एज्रा 7:21 - Sunuwar Bible

²¹ गो, पिप आरता-सास्‍तमी, युफ्रेटीस आइक्‍ची हांबु ङा रागी ङा क्‍येट कोव़शा वोइक्‍ब आन कली हुकुम गेतामी। नेल्‍ल आन कली ‘स्‍वर्ग ङा परमप्रभु आ अरेशो लोव़ जोक्‍ब तुइक्‍ब चढ़ेब एज्रामी इन कली मार पुंइतु हना यो, रीब पा गेने।

एज्रा 7:21 ပူးပေါင်းရင်းမြစ်များ

एज्रा 4:16

मिनु गो पिप इन कली मार लोव़ तुइक्‍पाइक्‍चा दाक्‍नीकी देंशा हना, एको सहर लेंशा सेल्‍तेक्‍म हना, नु मेको आ एर ओंथ ङा गारो प्रोव़ने थुम्‍तेक्‍म हना, युफ्रेटीस आइक्‍ची हांबुम इन के मारेइ अधिकार मलीब” दे ब्रेक्‍शो बाक्‍त।

एज्रा 4:20

यरूसलेममी सासन पाइब सक्ति पाइश्‍शो पिपपुकी बाक्‍तेक्‍म। मेकोपुकीमी युफ्रेटीस आइक्‍ची हांबु ङा रागी नेल्‍ल अधिकारम वोइश्‍शो बाक्‍तेक्‍म। मिनु मुरपुकीमी पिप कली थाप्‍तीके, आन चेम्‍शो रे थाप्‍तीके नु आन रू ङा थाप्‍तीके नेल्‍ल थाप्‍शो बाक्‍तेक्‍म।

एज्रा 6:6

मिनु पिप दारामी “युफ्रेटीस आइक्‍ची हांबु ङा रागीमी हुकुम पाइब तत्तेनाइ, शेथार-बोजे‍नाइ नु इन गेय पाइबपुकी नु युफ्रेटीस आइक्‍ची हांबुम बाक्‍ब सोइश्‍शो नेल्‍ल इन कली

एज्रा 7:1

मिनु मेको नोले, पारसी रागी ङा पिप आरता-सास्‍तमी सासन पची ना, सेरायाह आ तौ एज्रा बेबीलोन रे कुत। मेको सेरायाह आ आफ अजारयाह बाक्‍‍त। अजारयाह आ आफ हिल्‍‍कीयाह बाक्‍त। १इतिहास ५:३९-४०

एज्रा 7:22

सहे का टलेन्‍ट चांदी, सहे का कोर चेरब, सहे का बाथ अङगुर शांबु, सहे का बाथ तेल नु हिक्‍सी दोशो माल्‍नीमी मोशो गेन। टलेन्ट का ३४ किलो बाक्‍ब। कोर का २२० लिटर, ठेयब पुक्‍तीके बाक्‍ब। बाथ का २२ लिटर बाक्‍ब।

एज्रा 7:6

मेको एज्रा बेबीलोन रागी रे जाक्‍त। मोसा रे पा गेशो, परमप्रभु यावे, इस्राएली आन परमप्रभु आ अरेशो लोव़ जोक्‍ब तुइक्‍ब बाक्‍त। मिनु पिपमी आ पुंइशो नेल्‍ल गेप्‍तु। मारदे हना आ परमप्रभु यावे आ गुइ मेको आ तारी बाक्‍त। एज्रा ८:१८-२२; नेहेम्‍याह २:८

एज्रा 8:36

मेकोपुकीमी पिपमी ब्रेक्‍शा अरेशो लोव़ युफ्रेटीस आइक्‍ची हांबु ङा रागी ङा पिप आ गेय पाइब नु हुकुम पाइब आन कली गेम्‍तेक्‍म। मिनु मेकोपुकीमी मुर आन कली नु परमप्रभु आ खिं कली ठेयब वारच पाइक्‍तेक्‍म।

नेहेम्‍याह 2:7

मिनु गोमी पिप कली “गे रिम्‍शो लाक्‍नीनी हना, युफ्रेटीस ठेयब खोला आ आइक्‍ची हांबुमी सासन पाइब मुर आन कली, आं कली यहूदा रागी सम्‍म ग्रीशा लचा गेचा कली ब्रेक्‍स का ब्रेक्‍शा गेयीनी।

भजन संग्रह 119:4

गे इन ब्रेक्‍शा अरेशो आंइ कली होस पा पचा कली गेशो बाक्‍तीनी।

दानीएल 6:26

आं राज्‍य ङा मुर नेल्‍लेमी दानीएल आ परमप्रभु कली मान पा हिंचा माल्‍नीम। मारदे हना मेको गेना हना यो ब्रोंइशा बाक्‍ब परमप्रभु बाक्‍ब। मेको आ राज्‍य गेना हना यो लीब। मिनु आ अधिकार गेनायो मनुप्‍ब।