एज्रा 7:26 - Sunuwar Bible

²⁶ इ परमप्रभु आ लोव़ मटीब नु पिप आ अरेशो मटीब, नेल्‍ल आन कली सजाइ गेचा माल्‍नीम। मेको आन कली साइक्‍चा पुंइसीचा ङा, रागी रे तिल्‍चा पुंइसीतीके, मेको आन शोंप नेल्‍ल रोइक्‍चा पुंइसीतीके नु चोक्‍चा पुंइसीतीके, मार सजाइ हना यो गेचा माल्‍नीम” दे ब्रेक्‍शो बाक्‍त।

एज्रा 7:26 ပူးပေါင်းရင်းမြစ်များ

२ इतिहास 30:12

परमप्रभु यावेमी यहूदा ङा मुर यो थुं का दुम्‍पदा बाक्‍त। मिनु मेकोपुकीमी पिप नु सरकार ङा ठेयब मुर आन कली देंशो, परमप्रभु यावे आ लोव़ खोदेंशो पा पामे बाक्‍त।

एज्रा 10:4

मिनु मुल बोक्‍कीन। एको गेय नेल्‍ल इन के बाक्‍ब। गो इन कली वारच पाइनीकी। मोपतीके थुं बारपाइश्‍शा गेय पने” देंत।

एज्रा 10:8

मिनु हुकुम पाइब नु खाल्‍पापुकीमी “सुइ मुर नाक्‍त सां सम्‍ममी मजाक्‍त हना, मेको आ शोंप नेल्‍ल रोइक्‍चा पुंइसीब। मिनु लेश्‍शा जाक्‍शो ग्‍याइश्‍शा लाइक्‍चा पुंइसीब आन दाते रे तिल्‍चा पुंइसीब” दे यहूदा नु यरूसलेम ङा तेइ तेइ लोव़ सोइक्‍ताक्‍म।

एज्रा 6:11

मेको प्रोंइशा यो गो एको हुकुम गे‍नन्‍नी सुमी एको आं अरेशो लोव़ फाइक्‍बा, मेको आ खिं ङा थाम का ग्रुंइशा, मेको थाममी क्‍युक्‍‍चा पुंइसीब। मिनु मोशो ला ममाइ, आ खिं यो प्रेश्‍शा गेचा पुंइसीब।

एज्रा 6:12

परमप्रभुमी आ नें तुइक्‍पाइक्‍चा कली यरूसलेममी आ बाक्‍तीक सेल्‍पाइश्‍शो बाक्‍त। परमप्रभुमी आ हुकुम फाइक्‍ब नु यरूसलेम आ खिं प्रेप्‍ब पिप नेल्‍ल नु अरु मुर, सु बाक्‍तेक्‍म हना यो, मेको आन कली खतम पोक्‍गल। गो पिप दाराम हुकुम पाता। मेको रीब पा पचा माल्‍नीम” दे हुकुम पाप्‍तु।

भजन संग्रह 52:5

परमप्रभुमी थमा पा इन कली गेना हना यो कली खतम सेल्‍ब। मेकोमी इन कली इन बाक्‍तीके रे कीशा, ग्रुंइब। मिनु मेकोमी इन कली ब्रोंइशा बाक्‍तीक रागी रे इन शाक्‍श सुन्‍दा उइश्‍शा, ताइक्‍ब। ठेयब सेंदा पा।।

दानीएल 6:26

आं राज्‍य ङा मुर नेल्‍लेमी दानीएल आ परमप्रभु कली मान पा हिंचा माल्‍नीम। मारदे हना मेको गेना हना यो ब्रोंइशा बाक्‍ब परमप्रभु बाक्‍ब। मेको आ राज्‍य गेना हना यो लीब। मिनु आ अधिकार गेनायो मनुप्‍ब।

ब्‍यवस्‍था 27:26

मिनु “सु मुरुमी एको अरेशो लोव़ नेल्‍ल खाप्‍शा मपाइब, मेको मुर सराप राइब” देंतेक्‍म। मिनु मुर नेल्‍लेमी “आमेन, मोदेंशो दुम्‍ल” देंचा माल्‍नीम। गलाती ३:१०