एज्रा 4:20 - Sunuwar Bible

²⁰ यरूसलेममी सासन पाइब सक्ति पाइश्‍शो पिपपुकी बाक्‍तेक्‍म। मेकोपुकीमी युफ्रेटीस आइक्‍ची हांबु ङा रागी नेल्‍ल अधिकारम वोइश्‍शो बाक्‍तेक्‍म। मिनु मुरपुकीमी पिप कली थाप्‍तीके, आन चेम्‍शो रे थाप्‍तीके नु आन रू ङा थाप्‍तीके नेल्‍ल थाप्‍शो बाक्‍तेक्‍म।

एज्रा 4:20 ပူးပေါင်းရင်းမြစ်များ

उत्पत्ती 15:18

मेको नाक्‍ती परमप्रभु यावेमी अब्राम नु कबल पशा “मेको रागी इ चच युइ आन कली गेनुङ। मेको इजीप्‍त ङा ठेयब खोला रे युफ्रेटीस सम्‍म बाक्‍ब। उत्‍पत्ती १२:७; १राजा ८:६५; १राजा ५:१

१ राजा 4:21

सोलोमनम युफ्रेटीस खोला रे पलिस्‍ती आन रागी इजीप्‍त ङा सांद सम्‍म ङा राज्‍यम सासन पशो बाक्‍माक्‍त। मिनु मेको रागीम सोलोमन कली तिरो थाप्‍बाक्‍मा बाक्‍त। मिनु मेकोपुकी सोलोमन ब्रोंइम सम्‍म मेको आ गेय पाइब दुम्‍शा बाक्‍मा बाक्‍त। उत्‍पत्ती १५:१८

१ राजा 4:24

मारदे हना मेकोम युफ्रेटीस खोला आ पच्‍छिम गे ङा रागी तिफ्‍साह रे गाजा सम्‍म युफ्रेटीस खोला आ पच्‍छिम गे बाक्‍ब पिप नेल्‍ल आन कली सासन पशो बाक्‍माक्‍त। मेको आ राज्‍य नेल्‍ल लडाइ मदुम्‍थु थुं नाइश्‍शा बाक्‍शो बाक्‍मा बाक्‍त।

१ राजा 5:1

टायर ङा पिप हीराममी सोलोमन आ आफ आ पा ङा पिप दुम्‍शो बाक्‍ब देंशो लोव़ नेना बाक्‍त। मिनु मेकोमी आ गेय पाइब आन कली सोलोमन आ बाक्‍तीक सोइक्‍ता बाक्‍त। मारदे हना मेको गेना हना यो दाऊद आ वारच दुम्‍शा बाक्‍शो बाक्‍माक्‍त। २सामुएल ५:११

१ राजा 5:4

तन्‍न मुल परमप्रभु यावे, आं परमप्रभुमी आं कली सुइ नु लडाइ मपपाइक्‍थु, थुं नाइश्‍शा बाक्‍चा गेती। आं कली लडाइ तोशा श्‍येत गेब सुइ मबाक्‍नीम।

१ इतिहास 18:13

मिनु मेको आन रागीम ताम्‍बु कीङा बाक्‍त। मिनु एदोमी नेल्‍ल दाऊद आ सासनम दुम्‍मा बाक्‍त। मोपा दाऊद ते ते लमे, मेक मेक परमप्रभु यावेमी मेको कली ग्रापदा बाक्‍त।

१ इतिहास 18:3

मिनु दाऊदमी युफ्रेटीस खोला सम्‍म आ ग्राशो अधिकार ठीक वोइक्‍थ लमेनु, सोबाह ङा पिप हादादेजेर नु हमाथ सम्‍म लडाइ पवा बाक्‍त।

१ इतिहास 18:6

मिनु दाऊदम दमस्‍कस ङा अराम सहरम आ ताम्‍बु कीङा बाक्‍त। मिनु अरामीपुकी मेको आ सासनम दुम्‍शा मेको कली तिरो थाप्‍तमे बाक्‍त। मोपा दाऊद ते लत हना यो परमप्रभु यावेम मेको कली ग्रापदा बाक्‍त।

१ इतिहास 19:19

मिनु हादादेजेरम आ मुरपुकी इस्राएली आन क्‍येङा ब्रुशो तशा गारचा कली सल्‍ला पथ मुर सोइक्‍ता बाक्‍त। मिनु दाऊद कली जिम्‍मा गेसमा बाक्‍त। मोपतीके मेको नोले गेनायो अरामीपुकीम अम्‍मोनी आन कली वारच मपामे बाक्‍त।

