एज्रा 7:28 - Sunuwar Bible

²⁸ मिनु पिप, आ अर्ती गेबपुकी नु गेय पाइब आन ठेयब मुरपुकीमी आं कली दाक्‍ब सेल्‍तीनी” देंत। मारदे हना परमप्रभु यावे, आं परमप्रभु आ गुइ आं तारी बाक्‍ब, दे तुइश्‍शा, आं थुं ठेयब सेल्‍ता। मिनु गो नु यरूसलेम लचा कली बेबीलोनम बाक्‍शो इस्राएली आन ठेयब मुर आन कली पुक्‍ताक्‍मी।

एज्रा 7:28 ပူးပေါင်းရင်းမြစ်များ

उत्पत्ती 32:28

मिनु मेकोमी “मुल ङा मेरे इ नें याकूब ममाइ, इ नें इस्राएल देंचा माल्‍नीम। मारदे हना गे परमप्रभु नु राम्‍शी पा ग्राते, मुर नु राम्‍शी पा यो ग्राते” देंमाक्‍त। उत्‍पत्ती ३५:१०; येरमीया २०:७

उत्पत्ती 43:14

नेल्‍ल क्‍येङा सक्ति पाइश्‍शो परमप्रभुमी मेको मुर आ ङोंइती इन कली शिशी गेवल। मिनु इन अर्को लोक्‍ब नु बेन्‍यामीन यो सोइक्‍तल। गो श्‍येत जचान माल्‍शो बाक्‍ती हना यो, श्‍येत जङल” दे आ तौ आन कली माइक्‍मी बाक्‍त।

एज्रा 5:5

तन्‍न परमप्रभुमी यहूदी आन खाल्‍पा आन कली वारच पाप्‍तु। मिनु मेकोपुकी पिप दारा आ बाक्‍तीकेम आन ब्रेक्‍स जाक्‍दीश्‍शा, पिपमी मार देंबा, मेको लोव़ मनेन्‍मे सम्‍म, मेको गेय तेक्‍ने मचबेम। ब्‍यवस्‍था ११:१२; १राजा ८:२९

एज्रा 7:14

गो, पिप नु आं ७ जना अर्ती गेबपुकीमी इन कली यहूदा नु यरूसलेममी मार दुम्‍ना दुम्‍न बाक्‍मे, मेको कोव़चा कली सोइश्‍शो बाक्‍नीकी। गे नु बाक्‍ब इन परमप्रभु आ अरेशो लोव़ पशो बाक्‍मा कों, मपशो बाक्‍मा, मेको कोव़ङो।

एज्रा 7:6

मेको एज्रा बेबीलोन रागी रे जाक्‍त। मोसा रे पा गेशो, परमप्रभु यावे, इस्राएली आन परमप्रभु आ अरेशो लोव़ जोक्‍ब तुइक्‍ब बाक्‍त। मिनु पिपमी आ पुंइशो नेल्‍ल गेप्‍तु। मारदे हना आ परमप्रभु यावे आ गुइ मेको आ तारी बाक्‍त। एज्रा ८:१८-२२; नेहेम्‍याह २:८

एज्रा 7:9

मिनु ङोंइती ङा महिना ङा ङोंइती ङा नाक्‍तीमी बेबीलोन रागी रे यरूसलेम लचा गोम्‍तेक्‍म। मिनु मेकोपुकी ५ महिना ङा ङोंइती ङा नाक्‍तीमी यरूसलेम जाक्‍तेक्‍म। मारदे हना परमप्रभु यावे, आ परमप्रभु आ शिशी पतीक गुइ मेको आन तारी बाक्‍त।

एज्रा 8:1

पिप आरता-सास्‍तमी सासन पवा ना बेबीलोन रे गो नु लाइब खिं खिं ङा ठेयब मुर आन नें ब्रेक्‍तीकेम ब्रेक्‍शो सु सु बाक्‍तेक्‍म देंशा हना, एज्रा ७:१,७

एज्रा 8:15

गो मेको मुर नेल्‍ल आन कली अहावा गे लाइब खोला आ नेक्‍थाम पुक्‍ताक्‍मी। मिनु गो मेकेर नाक्‍त सां सम्‍म बाक्‍तीक सेल्‍शा बाक्‍तक। मिनु गो मुर नु चढ़ेब आन कली कोव़ङुमीनु, लेवी आ चच युइ काइ मबाक्‍म।

एज्रा 8:18

आंइ परमप्रभु आ शिशी पतीके गुइ आंइ तारी बाक्‍त। मारदे हना मेकोपुकीमी जोक्‍ब तुइक्‍ब मुर का चाक्‍तेक्‍म। मेको इस्राएल आ तौ लेवी आ तौ माहली आ चच युइ शेरेब्‍याह माइश्‍शो मुर बाक्‍त। मेको आ तौपुकी नु आ लोक्‍ब नेल्‍ल पा १८ जना वोंइश मुर चाक्‍तेक्‍म। एज्रा ७:६

एज्रा 9:9

गो वाइलीम वाइल बाक्‍तक हना यो, आंइ परमप्रभुमी आंइ कली मप्रोंइशो बाक्‍ब। पारसी रागी ङा पिप आ ङोंइती इन गेना हना यो दाक्‍तीके कोंइशो बाक्‍तीनी। आंइ कली नक ब्रोंइचा गेशा, आंइ परमप्रभु आ खिं लेंशा सेल्‍चा कली नु ब्रेश्‍शो नेल्‍ल लेंशा सेल्‍चा कली नु यहूदा नु यरूसलेम एर ओंथ गारो प्रोव़चा गेतीनी।

नेहेम्‍याह 1:11

परमप्रभु, इन नोफा दाइक्‍तीन। मिनु इन नें कली मान पचा दाक्‍ब इन वाइल आन पुंइशो लोव़ यो नेनीन। मुलाक्‍ती आं पुंइशो खपीन। पिप आ ङोंइती गो शिशी तङल” दे पुंइता। मेना गो पिप कली तूचा गेब आन ठेयब मुर बाक्‍ती।

नेहेम्‍याह 2:8

मिनु परमप्रभु यावे आ खिं आ नेक्‍था ङा बोल्‍यो खिं कली लाप्‍चो कली, सहर ङा गारो ङा ठेयब लाप्‍चो आन कली, नु आं बाक्‍तीक खिं कली शी माल्‍नुङ। इन ब्‍वाकी कोव़ब आसाफ कली आं माल्‍शो शी गेचा, दे यो ब्रेक्‍स का ब्रेक्‍शा गेयीनी” दे पुंइता। मिनु पिपमी आं पुंइशो नेल्‍ल गेती। मारदे हना आं परमप्रभु आ शिशी आं तारी बाक्‍त। एज्रा ७:६

भजन संग्रह 109:12

सुइमी मेको कली शिशी मकोंइदमेक्‍ल। आ तमी तौ आन कली यो शिशी मपामेक्‍ल।

योना 3:7

मिनु पिप नु आ मुरपुकीमी निनवे ङा मुर आन कली “मुरपुकी नु बस्‍तु भावमी मारेइ मजामेक्‍ल, मतूङमेक्‍ल। बी ब्‍यफ, क्‍यारश भेडा आन कली यो मयोव़ङमेक्‍ल, ब्‍वाक्‍कु मतुंइदमेक्‍ल।