एज्रा 5:17 - Sunuwar Bible

¹⁷ मोपतीके मुल पिप, गे दाक्‍नीनी हना, बेबीलोन ङा पिप आन पालामी मार मार दुम्‍शो बाक्‍मे, मेको ब्रेक्‍स वोइक्‍तीकेमी माल्‍पतीन। मिनु पिप कोरेसमी यरूसलेममी परमप्रभु आ खिं लेंशा सेल्‍चा कली हुकुम पशो लोव़ ब्रेक्‍शा ग्रुंइशो बाक्‍म कों मबाक्म? मिनु मेको आ पर्बम इन दाक्‍शो मार बाक्‍बा, मेको आंइ कली तुइक्‍पतीन, दे ब्रेक्‍शो बाक्‍त। एज्रा ८:३६

एज्रा 5:17 ပူးပေါင်းရင်းမြစ်များ

एज्रा 4:15

इन किकी पिपीमी ब्रेक्‍शा वोइश्‍शो ब्रेक्‍स माल्‍शा, कोव़ङीन। मेकेर मार ब्रेक्‍शो बाक्‍मे थित्‍नीनी। मेको सहरम काइ मटीब मुर बाक्‍नीम। मेकोपुकी पिप नु रागी कली मरिम्‍शो पाइब बाक्‍नीम। मोपतीके एको सहर कली खतम पोक्‍शो बाक्‍त।

एज्रा 4:19

मिनु गे इन देंशो खोदेंशो पा ब्रेक्‍शा वोइश्‍शो लोव़पुकी माल्‍पाइक्‍तामी। मिनु मार थिंसाक्‍व देंशा हना, मेको सहर ङा मुरुमी पिप आ सासन पतीकेमी मटिशो आ पर्बम शुश लोव़पुकी ब्रेक्‍शा वोइश्‍शो थिंसाक्‍व। मिनु साइ रे मोदेंशो मटितीके, पना पन पिशो बाक्‍तेक्‍म।

हितोपदेस 25:2

परमप्रभुमी का निक्‍शी लोव़ ख्रुइश्‍शा आ सक्ति कोंइब। तन्‍न पिपमी नेल्‍ल तुइक्‍पाइश्‍शा, आ सक्ति ठेयब सेल्‍ब।