एज्रा 4:2 - Sunuwar Bible

² मिनु मेकोपुकीमी जेरूब-बाबेल, येशुआ नु खिं खिं ङा ठेयब मुर आन बाक्‍तीकेमी जाक्‍शा “गो आंइ कली यो गे नु गारशा, मेको खिं सेल्‍चा गेकी। गो यो गे इन खोदेंशो पा इन परमप्रभु कली ठेयब सेल्‍ना सेल्‍न बाक्‍नीकी। मिनु गो आंइ कली एक चाक्‍ब अस्‍सुर ङा पिप एसर-हददोन आ पाला रे गो यो इन परमप्रभु कली चढ़ेन चढ़ेन बाक्‍तक” देंतेक्‍म। येरमीया ४१:५; २राजा १७:२४-३३; २राजा १९:३७

एज्रा 4:2 ပူးပေါင်းရင်းမြစ်များ

उत्पत्ती 10:11

निम्रोद मेको रागी रे अस्‍सुर जाक्‍शा, निनवे, रेहोबोथ-इर नु कालाह सहर सेला बाक्‍त।

२ राजा 17:24

मेको नोले अस्‍सुर ङा पिपमी बेबीलोन, कूथाह, अव्‍वा, हमाथ नु सेफारवाइम रे मुरपुकी चाक्‍मी बाक्‍त। मिनु मेको आन कली इस्राएली आन पा ङा सामरीया ङा सहरपुकीम बाक्‍पाइक्‍मी बाक्‍त। मेकोपुकी सामरीया आंम के सेल्‍शा मेकेर बाक्‍मा बाक्‍त।

२ राजा 17:41

मेको रागी रागी ङा मुरपुकीमी परमप्रभु यावे कली ठेयब सेल्‍शा यो आन मुशा सेल्‍शो मूर्ति आन कली पूजा पामे बाक्‍त। मुल सम्‍म आन चच युइमी आन किकी पिपीम पशो खोदेंशो पना पन बाक्‍नीम।

२ राजा 19:37

मिनु मेको काबु आ देवता निस्रोक आ खिंमी पूजा पना पन बाक्‍मेनु, मेको आ तौ अद्राम्‍मेलेक नु शरेसेरमी मेको कली तरवारम क्‍योरशा सदसे बाक्‍त। मिनु प्रोक्‍शा आरारात रागी लसा बाक्‍त। मिनु मेको आ पा ङा आ तौ एसर-हददोन पिप दुम्‍माक्‍त। २राजा १९:७

एज्रा 1:5

मिनु नोले यरूसलेम सहरमी परमप्रभु यावे आ खिं लेंशा सेल्‍चा कली परमप्रभुमी मुर आन थुं पोक्‍चा पुंइसीशो यहूदा नु बेन्‍यामीन आस खिं खिं ङा ठेयब मुरपुकी, चढ़ेबपुकी नु लेवी नेल्‍ल मेकेर लचा कली सास‍मा बाक्‍त।

एज्रा 2:2

जेरूब-बाबेल नु बेबीलोन रे यरूसलेम जाक्‍ब येशुआ, नेहेम्‍याह सेरायाह, रेलायाह, मोरदेकै, बिल्‍शान, मिस्‍पार, बिग्‍वाइ, रेहुम नु बानाह जाक्‍शो बाक्‍तेक्‍म। मेको इस्राएली सु सु नु गिश मुर बाक्‍तेक्‍म देंशा हना,

एज्रा 3:12

परमप्रभु यावे आ ङोंइती ङा खिं तशो चढ़ेबपुकी, लेवीपुकी नु आन खिं खिं ङा ठेयब मुर नु अरु खाल्‍पापुकी परमप्रभु यावे आ खिं ङा जग वोइश्‍शो तशा, ठेयब सेंदा पा ङाक्‍‍तेक्‍म। मिनु अरु मुर चहिं ग्‍येरशा ठेयब सेंदामी रेयके पाम्‍तेक्‍म। हाग्‍गै २:३

