एज्रा 8:20 - Sunuwar Bible

²⁰ मिनु मेको आन कली प्रोंइशा २२० जना परमप्रभु आ खिंमी गेय पाइब यो चाक्‍तेक्‍म। ङोंइती दाऊद नु आ गेय पाइब ठेयब मुरपुकीमी लेवी आन कली वारच पचा कली योव़शा वोइश्‍शो बाक्‍त। मेको नेल्‍ल आन नें नें ब्रेक्‍तीकेम ब्रेक्‍शो बाक्‍तेक्‍म। १इतिहास ९:२

एज्रा 8:20 ပူးပေါင်းရင်းမြစ်များ

१ इतिहास 9:2

मिनु नेल्‍ल क्‍येङा ङोंइती लेंशा आंम थेरशो रू नु आंम आन सहरपुकीम बाक्‍ब सु सु बाक्‍मा बाक्‍त देंशा हना, इस्राएल ङा मुर, चढ़ेब, लेवी नु परमप्रभु यावे आ खिंम गेय पाइबपुकी बाक्‍मा बाक्‍त। यहोसु ९:२३,२७; एज्रा ८:२०

एज्रा 2:43

परमप्रभु यावे आ खिंमी गेय पाइब वाइल आन चच युइ सु सु बाक्‍तेक्‍म देंशा हना, एज्रा ८:२० सीहा, हासुफा, तब्‍बाओथ,

एज्रा 7:7

आरता-सास्‍त पिप दुम्‍शो ७ बर्स जाक्‍दीम्‍मेनु, का निक्‍शी इस्राएली, का निक्‍शी चढ़ेब, लेवी, कुम्‍सो पाइब, लाप्‍चोम खाल पाइब नु परमप्रभु आ खिंमी गेय पाइब मेको नु यरूसलेम लाम्‍तेक्‍म।

एज्रा 8:17

मिनु गो कासीपीया ङा ठेयब मुर इददो आ बाक्‍तीकेमी “लन” दे सोइक्‍ताक्‍ङमी। मिनु मेको आन कली कासीपीयाम लशा, इददो मेको आ मुरपुकी नु मेकेर ङा परमप्रभु आ खिंम गेय पाइब आन कली “आंइ परमप्रभु आ खिंमी गेय पचा कली गेय पाइबपुकी सोइक्‍तीन” दे माइक्‍थ सोइक्‍ताक्‍ङमी।

एज्रा 8:19

मिनु मेकोपुकीम यो हशाब्‍याह, मेरारी आ चच युइ येशायाह नु मेको आ लोक्‍ब नु मेको आन तौ २० जना यो चाक्‍तेक्‍म।

गन्‍ती 3:9

गे मेको लेवी आ मुर आन कली हारून नु आ तौ आन कली गेचा माल्‍नेवे। मेको इस्राएली आन दाते रे योव़शा हारून कली गेशो बाक्‍नीम।

फिलिप्‍पी 4:3

मिनु गो नु गेय पाइब वारच, इ कली “मेको मीश मुर निक्‍शी आस कली वारच पावो” देंती। मारदे हना मेको निक्‍शीमी गो नु काथ काथा ग्‍येरपाइक्‍ब लोव़ शेंतीक गेय पाम्‍ताक्‍से। क्‍लेमेन्‍त नु अर्को वारच आन कली यो वारच पाम्‍ताक्‍से। मेको नेल्‍ल आन नें ब्रोंइतीक किताबमी ब्रेक्‍शो बाक्‍ब। लूका १०:२०