एज्रा 7:13 - Sunuwar Bible

¹³ गो हुकुम का गे‍न‍न। मार हुकुम गे‍न‍न देंशा हना, आं रागीम बाक्‍शो इस्राएल ङा मुर, चढ़ेबपुकी नु लेवीपुकी यरूसलेममी सु सु लचा दाक्‍नीमी, मेको गे नु लने चाप्‍नीम।

एज्रा 7:13 ပူးပေါင်းရင်းမြစ်များ

२ इतिहास 30:5

मिनु मेकोपुकीम दक्‍खिन ङा बेयर-शेबा रे उत्तर ङा दान सम्‍म ङा इस्राएली नेल्‍ल आन कली परमप्रभु यावे, इस्राएली आन परमप्रभु आ पर्बम पास्‍सा चाड मानेचा कली यरूसलेमम जाक्‍चा माल्‍मा बाक्‍त। एको क्‍येङा ङोंइती इश्‍का मुर दुम्‍शा, एको चाड ममानेशो बाक्‍‍मा बाक्‍त।

एज्रा 1:3

मिनु इन दातेमी सु सु परमप्रभु आ मुर बाक्‍नीमी, मेको नु परमप्रभु बाक्‍ल। मिनु मेको मुरपुकी इर लशा, यहूदा रागी ङा यरूसलेममी बाक्‍ब परमप्रभु यावे, इस्राएली आन परमप्रभु आ खिं सेलीन।

एज्रा 5:13

तन्‍न बेबीलोन ङा पिप कोरेसमी आ सासन पशो ङोंइती ङा बर्समी एको परमप्रभु आ खिं लेंशा सेल्‍चा कली हुकुम गेशो लोव़ ब्रेक्‍शा ग्रुंइशो बाक्‍त। एज्रा १:१-२

एज्रा 6:1

मिनु बेबीलोन रागीमी पिप दारामी सासन पा मार मार ब्रेक्‍स वोइक्‍तीकेमी पिप आन ब्रेक्‍स माल्‍तेक्‍म।

एस्‍तर 3:15

पिपम मेको लोव़ चोव़थ लाइक्‍ब आन कली रीब रीब पा सोइक्‍ताक्‍व। मिनु सुसा दरवारमी यो मेको लोव़ ब्रपाइक्‍तेक्‍म। मो पामे नोले पिप नु हामान तूचा कली निस्‍साक्‍स। तन्‍न सुसा सहरम चहिं खाल बाल बोक्‍त।

एस्‍तर 9:14

मिनु पिपमी “मोदेंशोन पामेक्‍ल” दे हुकुम पाप्‍तु। मिनु सुसा सहरमी पिप आ हुकुम खोदेंशो पा, हामान आ साइश्‍शो तौ नेल्‍ल आन कली थामम क्‍युक्‍तेक्‍म।

भजन संग्रह 110:3

गे लडाइ पनी नाक्‍ती इन मुर आन थुंम ग्‍येरशा इन नोले खोइक्‍नीम। सुनी ङा सीत खोदेंशो पा इन रागी ङा ठिटापुकी खुम्‍सीशा इन नेक्‍था जाक्‍नीम।

भजन संग्रह 148:6

मेकोमी मेको आन कली गेना हना यो बाक्‍मल, दे वोइक्‍तु। मिनु मेकोमी मेको आन कली अरेवानु, आन बाक्‍तीकेम बाक्‍शा टिम्‍तेक्‍म।

दानीएल 6:26

आं राज्‍य ङा मुर नेल्‍लेमी दानीएल आ परमप्रभु कली मान पा हिंचा माल्‍नीम। मारदे हना मेको गेना हना यो ब्रोंइशा बाक्‍ब परमप्रभु बाक्‍ब। मेको आ राज्‍य गेना हना यो लीब। मिनु आ अधिकार गेनायो मनुप्‍ब।

फिलिप्‍पी 2:13

मारदे हना परमप्रभु यावेमी इन थुंमी गेय पाइब। मार गेय पाइब देंशा हना, आ दाक्‍शो पचा, दे इन कली दाक्‍ब थुं गेशा, गेय पपाइक्‍ब। फिलिप्‍पी १:६

प्रकाश 22:17

मिनु परमप्रभु यावे आ सोक्‍त नु ग्‍युम्‍लीमी मुर आन कली “पिने” देंनीस। मिनु सु सुमी मेको लोव़ नेंनीमी, मेकोमी यो “पिने” देंमल। सु सु तूतू दाक्‍नी, पिने। मिनु ब्रोंइचा गेब ब्‍वाक्‍कु मोशा तूङीन। यसैया ५५:१; यूहन्‍ना ७:३७