तीके ओं माइक्‍थ सोइक्‍तीमी बाक्‍त “हे शेंब, गे थमा पाइब ननी। मुर आन कुल मकोव़थु सुइ नु महिंथु, परमप्रभु यावे आ लोव़ थमा पा शेंनीनी, दे तुइक्‍नीक। यूहन्‍ना ३:२

मत्ती 28:14

सरकार ङा ठेयब मुरुमी नेंतु हना, नेल्‍ल गारपाइक्‍नीकी, इन कली मारेइ मदुम्‍ब” देंमा बाक्‍त।

मत्ती 6:24

सुइमी होव़प निक्‍शी आस गेय पने मचाप्‍ब। मारदे हना का कली मदाक्‍ब, का कली दाक्‍ब। का कली मान पा टीब, का कली मान मपथु मटीब। परमप्रभु यावे नु शोंप निम्‍फा आस कली गेय पने मचाप्‍नीनी। लूका १६:१३; याकूब ४:४

प्रेरित 12:20

पिप हेरोद मेकेर बाक्‍मेनु, टायर नु सीदोन सहर ङा मुर आन कली तशा चुरमाक्‍त। मोपतीके मेकोपुकीमी मुर निक्‍शी का योव़शा, ब्‍लास्‍तस नें पाइश्‍शो पिप आ ठेयब गेय पाइब मुर नु गारशा, पिप कली ग्रुम्‍थ जाक्‍मा बाक्‍त। मिनु मेकोपुकीमी “दुशा गारशा बाक्‍य, सरकार” दे सेउ पदमे बाक्‍त। मारदे हना पिप हेरोद आ रागी रे मचाक्‍थु जचा मजाक्‍दीम्‍माक्‍त। इजीकीएल २७:१७

प्रेरित 5:29

मिनु पत्रुस नु येसु आ सोइश्‍शो नेल्‍लेमी “गोपुकीमी मुर आन लोव़ क्‍येङा परमप्रभु यावे आ लोव़ टिचा, दे थुं फ्रेंताक्‍क। प्रेरित ४:१९; दानीएल ३:१७-१८

रोमी 1:1

गो ख्रीस्‍त येसु आ वाइल पावल नङ। आ सोइश्‍शो दुम्‍शा, परमप्रभु यावेमी आ ग्‍येरपाइक्‍ब लोव़ तुइक्‍पाइक्‍चा कली योव़चा पुंइसाक्‍यी। प्रेरित ९:१५; प्रेरित १३:२; गलाती १:१५

रोमी 2:29

मार पा यहूदी दुम्‍नीम देंशा हना, मार पचा दुम्‍बा, मार पचा मदुम्‍बा, मेको तुइश्‍शा, परमप्रभु यावे आ सोक्‍तीम थुंम ख्रोइक्‍तीक चिनु ख्रोइश्‍शा ला परमप्रभु यावे आ मुर दुम्‍नीम। मेको आन कली मुरपुकीमी ठेयब मसेल्‍नीम। तन्‍न परमप्रभु यावेमी नेल्‍ल तुइश्‍शा “रिम्‍शो पाइतीनी” देंब। ब्‍यवस्‍था ३०:६; फिलिप्‍पी ३:३; कलस्‍सी २:११

रोमी 2:8

तन्‍न आंम कली ला मिम्‍बपुकी, थमा लोव़ मटीबपुकी, जोल लोव़ थमा सुइक्‍बपुकी परमप्रभु यावे आ गाइश्‍शो चुरशो ताइनीम। २थिस्‍सलोनिकी १:८

१ कोरिन्‍थी 10:33

गो मोदेंशो पा नेल्‍ल आन कली ग्‍येरपाइक्‍चा ङा गेय पचा दाक्‍नुङ। आंम आं कली ममिम्‍सीथु, मेको आन कली रिम्‍शो दुम्‍ल, दे मिम्‍शा, गेय पाइनुङ। “शुशेमी ख्रीस्‍त कली थमा सुइश्‍शा, आ मुर दुम्‍मल” दे मिम्‍शा बाक्‍ती। १कोरिन्‍थी ९:२०-२२

