एज्रा 7:9 - Sunuwar Bible

⁹ मिनु ङोंइती ङा महिना ङा ङोंइती ङा नाक्‍तीमी बेबीलोन रागी रे यरूसलेम लचा गोम्‍तेक्‍म। मिनु मेकोपुकी ५ महिना ङा ङोंइती ङा नाक्‍तीमी यरूसलेम जाक्‍तेक्‍म। मारदे हना परमप्रभु यावे, आ परमप्रभु आ शिशी पतीक गुइ मेको आन तारी बाक्‍त।

एज्रा 7:9 ပူးပေါင်းရင်းမြစ်များ

एज्रा 7:28

मिनु पिप, आ अर्ती गेबपुकी नु गेय पाइब आन ठेयब मुरपुकीमी आं कली दाक्‍ब सेल्‍तीनी” देंत। मारदे हना परमप्रभु यावे, आं परमप्रभु आ गुइ आं तारी बाक्‍ब, दे तुइश्‍शा, आं थुं ठेयब सेल्‍ता। मिनु गो नु यरूसलेम लचा कली बेबीलोनम बाक्‍शो इस्राएली आन ठेयब मुर आन कली पुक्‍ताक्‍मी।

एज्रा 7:6

मेको एज्रा बेबीलोन रागी रे जाक्‍त। मोसा रे पा गेशो, परमप्रभु यावे, इस्राएली आन परमप्रभु आ अरेशो लोव़ जोक्‍ब तुइक्‍ब बाक्‍त। मिनु पिपमी आ पुंइशो नेल्‍ल गेप्‍तु। मारदे हना आ परमप्रभु यावे आ गुइ मेको आ तारी बाक्‍त। एज्रा ८:१८-२२; नेहेम्‍याह २:८

एज्रा 7:8

मिनु पिपमी सासन पशो ७ बर्स ङा ५ महिना दुम्‍मेनु, मेकोपुकी यरूसलेममी जाक्‍दीत्‍‍तेक्‍म।

एज्रा 8:18

आंइ परमप्रभु आ शिशी पतीके गुइ आंइ तारी बाक्‍त। मारदे हना मेकोपुकीमी जोक्‍ब तुइक्‍ब मुर का चाक्‍तेक्‍म। मेको इस्राएल आ तौ लेवी आ तौ माहली आ चच युइ शेरेब्‍याह माइश्‍शो मुर बाक्‍त। मेको आ तौपुकी नु आ लोक्‍ब नेल्‍ल पा १८ जना वोंइश मुर चाक्‍तेक्‍म। एज्रा ७:६

एज्रा 8:22

गो आंइ कली लांम आंइ जोरी सत्रु रे प्रोंइचा कली लडाइ पाइब नु शारा ङोइक्‍बपुकी सोइक्‍तीकी, दे पिप कली पुंइचा मुने पाता। मारदे हना गोपुकीमी पिप कली “आंइ परमप्रभुमी आ नोले खोइक्‍ब नेल्‍ल आन कली कोव़ब। तन्‍न मेको कली प्रोंइब आन कली आ गाइश्‍शो कोंइब” देंशो नङ।

एज्रा 8:31

मिनु गो ङोंइती ङा महिना ङा १२ नाक्‍तीमी यरूसलेम लचा कली अहावा खोला रे गाक्‍तक। मिनु आंइ परमप्रभु आ गुइ आंइ तार बाक्‍त। मेकोमी पतीके जोरी सत्रु नु लांम बाप्‍शा बाक्‍ब रे ब्रोंइतक।

एज्रा 8:32

मिनु गो यरूसलेम जाक्‍शा नाक्‍त सां सम्‍म नांइसाक्‍क।

नेहेम्‍याह 2:18

मिनु आं परमप्रभु आ शिशी आं तारी बाक्‍तीके नु पिपमी आं कली देंशो लोव़ यो मेको आन कली शेंताक्‍ङमी। मिनु मेकोपुकीमी “लो, गो एको गेय पय” दे ग्‍येरशा, आन थुं बारपाइक्‍‍तेक्‍म।

नेहेम्‍याह 2:8

मिनु परमप्रभु यावे आ खिं आ नेक्‍था ङा बोल्‍यो खिं कली लाप्‍चो कली, सहर ङा गारो ङा ठेयब लाप्‍चो आन कली, नु आं बाक्‍तीक खिं कली शी माल्‍नुङ। इन ब्‍वाकी कोव़ब आसाफ कली आं माल्‍शो शी गेचा, दे यो ब्रेक्‍स का ब्रेक्‍शा गेयीनी” दे पुंइता। मिनु पिपमी आं पुंइशो नेल्‍ल गेती। मारदे हना आं परमप्रभु आ शिशी आं तारी बाक्‍त। एज्रा ७:६

भजन संग्रह 80:18

मिनु गो इन ङोंइती रे गेनायो नोले मशोंइसीनीकी। आंइ कली ब्रोंइचा गेकी। मिनु गो इन नें थिशा, प्रार्थना पाइनीकी।

यसैया 66:14

गेपुकी मेको कली तशा, शुश ग्‍येरशा, इन थुं बारपाइक्‍नीनी। गे घांस बारशो खोदेंशो पा बारनीनी” देंत। परमप्रभु यावेमी आ गेय पाइब आन कली वारच पाइब, दे मुर नेल्‍लेमी तुइक्‍नीम। मेको आ जोरी सत्रु आन पर्बम गाइक्‍ब।