२ इतिहास 17:11

पलिस्‍ती आन दातेमी का निक्‍शीमी येहो-शाफात कली आन गेचा माल्‍शो चांदी चाक्‍गमे बाक्‍त। मिनु अराबीपुकीमी यो मेको कली ७ हजार ७ सहे सांड नु ७ हजार ७ सहे बोका चाक्‍गमे बाक्‍त। १राजा ५:१

२ इतिहास 9:14

मेको प्रोंइशा, आ ग्‍याप्‍ब लेयबपुकीमी यो चाक्‍बाक्‍मा बाक्‍त। अराब रागी ङा पिपपुकी नु रागी रागी ङा सासन पाइबपुकीमी यो सोलोमन कली सुन नु चांदी चाक्‍बाक्‍‍मा बाक्‍त।

एज्रा 4:13

पिप इन कली मार लोव़ तुइक्‍पाइक्‍चा दाक्‍नीकी देंशा हना, मेको सहर कली लेंशा सेल्‍तेक्‍म नु मेको आ गारो प्रोव़ने थुम्‍तेक्‍म हना, मेकोपुकीमी पिप कली थाप्‍तीके, आन चेम्‍शो रे थाप्‍तीक नु आन रू ङा थाप्‍तीके मारेइ मथाप्‍नीम। मिनु मो पामेनु, पिप इन कली मरिम्‍शो दुम्‍ब।

एज्रा 4:16

मिनु गो पिप इन कली मार लोव़ तुइक्‍पाइक्‍चा दाक्‍नीकी देंशा हना, एको सहर लेंशा सेल्‍तेक्‍म हना, नु मेको आ एर ओंथ ङा गारो प्रोव़ने थुम्‍तेक्‍म हना, युफ्रेटीस आइक्‍ची हांबुम इन के मारेइ अधिकार मलीब” दे ब्रेक्‍शो बाक्‍त।

एज्रा 4:19

मिनु गे इन देंशो खोदेंशो पा ब्रेक्‍शा वोइश्‍शो लोव़पुकी माल्‍पाइक्‍तामी। मिनु मार थिंसाक्‍व देंशा हना, मेको सहर ङा मुरुमी पिप आ सासन पतीकेमी मटिशो आ पर्बम शुश लोव़पुकी ब्रेक्‍शा वोइश्‍शो थिंसाक्‍व। मिनु साइ रे मोदेंशो मटितीके, पना पन पिशो बाक्‍तेक्‍म।

एज्रा 4:21

मोपतीके मेको मुर आन गेय तेक्‍चा माल्‍ब, दे मतीन। मिनु गो हुकुम मगेङा सम्‍म मेको सहर लेंशा मसेल्‍मेक्‍ल।

एज्रा 7:24

मिनु गो इन कली मार तुइक्‍पाइक्‍चा दाक्‍नीकी देंशा हना, चढ़ेब, लेवी, कुम्‍सो पाइब, लाप्‍चो खाल पाइब, परमप्रभु आ खिंमी गेय पाइब नु अरु गेय पाइब आन कली पिप कली गेतीक क्‍येट नु तिरो पोक्‍चा मताइनीम’ दे हुकुम गे‍नन्‍नी।

भजन संग्रह 72:8

मेकोमी समुन्‍द्र का रे अर्को समुन्‍द्र सम्‍म नु ठेयब खोला रे रागी आ सुर सम्‍म सासन पवल। जकरिया ९:१०

बिलाप 1:1

मेको सहरम गिश श्‍येत्‍थ दुम्‍मे। ङोंइती मेकेर शुश मुर बाक्‍तेक्‍म। मेको आ वोंइश बेक्‍शो मीश मुर खोदेंशो दुम्‍त। मेको ङोंइती रागी रागी आन दातेमी ठेयब बाक्‍त। मेको रागी पिप आ तमी खोदेंशो बाक्‍त। मुल मेको सहर वाइल खोदेंशो दुम्‍त। येरमीया ५१:५

इजीकीएल 19:11

मेको आ बोल्‍यो राशी का पिप आन हुकुम पतीक कोक्‍के दुम्‍चा ङा बाक्‍त। मेको शुश राशी आन दातेमी लाइश्‍शो नु कोल्‍शो दुम्‍शा, शुश राशी दाप्‍पाइश्‍शा लत।

मत्ती 9:9

मिनु येसु मेकेर रे लमेनु, मत्ती माइश्‍शो तिरो पोक्‍ब मुर का आ अडडाम बाक्‍शो ताप्‍तु। मिनु येसुमी “आं नोले खोइय्‍यी” दे मदानु, मेको छुल बोक्‍शा, येसु आ नोले खोइक्‍तु। मत्ती १०:३