एज्रा 4:4 - Sunuwar Bible

⁴ मिनु नोले मेको रागी ङा मुरपुकीमी यहूदी आन कली आन थुं तोक्‍शा गेम्‍तेक्‍म। मिनु मेको खिं मसेल्‍पाइक्‍‍चा कली हिंच कोंइताक्‍म।

एज्रा 4:4 ပူးပေါင်းရင်းမြစ်များ

२ सामुएल 4:1

सावल आ तौ इश-‍बोशेथम हेब्रोनम आब्‍नेर साइश्‍शो लोव़ नेंशा आ थुं लुक्‍च लमाक्‍त। मिनु इस्राएली नेल्‍ल हिंशा ग्‍येत्‍थ लुक्‍च दुम्‍मा बाक्‍त। २सामुएल ३:२७

एज्रा 3:3

मेकोपुकीमी चढ़ेतीक ङोंइती ते बाक्‍मे मेकेर लेंशा चढ़ेतीक सेल्‍‍‍तेक्‍म। मारदे हना मेको आन एर ओंथ ङा अर्को जात ङा मुर आन कली तशा हिंशा, सुनी नु नाक्‍नाक्‍दो परमप्रभु यावे कली चढ़ेतीकेम चोशा चढ़ेतीक चढ़ेम्‍तेक्‍म।

एज्रा 4:5

मिनु यहूदी आन गेय नेल्‍ल क्‍याम्‍पाइक्‍चा कली, मेकोपुकीमी दरवार ङा ठेयब मुर आन कली घूस गेम्‍तेक्‍म। मिनु मेकोपुकीमी पिप कोरेस आ सासन पची ना रे पारसी ङा पिप दारा आ सासन पची ना सम्‍म मोदेंशो गेय पना पन बाक्‍तेक्‍म। एज्रा ४:२४

नेहेम्‍याह 4:11

मिनु आंइ जोरी सत्रुपुकीमी “मेको आन मतुइक्‍थु, मतथु, मेको आन दातेमी जाक्‍दीश्‍शा, मेको आन कली साइश्‍शा, आन गेय थुम्‍पाइय्‍य” देंमुमा बाक्‍त।

नेहेम्‍याह 4:2

मिनु मेकोमी यहूदी आन पर्बम शुक्‍शी पा, आ लोक्‍बपुकी नु सामरीया ङा लडाइ पाइब आन ङोंइती “एको मारेइ सोक्‍त मपाइश्‍शो यहूदीपुकीमी मार पना पन बाक्‍नीमी? मार, मेकोपुकीमी आन गारो लेंशा प्रोव़ने चाप्‍नीमी? मार, मेकोपुकीमी चढ़ेनीमी? मार, मेकोपुकीम काबुमी थुम्‍नीमी? मेको मीम दुप्‍शो फुल्‍लुम गारो प्रोव़ने चाप्‍नीमी ङा?” दे लोव़ पाप्‍तु।

नेहेम्‍याह 6:9

मिनु मेको नेल्‍लेमी आंइ कली हिंच कोंइचा माल्‍तेक्‍म। मेकोपुकीमी “एको गारो प्रोव़चा प्रोंइनीम। मथुम्‍नीम” दे मिम्‍त्‍मे बाक्‍त। मिनु गो “परमप्रभु, आं थुं बारपतीन” दे पुंइता।

येरमीया 38:4

मिनु ठेयब मुरपुकीम पिप कली “एको मुर कली साइक्‍चा माल्‍ब। मारदे हना एकोमी ओदेंशो लोव़ पा, एको सहरमी लीशो लडाइ पाइब नु मुर नेल्‍ल आन थुं लुक्‍च लपाइश्‍शो बाक्‍ब। एको मुरुम मुर आन कली रिम्‍शो ममाइ मरिम्‍शो प‍चा दाक्‍ब” देंतेक्‍म।

दानीएल 10:13

तन्‍न पारसी राज्‍य कली कोव़ब सैतान आ गेय पाइबमी गो नु २१ नाक्‍त सम्‍म लडाइ पा तेक्‍ती। मिनु परमप्रभु यावे आ स्‍वर्ग ङा ठेयब गेय पाइब मिकाएल जाक्‍शा, आं कली वारच पाइक्‍ती। मिनु गो जाक्‍चा ताता। यसैया २४:२१

दानीएल 10:20

मिनु मेकोमी “गो इ बाक्‍तीकेम मारदे जाक्‍ङा, तुइक्‍नेवे? गो पारसी राज्‍य कली कोव़ब सैतान आ गेय पाइब नु लडाइ पचा कली लेत्‍चा माल्‍नुङ। गो ग्राङा नोले ग्रीस रागी ङा सैतान आ गेय पाइब जाक्‍ब।