एज्रा 4:3 - Sunuwar Bible

³ तन्‍न जेरूब-बाबेल, येशुआ नु इस्राएली आन लीशो खिं खिं ङा ठेयब मुरपुकीमी मेको आन कली “एको खिं गो इस्राएली आंइ परमप्रभु कली सेल्‍नीकी। एकेर गे इन पचा माल्‍शो मारेइ मबाक्‍ब। पारसी ङा पिप कोरेसमी आंइ कली अरेशो खोदेंशो पा, गो आंइ परमप्रभु यावे, इस्राएली आन परमप्रभु आ खिं आंमान सेल्‍नीकी” दे माइक्‍तेक्‍म।

एज्रा 4:3 ပူးပေါင်းရင်းမြစ်များ

२ इतिहास 36:22

मिनु पारसी ङा पिप कोरेसमी पिप पवा आ ङोंइती ङा बर्सम येरमीया आ देंशो परमप्रभु यावे आ लोव़ गाप्‍चा कली परमप्रभु यावेम पारसी ङा पिप आ थुंमी लोव़ पवा बाक्‍त। मिनु मेकोमी आ ठेयब राज्‍य नेल्‍लेम लोव़ पा ब्रेक्‍शा, उरदी पपदा बाक्‍त। येरमीया २९:१०; यसैया ४४:२८

एज्रा 1:1

पारसी रागीमी पिप कोरेस आ ङोंइती ङा बर्समी परमप्रभु यावेमी येरमीया रे पा देंशो लोव़ खाप्‍चा कली पिप कोरेस आ थुं क्‍युक्‍गा बाक्‍त। मिनु मेको पिपमी आ राज्‍य नेल्‍लेमी मेको लोव़ नेंपाइक्‍चा कली ब्रेक्‍पदा बाक्‍त। यसैया ४५:१; यसैया ४४:२८

एज्रा 1:2

मिनु पारसी ङा पिप कोरेसमी मार लोव़ ब्रेक्‍पदा बाक्‍त देंशा हना “परमप्रभु यावे, स्‍वर्ग ङा परमप्रभुमी, रागी ङा राज्‍य नेल्‍ल आं कली गेशो बाक्‍ब। मिनु मेकोमी आं कली ‘यहूदा रागी ङा यरूसलेममी आं खिं सेलो’ दे माइक्‍ती।

एज्रा 1:3

मिनु इन दातेमी सु सु परमप्रभु आ मुर बाक्‍नीमी, मेको नु परमप्रभु बाक्‍ल। मिनु मेको मुरपुकी इर लशा, यहूदा रागी ङा यरूसलेममी बाक्‍ब परमप्रभु यावे, इस्राएली आन परमप्रभु आ खिं सेलीन।

एज्रा 3:8

मिनु मुरपुकी यरूसलेममी बाक्‍शो परमप्रभु आ खिं जाक्‍शो बर्स निक्‍शी नु महिना निक्‍शी दुम्‍माक्‍त। मिनु शाल्‍तीएल आ तौ जेरूब-बाबेल, योसादाक आ तौ येशुआ नु मेको आस लीशो लोक्‍ब, चढ़ेबपुकी, लेवीपुकी नु बेबीलोन रे लेश्‍शा यरूसलेम जाक्‍ब नेल्‍लेमी परमप्रभु आ खिं लेंशा सेल्‍चा गोम्‍तेक्‍म। मिनु परमप्रभु यावे आ खिं सेल्‍तीक गेय कोव़चा कली २० बर्स जाक्‍दीश्‍शो नु मेको क्‍येङा लाक्‍शो लेवी आन कली योव़शा वोइक्‍तीमी।

नेहेम्‍याह 2:20

मिनु गो मेको आन कली “स्‍वर्गम बाक्‍ब परमप्रभुमी आंइ कली गारो सेल्‍चा गेब। मिनु गो परमप्रभु आ वाइलपुकीमी गारो प्रोव़नीकी। यरूसलेममी इन खिं मबाक्‍ब, एकेर मारेइ यो पशो मबाक्‍नीनी। मिनु इन कली ते खाइक्‍नी?” दे मेको आन कली माइक्‍ता‍मी।

यसैया 44:28

कोरेस आं गोठला बाक्‍ब। मेकोमी आं मिम्‍शो गेय पाइब। मेकोमी ‘यरूसलेम लेंशा सेल्‍चा माल्‍ब’ देंब। आं खिं आ पर्बम ‘नक जग सेल्‍नुङ’ ” देंत। २इतिहास ३६:२३; एज्रा १:१-४

यसैया 45:4

आं गेय पाइब, याकूब, आ योव़शो इस्राएल कली गो इ नें थिशा, ब्रेत्‍नुङ। गो इ कली ठेयब नें गेशा ब्रेत्‍ताक्‍ङ हना यो, गे आं कली मतुइक्‍ती।

मत्ती 10:16

भेडा आन कली फर आन दातेम सोइश्‍शो खोदेंशो पा सोइक्‍नन्‍नी। बुस्‍स खोदेंशो पा निप्‍स पाइश्‍शो दुमीने। मिनु परवा खोदेंशो दुम्‍शा, सुइ कली मरिम्‍शो मपने। लूका १०:३; रोमी १६:१९; एफिसी ५:१५

यूहन्‍ना 4:9

मिनु मीश मुरुमी “गे यहूदी ननी। गो चहिं सामरीया ङा नङ। मिनु आं गुइ रे दोपा ब्‍वाक्‍कु तूचा पुंइनीनी?” दे येसु कली मदा बाक्‍त। मारदे हना सामरी ङा मुर आन थिशो ब्‍वाक्‍कु यहूदीपुकीमी मतूबाक्‍मा बाक्‍त। सामरीया ङा मुरपुकी आइक्‍च जात ङा मुर नम। लूका ९:५२-५३

प्रेरित 8:21

गे मेको गेय पने मचाप्‍नेवे। मारदे हना इ थुं परमप्रभु यावे आ ङोंइती मरिम्‍शो बाक्‍ब।