एज्रा 6:5 - Sunuwar Bible

⁵ पिप नेबुकदनेसरमी यरूसलेम ङा परमप्रभु आ खिं रे ग्रुंइशा बेबीलोन सहरम चाक्‍शो सुन नु चांदी के बोसपुकी यो लेंशा ङोंइती ङा आन बाक्‍तीक उइ वोइक्‍चा। मेको नेल्‍ल यरूसलेममी परमप्रभु आ खिंमी लाइश्‍शा वोइक्‍चा नम” दे ब्रेक्‍शो बाक्‍त।

एज्रा 6:5 ပူးပေါင်းရင်းမြစ်များ

२ राजा 24:13

मेकोमी परमप्रभु यावे आ खिं ङा शोंप नु पिप आ खिं ङा शोंप नेल्‍ल लदा बाक्‍त। मेकोमी सोलोमनम सेल्‍शो परमप्रभु यावे आ खिं ङा सुन के बोस ख्रोइश्‍शा लदा बाक्‍त। मोपा परमप्रभु यावे आ देंशो लोव़ गाम्‍माक्‍त। २राजा २०:१७

२ इतिहास 36:10

मिनु बर्खा जाक्‍चावानु, पिप नेबुकदनेसरम मुर सोइश्‍शा परमप्रभु यावे आ खिं ङा रिम्‍शो रिम्‍शो ग्‍योंबपुकी नु मेको पिप कली बेबीलोनम चाक्‍पदा बाक्‍त। मिनु मेकोमी मेको पिप आ खिं ङा मुर का सिदकीयाह कली यहूदा नु यरूसलेम ङा पिप सेला बाक्‍त। येरमीया २२:२४-३०

२ इतिहास 36:18

मिनु मेकोमी परमप्रभु आ खिं ङा आइक्‍च ठेयब ग्‍योंब नेल्‍ल, मेकेर ङा शोंप नु दरवार नु सरकार ङा गेय पाइब आन खिं ङा शोंप नेल्‍ल बेबीलोन लदमे बाक्‍त।

एज्रा 5:14

नेबुकदनेसरमी यरूसलेम ङा सुन नु चांदी के बोसपुकी परमप्रभु आ खिं रे लाइश्‍शा बेबीलोन ङा मन्‍दीरम वोइश्‍शो बाक्‍त। मिनु पिप कोरेसमी मेको बोसपुकी बेबीलोन ङा मन्‍दीर रे ग्रुंइशा शेश-बस्‍सार कली गेप्‍तु। पिप कोरेसमी शेश-बस्‍सार कली सासन पचा कली योव़शो बाक्‍त’। एज्रा १:७-८

येरमीया 27:16

मिनु गो चढ़ेब नु मेको मुर नेल्‍ल आन कली “परमप्रभु यावेमी ‘गेपुकी इन कली जोल पा आं लोव़ पाइब आन लोव़ मनेनीन। मेकोपुकीमी परमप्रभु यावे आ खिं ङा ग्‍योंब नु बो‍सपुकी रीब पा बेबीलोन रे चाक्‍सीब’ देंनीम। मेकोपुकीमी इन कली जोल पा नोले दुम्‍ब लोव़ पाइनीम। येरमीया २८:३; २इतिहास ३६:१०

येरमीया 52:19

पिप कली खाल पाइब आन कप्‍तानम सुन नु चांदीम सेल्‍शो आइक्‍च लोटापुकी, कोइला कुर पतीक, बोसपुकी, बत्ती दा‍तीकपुकी, डाडु, तूचा थोव़क चढ़ेशोनु माल्‍तीक बोसपुकी नेल्‍ल लाइक्‍तु। १राजा ७:१५-३७

दानीएल 1:2

मिनु परमप्रभुमी यहूदा ङा पिप येहो-याकीम कली ब्रुपाइक्‍तु। मिनु परमप्रभुमी आ खिं ङा बोस का निक्‍शी यो मेको कली गेप्‍तु। मिनु नेबुकदनेसरमी मेको बोसपुकी शिनार रागीमी लाइश्‍शा, आ देवता आ खिं ङा मार मार शोंप वोइक्‍तीके कोठाम वोइक्‍तु। शिनार रागी बेबीलोन रागी बाक्‍ब। उत्‍पत्ती ११:२

दानीएल 5:2

मिनु मेको पिप शांबुमी दुक्‍शा “आं आफ नेबुकदनेसरमी यरू‍सलेम सहर ङा परमप्रभु आ खिं रे चाक्‍शो सुन नु चांदी के बोसपुकी एक चाक्‍कीन। गो, आं राज्‍य ङा ठेयब अधिकार ताइबपुकी, आं ग्‍युंबे पशो मीशपुकी नु आं अरु चाक्‍शो मीशपुकी गारशा, मेको बोसम तूनीकी” देंत। दानीएल १:२; २इतिहास ३६:१०; एज्रा १:७-११