एज्रा 9:13 - Sunuwar Bible

¹³ गोपुकीमी आंइ मरिम्‍शो पतीके नु आंइ ठेयब दोस आ पर्बम श्‍येत जशो बाक्‍तक। मो हना यो आंइ परमप्रभुमी आंइ तचा माल्‍शो क्‍येङा इच्‍का ला सजाइ गेतीनी। मिनु आंइ कली ब्रोंइचा गेतीनी।

एज्रा 9:13 ပူးပေါင်းရင်းမြစ်များ

नेहेम्‍याह 13:18

मार, इन किकी पिपीमी यो मोदेंशोन मपामे ङा? मो दुम्‍तीके, इं परमप्रभुमी एको सहर नु इं कली एको श्‍येत गेशो ममाइ ङा? मिनु मुल गे नाइक्‍तीक नाक्‍त, गेय पतीक नाक्‍त खोदेंशो सेल्‍शा, परमप्रभु आ गाइक्‍तीक तेम्‍नीनी?” दे हुइक्‍ताक्‍ङमी। इजीकीएल २०:१२-१३

नेहेम्‍याह 9:32

मिनु आंइ परमप्रभु, गे नेल्‍ल क्‍येङा ठेयब सक्ति पाइश्‍शो नु मान पा हिंचा माल्‍शो परमप्रभु बाक्‍नीनी। इन पशो कबल इन गेना हना यो दाक्‍तीक खाप्‍ब बाक्‍नीनी। अस्‍सुर ङा पिप आन पाला रे मुलाक्‍त सम्‍म आंइ कली गेशो श्‍येत, आंइ पिप आन कली, आंइ ठेयब मुर आन कली, इन कली चढ़ेब आन कली, इन लोव़ पाइब आन कली, आंइ किकी पिपी आन कली नु इन मुर नेल्‍ल आन कली गेशो श्‍येत कली आइक्‍च ममिम्‍तीन। ब्‍यवस्‍था ७:९,१२; १राजा ८:२३; नेहेम्‍याह १:५

अय्‍युब 11:6

मिनु मेकोमी ख्रुइश्‍शो तुइक्‍तीक इन कली शेंदल। मारदे हना तुइक्‍तीक शुश बाक्‍नीम। परमप्रभुम इन मरिम्‍शो पशो आ पा ङा तचा माल्‍शो सजाइ मगेव। इच्‍का ला गेप्‍तु।

भजन संग्रह 103:10

मेकोमी इं पशो पाप आ पर्बम सजाइ मगेब। मिनु इं मरिम्‍शो पशो ङा क्‍येक्‍क मलेप्‍ब।

बिलाप 3:22

परमप्रभु यावे आ गेना हना यो दाक्‍तीक गेनायो मनुप्‍ब। आ शिशी गेनायो मनुप्‍ब। नेहेम्‍याह ९:३१

हबकुक 3:2

“परमप्रभु यावे, गो इन पशो नेल्‍ल नेंता। परमप्रभु यावे, गो इन पशो तशा, इन कली ठेयब सेल्‍नुङ। आंइ ब्रोंइतीक नाक्‍तीमी मेको लेंशा कोंइदीन। मेको तुइक्‍पतीन। गे गाइक्‍ताक्‍नी हना, यो इन शिशी मिम्‍तीन।

गलाती 3:4

प्रभु आ लां खोइश्‍शा गाक्‍नीनु, मारेइ मारेइ ताइतीनी। मुल मेको लां प्रोंइतीनी हना, मेको नेल्‍ल मसाम्‍नीनी ङा?