एज्रा 4:23 - Sunuwar Bible

²³ मिनु रेहुम, ब्रेक्‍तीक गेय पाइब शिम्‍शाइ नु मेको नु गेय पाइब आन ङोंइती पिप आरता-सास्‍त आ ब्रेक्‍स पढेमे चोटीन रेहुम नु मेको नु बाक्‍ब छुल छाल बोक्‍शा दोरोर पा यरूसलेम लशा, मेकेर ङा यहूदी आन आन सेल्‍तीक गेय नेल्‍ल ग्रा ग्रु तेक्‍तेक्‍म।

एज्रा 4:23 ပူးပေါင်းရင်းမြစ်များ

एज्रा 4:17

मिनु पिपमी “आं सोइश्‍शो रेहुम, ब्रेक्‍तीक गेय पाइब शिम्‍शाइ नु सामरीया सहर नु आ एर ओंथ नु ठेयब खोला आइक्‍ची हांबु बाक्‍ब इन गेय पाइब आन कली ‘रिम्‍शो बाक्‍कीन’ दे ब्रेक्‍नुङ।

एज्रा 4:22

गेपुकीमी मेको आ पर्बम इन पचा माल्‍शो गेय हेंथे मपने। पिप आ गेय रिम्‍शो दुम्‍पाइक्‍चा कली मेको मरिम्‍शो गेय तेक्‍चा माल्‍ब” दे लोव़ कुरब मुर सोइक्‍ताक्‍व।

एज्रा 4:24

मे नोले यरूसलेममी परमप्रभु आ खिं सेल्‍तीक गेय देक्‍त। मिनु मोदेंशो पा पारसी ङा पिप दारा आ सासन पशो बर्स निक्‍शी जाक्‍दीम सम्‍म मेको सेल्‍तीक गेय देक्‍शा लीत।

एज्रा 4:7

मिनु बिश्‍लाम, मिथ्रेदाथ, ताबेल नु मेको आ वारच नेल्‍ल गारशा पारसी ङा पिप आरता-सास्‍त कली ब्रेक्‍स का ब्रेक्‍ताक्‍म। मेको ब्रेक्‍स अरामी आन लोव़मी ब्रेक्‍शो बाक्‍त। मिनु मेको आ अर्थ यो ब्रेक्‍शो बाक्‍त।

हितोपदेस 4:16

मारदे हना मेकोपुकी मरिम्‍शो मपामे सम्‍म इप्‍ने मचाप्‍नीम। मुर कली मथिपदमे सम्‍म निन्‍द्रा मपाइनीम। भजन संग्रह ३६:५; मीका २:१

मीका 2:1

आबी आबी, सु सुम आन ब्राख्‍येम गोल्‍शा पाप नु मरिम्‍शो पचा ला मिम्‍नीमी। मिनु नां सोव़म चोटीन मेको आन मिम्‍शो पाइनीम। मारदे हना मेको पने चाप्‍ब बाक्‍नीम।

रोमी 3:15

“मेकोपुकीमी मारेइ ममिम्‍थु मुर साइक्‍नीम।