एज्रा 4:15 - Sunuwar Bible

¹⁵ इन किकी पिपीमी ब्रेक्‍शा वोइश्‍शो ब्रेक्‍स माल्‍शा, कोव़ङीन। मेकेर मार ब्रेक्‍शो बाक्‍मे थित्‍नीनी। मेको सहरम काइ मटीब मुर बाक्‍नीम। मेकोपुकी पिप नु रागी कली मरिम्‍शो पाइब बाक्‍नीम। मोपतीके एको सहर कली खतम पोक्‍शो बाक्‍त।

एज्रा 4:15 ပူးပေါင်းရင်းမြစ်များ

२ राजा 24:20

मिनु परमप्रभु यावे आ गाइश्‍शोम पतीके यरूसलेम नु यहूदा ङा मुर नेल्‍ल आन कली आ ङोंइती रे ग्रुंइदीमी बाक्‍त। मिनु नोले सिदकीयाहमी बेबीलोन ङा पिप कली मटिवा बाक्‍त। २राजा २३:२७

२ राजा 25:4

मेना पिप नु लडाइ पाइब नेल्‍ल गारो होइश्‍शा, नाक्‍दो प्रोक्‍मा बाक्‍त। मेको पिप आ रू रे गारो निक्‍शी आस दाते ङा लाप्‍चो रे कल्‍दीपुकी सहर आ एर ओंथ बाक्‍तेक्‍म हना यो, प्रोक्‍मा बाक्‍त। मोपा मेकोपुकी अराबाह गे प्रोक्‍मा बाक्‍त।

एज्रा 4:12

पिप इन कली मार लोव़ तुइक्‍पाइक्‍चा दाक्‍नीकी देंशा हना, इन कली प्रोंइशा एको रागीमी जाक्‍ब यहूदीपुकी यरूसलेममी जाक्‍तेक्‍म। मिनु मेकोपुकीमी काइ मटीब नु मरिम्‍शो पाइब आन सहर कली लेंशा सेल्‍ना सेल्‍न बाक्‍नीम। मेकोपुकीमी मेको आ जग लेंशा सेल्‍शा, आ गारो यो प्रोव़ने थुम्‍चशो बाक्‍नीम।

एज्रा 4:14

गो पिप इन गेशो जाइनीकी। मोपतीके सुइम इन कली मान मपशो कोव़चा मदाक्‍नीकी। मोपतीके पिप इन कली एको लोव़ तुइक्‍पाइक्‍चा कली लोव़ कुरब मुर सोइक्‍ताक्‍क।

एज्रा 4:16

मिनु गो पिप इन कली मार लोव़ तुइक्‍पाइक्‍चा दाक्‍नीकी देंशा हना, एको सहर लेंशा सेल्‍तेक्‍म हना, नु मेको आ एर ओंथ ङा गारो प्रोव़ने थुम्‍तेक्‍म हना, युफ्रेटीस आइक्‍ची हांबुम इन के मारेइ अधिकार मलीब” दे ब्रेक्‍शो बाक्‍त।

नेहेम्‍याह 2:19

मिनु होरोनी सान्‍बल्‍लत, आ गेय पाइब अम्‍मोनी तोबीयाह नु अराबी गेशेममी चहिं एको लोव़ नेंशा, आंइ कली शुक्‍शी पा ठेयब लेश्‍शा “गे मार पाइनीनी, हां? पिप आ सासन प्रोंइचा माल्‍नी?” दे हुइक्‍ताक्‍की।

नेहेम्‍याह 6:6

मिनु मेको ब्रेक्‍समी “अर्को जात ङा मुरपुकीमी ‘गे नु यहूदीपुकी गारशा सरकार कली तुल्‍चशो बाक्‍नीनी’ देंतेक्‍म। गेशेममी यो मोन देंत। मोपतीके गे गारो सेल्‍ना सेल्‍न बाक्‍नीनी। गे चहिं मेको आन पिप दुम्‍चा माल्‍शो बाक्‍नेवे, देंशो यो नेंसाक्‍व। नेहेम्‍याह २:१९; एज्रा ४:१२

एस्‍तर 2:23

मिनु मेको लोव़ हिल्‍लो हिक्‍सी पामेनु, थमा बाक्‍त, दे पिपमी तुइक्‍ताक्‍व। मिनु मेको ठेयब गेय पाइब आस कली थामम क्‍युक्‍शा साइक्‍तेक्‍म। मिनु नोले पिप आ ङोंइती मेको लोव़ नेल्‍ल इतिहास ब्रेक्‍तीक किताबमी ब्रेक्‍ताक्‍म।