२ कोरिन्‍थी 12:19

“पावल नु आ वारचपुकीमी ब्रोंइचा कली लोव़ पाइबाक्‍तेक्‍म” देंशो मिम्‍ताक्‍नी हना, गे दूली मिम्‍ताक्‍नी। आंइ दाक्‍शो लोक्‍बपुकी, गो इन कली शेंशा लोव़ पकानु, परमप्रभु यावे आ ङोंइती जिम्‍मा ब्रशा ख्रीस्‍त आ अधिकार तशा, इन कली रिम्‍शो दुम्‍ल, दे मिम्‍शा शेंताक्‍क।

एफिसी 6:6

होव़पमी इन कली गेय पशो कोव़तेक्‍म हना यो, मकोव़तेक्‍म हना यो, ठीक पा गेय पने। गेपुकीमी मुर कली ग्‍येरपाइक्‍चा ममाइ, ख्रीस्‍त आ वाइलीम वाइल दुम्‍शा, इन थुं नेल्‍लेमी परमप्रभु यावे आ दाक्‍शो पने।

फिलिप्‍पी 1:1

पावल नु तिमोथी, गो निक्‍शी ख्रीस्‍त येसु आ वाइल नस्‍कु। फिलिप्‍पी सहरम बाक्‍शो ख्रीस्‍त येसु कली थमा सुइक्‍ब नेल्‍ल इन कली, थमा सुइक्‍ब आन कली कोव़ब नु ग्रुम्‍तीके ङा गेय पाइब इन कली चिठी ब्रेक्‍ताक्‍ङ। प्रेरित १६:३

कलस्‍सी 3:22

वाइलीम वाइलपुकी, इन ठेयब मुरुमी मार मार देंनीमी, मेको नेल्‍ल टिचा माल्‍नीनी। इन ठेयब मुरुमी कोव़तेक्‍म हना यो, मकोव़तेक्‍म हना यो, थुं का पशा, प्रभु कली मान पा हिनीन।

१ थिस्‍सलोनिकी 2:4

परमप्रभु यावेमी आंइ कली ग्‍येरपाइक्‍ब लोव़ शेंचा, दे शेंब सेल्‍तीकी। मोपतीके गोपुकी मुर आन दाक्‍शो लोव़ मशेंथु, परमप्रभु यावे आ दाक्‍शो लोव़ शेंशा गाक्‍तक। मेकोमी आंइ थुं कली नाक्‍शा कोव़ब। गलाती १:१०

याकूब 4:4

गे परमप्रभु यावे आ लां प्रोंइशा हेंथे गाक्‍बपुकी, गे थमा मसुइक्‍ब आन वारच बाक्‍तीनी हना, परमप्रभु यावे आ जोरी सत्रु दुम्‍नीनी। सु थमा मसुइक्‍ब आन वारच दुम्‍चा माल्‍बा, मेको परमप्रभु यावे नु जोरी सत्रु दुम्‍ब। लूका ६:२६; रोमी ८:७; १यूहन्‍ना २:१५

१ यूहन्‍ना 3:9

परमप्रभु यावे आ आलपुकीमी पाप मपाइनीम। मारदे पाप मपाइनीम देंशा हना, परमप्रभु आ थुं मेको आन थुंमी बाक्‍ब। मोपतीके परमप्रभु आ आलपुकीम पाप मपाइनीम। १यूहन्‍ना ५:१८

१ सामुएल 21:7

सावल आ गेय पाइब आन दाते ङा गेय पाइब का यो मेको नाक्‍ती मेकेर परमप्रभु यावे आ ङोंइती दिक्‍शा, बाक्‍शो बाक्‍माक्‍त। मेको एदोम ङा दोएग बाक्‍माक्‍त। मेको सावल आ गोठला आन नेल्‍ल क्‍येङा ठेयब मुर बाक्‍माक्‍त। प्रस्‍थान २१:१३; लेवी १३:४,३१; १सामुएल २२:९,१८