एज्रा 9:11 - Sunuwar Bible

¹¹ गे इन लोव़ पाइब रे मार लोव़ पपाइक्‍तीनी देंशा हना ‘इन के सेल्‍चा कली ओव़शो रागी ग्रांग्रा दि‍शो बाक्‍त। मारदे हना मेको रागी ङा मुर आन ग्रांग्रा दित्‍चा ङा गेयमी मेको रागी ङा कुना कुना नेल्‍ल ब्रीशो बाक्‍त। लेवी १८:२४-२५

एज्रा 9:11 ပူးပေါင်းရင်းမြစ်များ

२ राजा 21:16

मेको क्‍येङा लाक्‍शा यो मनस्‍सेम दोस मताइब शुश मुर आन हुश शाइक्‍पाइश्‍शा, यरूसलेम आ सुर का रे अर्को सुर सम्‍म प्रिंदा बाक्‍त। मिनु मेकोम यहूदा कली पाप पपदा बाक्‍त। मिनु मेकोपुकीम परमप्रभु यावे आ ङोंइती मार मरिम्‍शो बाक्‍मे, मेको पामे बाक्‍त। २राजा २४:४; भजन संग्रह १०६:३८

२ इतिहास 33:2

मेको परमप्रभु यावेम इस्राएली आन ङोंइती रे खेरशो रागी रागी ङा मुर आन ग्रांग्रा दिशो लांम गाक्‍माक्‍त। मिनु परमप्रभु यावे आ ङोंइती मार मरिम्‍शो बाक्‍मे, मेको पवा बाक्‍त। ब्‍यवस्‍था १८:९

एज्रा 6:21

लेश्‍शा जाक्‍शो ग्‍याइश्‍शा लाइक्‍चा पुंइसीब इस्राएलीपुकीम मेको ब्‍वाम्‍तेक्‍म। मिनु रागी ङा मरिम्‍शो दुम्‍तीके रे दिल्‍शो परमप्रभु यावे, इस्राएली आन परमप्रभु कली ठेयब सेल्‍ब मुरपुकी मेको नु गारशा ब्‍वाम्‍तेक्‍म। ब्‍यवस्‍था १६:१-८

एज्रा 9:1

मिनु मेको नेल्‍ल पने थुम्‍शो नोले का निक्‍शी योव़चा पुंइसीशो मुरपुकी आं बाक्‍तीकेम जाक्‍शा “इस्राएल ङा मुरपुकी, चढ़ेब नु लेवीपुकीमी, कनानी हित्ती, परिज्‍जी, यबुसी, अम्‍मोनी, मोआबी, इजीप्‍ती नु एमोरी आन ग्रांग्रा दि‍शो गेय रे ङोन मदुम्‍शो बाक्‍नीम।

एज्रा 9:10

मोदेंशो बाक्‍त हना यो, आंइ परमप्रभु, मुल गो मार देंने चाप्‍नीकी? गोपुकीमी इन शेंशो मटिथु, प्रोंइतक।

येरमीया 26:5

गो गेना हना यो इन बाक्‍तीकेम सोइश्‍शो आं गेय पाइब, आं लोव़ पाइब आन लोव़ नोफा दाइश्‍शा मनेंतीनी हना, गेपुकीम मेको रिम्‍शो पा मनेंशो बाक्‍तीनी हना, येरमीया २५:४

२ कोरिन्‍थी 7:1

आं दाक्‍शोपुकी, गो नेल्‍लेमी परमप्रभु यावे आ गेशो लोव़ तुइश्‍शो बाक्‍नय। मोपतीके इं रां थुं नेल्‍ल मरिम्‍शो पतीक रे ङोन बाक्‍नय। मिनु इं परमप्रभु यावे कली ला मान पा हिंशा ठेयब सेल्‍नय।

ब्‍यवस्‍था 12:31

गेपुकीमी परमप्रभु यावे, इन परमप्रभु कली मोदेंशो मपने। मारदे हना मार मार परमप्रभु यावे आ ङोंइती ग्रांग्रा दित्‍चा ङा बाक्‍मे, मेकोपुकीमी आन देवी देवता आन कली नेल्‍ल पाम्‍तेक्‍म। मेकोपुकीमी आंम तमी तौ आन कली मेको आन देवी देवता आन पर्बम मीम चोशा चढ़ेम्‍तेक्‍म।

ब्‍यवस्‍था 18:12

मोदेंशो पाइब मुर परमप्रभु यावे आ ङोंइती ग्रांग्रा दिचा ङा बाक्‍नीम। मेको ग्रांग्रा दिचा ङा गेय आ पर्बम परमप्रभु यावे, इन परमप्रभुमी मेको मुर आन कली इन ङोंइती रे ग्रुंइब।