एज्रा 8:23 - Sunuwar Bible

²³ मिनु गो आंइ रिम्‍शो पा गाक्‍तीक आ पर्बम माइजा बाक्‍शा, आंइ परमप्रभु कली पुंइतक। मिनु परमप्रभुमी आंइ पुंइशो नेंतु।

एज्रा 8:23 ပူးပေါင်းရင်းမြစ်များ

उत्पत्ती 25:21

मिनु इसहाकमी परमप्रभु यावे कली आ मीश आ पर्बम पुना बाक्‍त। मारदे हना आल मथीब बाक्‍माक्‍त। परमप्रभु यावेमी आ पुंइशो गेवा बाक्‍त। मिनु रेबेकामी कोव़ज कुरा बाक्‍त।

२ राजा 13:4

तन्‍न येहो-अहाजमी परमप्रभु यावे कली पुना बाक्‍त। मिनु परमप्रभु यावेम मेको आ पुंइशो नेना बाक्‍त। मारदे हना अराम ङा पिपमी इस्राएली आन कली दिप्‍शा श्‍येत गेशो तवा बाक्‍त। उत्‍पत्ती १६:१३

१ इतिहास 5:20

मेकोपुकीमी लडाइम परमप्रभु कली “वारच पाइक्‍की” दे पुंइतीके, मेको आन जोरी सत्रु हाग्री नु अरु सु बाक्‍तेक्‍म हना यो, आन गुइमी गेवा बाक्‍त। मारदे हना मेकोपुकीमी थमा सुदमे बाक्‍त।

एज्रा 8:31

मिनु गो ङोंइती ङा महिना ङा १२ नाक्‍तीमी यरूसलेम लचा कली अहावा खोला रे गाक्‍तक। मिनु आंइ परमप्रभु आ गुइ आंइ तार बाक्‍त। मेकोमी पतीके जोरी सत्रु नु लांम बाप्‍शा बाक्‍ब रे ब्रोंइतक।

नेहेम्‍याह 9:1

मिनु मेको महिना ङा २४ नाक्‍त नोले इस्राएलीपुकी माइजा बाक्‍शा, अरन्‍डी फेक्‍शा नु आन पियामी फुरक देप्‍शा खुम्‍साक्‍म।

एस्‍तर 4:16

“सुसा सहरमी लशा, यहूदी नेल्‍ल आन कली आं पर्बम माइजा बाक्‍चा कली पुक्‍कीन। नाक्‍त सां नु नाक्‍दो सां सम्‍म मारेइ मजने, मारेइ मतूङीन। मिनु गो नु आं गेय पाइबपुकी यो गे खोदेंशो पा माइजा बाक्‍नीकी। मिनु में नोले ऐन कानुनमी मगेशो बाक्‍त हना यो, गो पिप आ बाक्‍तीकेम लाइनुङ। गो खतम दुम्‍ती हना, यो दुम्‍ङल” दे लोव़ सोइक्‍ताक्‍व।

हितोपदेस 3:5

गे इ थुं नेल्‍लेमी परमप्रभु यावे आ देंशो मिम्‍शा, थमा सुतो। इ आंम जोक्‍शो तुइश्शो थमा मसुतो।

यसैया 19:22

परमप्रभु यावेमी इजीप्‍त ङा मुर आन कली तुप्‍ब। मिनु सापाइक्‍ब। मिनु मेकोपुकी परमप्रभु यावे आ नोले खोइक्‍नीम। मिनु मेको आन पुंइशो लोव़ नेंशा। मेको आन कली सापाइक्‍ब।

येरमीया 33:3

मेकोमी “आं कली ब्रेत्‍ती। मिनु गो इ कली लोव़ लेत्‍नुङ। मिनु गो इ मतुइश्‍शो ठेयब नु ख्रुइश्‍शो थोव़क शेंनुङ” देंत।

दानीएल 9:3

मिनु गो माइजा बाक्‍शा, अरन्‍डी फेक्‍शा नु पुलु मोंइसीशा परमप्रभु, आं होव़प कली लोव़ पा पुंइशा, मार लोव़ लेप्‍बा, दे रिम्‍शा बाक्‍ती।

लूका 2:37

मिनु आ वोंइश बेक्‍म नोले शुश बर्स ब्रोंइशा, ८४ बर्स दुम्‍माक्‍त। मेकोमी परमप्रभु यावे आ खिं मप्रोंइथु, नाक्‍दो नाक्‍ती मेकेर माइजा बाक्‍शा प्रार्थना पा, परमप्रभु यावे कली ठेयब सेल्‍ना सेल्‍न बाक्‍बाक्‍माक्‍त। १तिमोथी ५:५

प्रेरित 10:30

मिनु कोरनेलीयसमी “गाबेर नाक्‍त आं खिंमी ३ बजे ङा प्रार्थना पना पन बाक्‍ङानु, जील्‍माक्‍श देंशो वा फेक्‍सीशो मुर का फो ग्रूशा, आं ङोंइती राप्‍शो ताता।

ब्‍यवस्‍था 4:29

तन्‍न गे मेकेर बाक्‍शा, परमप्रभु यावे, इन परमप्रभु कली माल्‍नीनी। मिनु गे थमा पा इन थुं नेल्‍लेम माल्‍तीनी हना, गे मेको कली थित्‍नीनी। भजन संग्रह २७:८; येरमीया २९:१३-१४