एज्रा 3:2

मेना योसादाक आ तौ येशुआ नु मेको आ वारच चढ़ेब, शाल्‍तीएल आ तौ जेरूब-बाबेल नु मेको आ खिं ङा मुर नेल्‍लेमी इस्राएली आन परमप्रभु कली चढ़ेतीके सेल्‍तेक्‍म। परमप्रभु आ मुर मोसामी आ अरेशो लोव़म दोपा ब्रेक्‍शो बाक्‍मे, मोपा चोशा चढ़ेचा कली मेको चढ़ेतीक सेल्‍तेक्‍म। एज्रा २:२; प्रस्‍थान २७:१; लेवी ६:२

नेहेम्‍याह 9:32

मिनु आंइ परमप्रभु, गे नेल्‍ल क्‍येङा ठेयब सक्ति पाइश्‍शो नु मान पा हिंचा माल्‍शो परमप्रभु बाक्‍नीनी। इन पशो कबल इन गेना हना यो दाक्‍तीक खाप्‍ब बाक्‍नीनी। अस्‍सुर ङा पिप आन पाला रे मुलाक्‍त सम्‍म आंइ कली गेशो श्‍येत, आंइ पिप आन कली, आंइ ठेयब मुर आन कली, इन कली चढ़ेब आन कली, इन लोव़ पाइब आन कली, आंइ किकी पिपी आन कली नु इन मुर नेल्‍ल आन कली गेशो श्‍येत कली आइक्‍च ममिम्‍तीन। ब्‍यवस्‍था ७:९,१२; १राजा ८:२३; नेहेम्‍याह १:५

भजन संग्रह 73:8

मेकोपुकीमी शुक्‍शी पा मरिम्‍शो लोव़ पाइनीम। मिनु आन ठेयब लेत्‍तीकेमी मुर आन कली हिंच कोंइनीम।

यसैया 37:37

मो दुम्‍मेनु अस्‍सुर ङा पिप सन्‍हेरीब लेश्‍शा लशा निनवे सहरम बाक्‍त।

यसैया 37:38

मिनु आ देवता निस्रोक आ खिंमी बाप्‍शा पूजा पना पन बाक्‍मेनु, आ तौ अद्राम्‍मेलेक नु शरेसेरमी मेको कली तरवारमी क्‍योरशा साइक्‍ताक्‍स। मिनु मेको निक्‍शी प्रोक्‍शा, आरारात रागी लाम्‍ताक्‍स। मिनु मेको आ पा ङा आ तौ एसर-हददोन पिप दुम्‍‍‍त।

होसे 14:3

अस्‍सुर ङा मुरपुकीमी आंइ कली प्रोंइने मचाप्‍नीम। गोपुकी लडाइ पथ शारा ङोइश्‍शा मगाक्‍नीकी। मिनु गो आंम सेल्‍शो थोव़क कली ‘इं परमप्रभु’ दे गेनायो मदेंनीकी। मारदे हना रोम रोइक्‍चपुकीमी इन शिशी ताइनीम” दे परमप्रभु कली देंनीन।

गलाती 2:4

तन्‍न मेकेर खुम्‍सीशा बाक्‍ब आन मतुइक्‍थु थमा सुइक्‍ब दुम्‍खु पा, दूली शेंब ब्‍वांइ‍साक्‍म। मोपा गोपुकी नु ब्‍वांइ‍सीशा, आंइ थुं कोव़शा बाक्‍तेक्‍म। गोपुकी ख्रीस्‍त येसुमी यहूदी आन रिती थिती पचा प्रोंइशा बाक्‍तक। तन्‍न मेकोपुकीमी यहूदी आन रिती थितीम लेप्‍पाइक्‍चा बोल पाम्‍तेक्‍म।

२ तिमोथी 3:8

दोपा यन्‍नस नु याम्‍ब्रेस माइश्‍शो मुर निक्‍शीमी मोसा कली “इ गेय ठीक मबाक्‍ब” देंसा, मोपा मेको मुरपुकीमी यो थमा शेंतीके कली “ठीक मबाक्‍ब” देंनीम। आन थुं मूर्ख गेयम ब्रीशो दुम्‍शा, थमा सुइक्‍तीके प्रोंइशो बाक्‍नीम। प्रस्‍थान ७:११,२२