एज्रा 4:16 - Sunuwar Bible

¹⁶ मिनु गो पिप इन कली मार लोव़ तुइक्‍पाइक्‍चा दाक्‍नीकी देंशा हना, एको सहर लेंशा सेल्‍तेक्‍म हना, नु मेको आ एर ओंथ ङा गारो प्रोव़ने थुम्‍तेक्‍म हना, युफ्रेटीस आइक्‍ची हांबुम इन के मारेइ अधिकार मलीब” दे ब्रेक्‍शो बाक्‍त।

एज्रा 4:16 ပူးပေါင်းရင်းမြစ်များ

२ सामुएल 8:3

मिनु दाऊद युफ्रेटीस खोला आ नेक्‍थाम आ अधिकार वोइक्‍चा कली लमेनु, सोबाह सहर ङा रेहोब आ तौ पिप हादादेजेर कली यो लडाइ पा ग्रामाक्‍त।

१ राजा 4:24

मारदे हना मेकोम युफ्रेटीस खोला आ पच्‍छिम गे ङा रागी तिफ्‍साह रे गाजा सम्‍म युफ्रेटीस खोला आ पच्‍छिम गे बाक्‍ब पिप नेल्‍ल आन कली सासन पशो बाक्‍माक्‍त। मेको आ राज्‍य नेल्‍ल लडाइ मदुम्‍थु थुं नाइश्‍शा बाक्‍शो बाक्‍मा बाक्‍त।

एज्रा 4:15

इन किकी पिपीमी ब्रेक्‍शा वोइश्‍शो ब्रेक्‍स माल्‍शा, कोव़ङीन। मेकेर मार ब्रेक्‍शो बाक्‍मे थित्‍नीनी। मेको सहरम काइ मटीब मुर बाक्‍नीम। मेकोपुकी पिप नु रागी कली मरिम्‍शो पाइब बाक्‍नीम। मोपतीके एको सहर कली खतम पोक्‍शो बाक्‍त।

एज्रा 4:17

मिनु पिपमी “आं सोइश्‍शो रेहुम, ब्रेक्‍तीक गेय पाइब शिम्‍शाइ नु सामरीया सहर नु आ एर ओंथ नु ठेयब खोला आइक्‍ची हांबु बाक्‍ब इन गेय पाइब आन कली ‘रिम्‍शो बाक्‍कीन’ दे ब्रेक्‍नुङ।

एज्रा 4:20

यरूसलेममी सासन पाइब सक्ति पाइश्‍शो पिपपुकी बाक्‍तेक्‍म। मेकोपुकीमी युफ्रेटीस आइक्‍ची हांबु ङा रागी नेल्‍ल अधिकारम वोइश्‍शो बाक्‍तेक्‍म। मिनु मुरपुकीमी पिप कली थाप्‍तीके, आन चेम्‍शो रे थाप्‍तीके नु आन रू ङा थाप्‍तीके नेल्‍ल थाप्‍शो बाक्‍तेक्‍म।