एज्रा 6:20 - Sunuwar Bible

²⁰ चढ़ेब नु लेवी नेल्‍लेमी आंम आन कली ठीक सेल्‍सीशो बाक्‍तेक्‍म। मेको नेल्‍ल परमप्रभु कली गेय पचा कली ठीक दुम्‍शो बाक्‍तेक्‍म। मेकोपुकीमी लेश्‍शा जाक्‍शो ग्‍याइश्‍शा लाइक्‍चा पुंइसीब, चढ़ेब आन लोक्‍ब आन कली नु आंम आन कली पास्‍सा चाड ङा पाठा क्‍योरतेक्‍म।

एज्रा 6:20 ပူးပေါင်းရင်းမြစ်များ

२ इतिहास 29:34

तन्‍न चढ़ेबपुकी इच्‍का ला बाक्‍तीके मेको चोशा चढ़ेशो नेल्‍ल आन कुशुल उक्‍ने मचाप्‍‍मे बाक्‍त। मोपतीके मेको आन लोक्‍ब लेवीपुकीम मेको गेय नेल्‍ल मनुम्म सम्‍म नु अरु चढ़ेबपुकीम आंम कली परमप्रभु यावे आ ङोंइती ठीक मसेल्‍मे सम्‍म वारच पामे बाक्‍त। मारदे हना आंम कली परमप्रभु यावे आ ङोंइती ठीक सेल्‍चामी चढ़ेब आन क्‍येङा लेवीपुकी थम होस पाइक्‍बाक्‍मा बाक्‍त। २इतिहास ३:३,१६,१७

२ इतिहास 35:11

मिनु मेकोपुकीम पास्‍सा चाड ङा पाठा क्‍योरमे बाक्‍त। मिनु लेवीपुकीम गेशो हुश चढ़ेबपुकीम ताक्‍शा, चढ़ेतीकेम ब्रुइक्‍तमे बाक्‍त। मिनु लेवीपुकीम चहिं मेको आ कुशुल उक्‍ग्‍मे बाक्‍त।

२ इतिहास 35:14

मेको नोले आंम कली नु चढ़ेब आन कली जचा थोव़क ठीक पामे बाक्‍त। हारून आ खिं ङा चढ़ेबपुकी नाक्‍दो सम्‍मन चोशा चढ़ेतीक नु बोंसो चढ़ेतीक गेय पचा माल्‍मा बाक्‍त।

२ इतिहास 35:15

दाऊद आ देंशो खोदेंशो पा आसाफ आ चच युइ कुम्‍सो पाइबपुकी आसाफ, हेमान नु पिप कली परमप्रभु यावे आ लोव़ पाइब येदुथून आन बाक्‍तीकेम बाक्‍मा बाक्‍त। पिप दाऊदम देंशो खोदेंशो पा मेकोपुकीम पामे बाक्‍त। लाप्‍चो खाल पाइबपुकीमी आन गेय प्रोंइचा ममाल्‍मा बाक्‍त। मारदे हना आन लोक्‍ब लेवीपुकीम मेको आन कली जचा थोव़क चाक्‍शा गेमे बाक्‍त। १इतिहास २५:-; १इतिहास २६:१-९

प्रस्‍थान 12:21

मिनु नोले मोसामी इस्राएल ङा खाल्‍पा नेल्‍ल आन कली ब्रेश्‍शा “इन खिं ङा ठेयब मुर आन कली पाठा का का चाक्‍कीन। मिनु मेको पाठा पास्‍सा चाड मानेचा कली क्‍योरीन।

हिब्रू 7:27

अरु चढ़ेबपुकीमी नाक्‍त किंत किंत ङोंइती आन पशो पाप, नोले मुर आन पशो पाप क्‍याम्‍चा कली चढ़ेशो खोदेंशो पा आं पचा ममाल्‍द। कालेमीन आ रां चढ़ेशा, मुर नेल्‍ल आन पाप क्‍याम्‍ने थुम्‍तु। लेवी ९:७; लेवी १६:६,१५